گلِ نشاط میں رکھا نہ فصلِ غم کو دیا ------ صائمہ علی

[مغزل]

غزل


گلِ نشاط میں رکھا نہ فصلِ غم کو دیا
صبائے عشق نے خوشبو کا ظرف ہم کو دیا

عجب سکوں ہے طبیعت میں جب سے اس دل نے
تری خوشی کی ضمانت میں اپنے غم کو دیا

زبانِ خلق نے کیا کیا نہ ہم کو نام دھرے
کرم کا نام جو ہم نے ترے ستم کو دیا

بہت ملال سے کہتی ہیں اب تری آنکھیں
یہ کیسے چاند کو ہم نے شبانِ غم کو دیا

اب ایک بھیگی چمک رہتی ہے سرِ مژگاں
کہا تھا اس نے کبھی میری چشمِ نم کو دیا

صائمہ علی

(اسلام آباد)​

 

[شاہ حسین]

بہت خوب جناب مغل صاحب ۔
اچھا انتخاب ہے ۔

 

[مغزل]

بہت شکریہ شاہ جی حوصلہ افزائی کے لیے ممنون ہوں

 

[خوشی]

اچھا کلام ہے مگر کہیں کہیں سکتہ سا محسوس ہوتا ہے


ویسے خوب ہے

 

[مغزل]

شکریہ خوشی صاحبہ ، کہاں کہاں سکتہ محسوس ہوا نشاندہی تو کیجے ، میں صائمہ کو بتا دوں گا تاکہ وہ اسے دوبارہ دیکھ لیں۔،
ویسے آپ کی گفتگو سے اندازہ ہوتا ہے کہ آپ شعر گوئی سے شغف رکھتی ہیں ، کیا یہ سچ ہے یا محض میری سوچ ؟؟

 

[کاشفی]

عمدہ جناب۔۔آداب عرض ہے۔۔

 

[آبی ٹوکول]

بہت خوب مغل بھائی ہمیشہ کی طرح لاجواب

 

[مغزل]

کاشفی صاحب اور آبی بھیا، بہت بہت شکریہ

 

[عمران شناور]

بہت اچھی غزل ہے۔ محمود صاحب شیئر کرنے کے لیے شکریہ۔

 

[مغزل]

بہت شکریہ شناور صاحب ، خوش رہیں جناب

 

[محمد وارث]

بہت خوبصورت غزل ہے، لاجواب۔

شکریہ مغل صاحب شیئر کرنے کیلیے!

 

[مغزل]

شکریہ وارث صاحب ، بہت شکریہ