گرمی کا موسم آیا ( بچوں کے لیے لکھی گئی نظم)

تنزیلہ افضل نے 'اِصلاحِ سخن' کی ذیل میں اس موضوع کا آغاز کیا، ‏فروری 2, 2018

  1. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful


    آہاہا! گرمی کا موسم آیا
    ٹھنڈی قُلفیاں اور آم ساتھ لایا
    بچے خوش ہیں کہ ہوں گی اب برساتیں
    لمبے دن ہوں گے چھوٹی ہوں گی راتیں
    آ رہی ہیں گرمیوں کی چھٹیاں
    امّی پریشاں ہیں بچے لیکن شاداں
    خوب کھیلیں گے خوب مزے کریں گے
    امّی ڈانٹیں گی تو تھوڑا سا پڑھیں گے
    کبھی کرکٹ تو کبھی چھپن چھپائی
    گھروں کی کھڑکیوں کی ہے شامت آئی
    کبھی ہاکی کبھی ہے گُلی ڈنڈا
    تھک کے بیٹھے ، کھائیں گے قُلفہ ٹھنڈا
    کِساں بھی خوش ہے کہ ہوگی اب کٹائی
    ملے گا خلقت کو رزق، کرے گا وہ کمائی
    بنائے رب نے ہیں موسم سارے اچھے
    جو رب کا شکر کریں ہیں اچھے وہی بچے
     
    • پسندیدہ پسندیدہ × 4
  2. عرفان سعید

    عرفان سعید محفلین

    مراسلے:
    5,448
    جھنڈا:
    Finland
    موڈ:
    Psychedelic
    منصبِ اصلاح کے ہم ہرگز لائق نہیں۔ یہ تو اساتذہ کا کام ہے۔بس ایک گزارش عرض کردیں۔

    آپ کی کوشش ماشاءاللہ اچھی ہے۔ لیکن اگر آپ بُرا نہ منائیں تو پہلے عروض و بحور میں مہارت پیدا کریں۔پھر اس کلام کو موزوں کریں تو دیکھیں کیسے چار چاند لگتے ہیں۔
    دخل در معقولات پر معذرت، آپ کا دل توڑنا ہرگز مقصد نہیں ہے۔ بلکہ درست سمت نشاندہی کرنا ہے۔
     
    • پسندیدہ پسندیدہ × 5
    • دوستانہ دوستانہ × 1
    • متفق متفق × 1
  3. ربیع م

    ربیع م محفلین

    مراسلے:
    3,563
    جھنڈا:
    Pakistan
    موڈ:
    Lonely
    آ بھی گیا ؟
     
    • پر مزاح پر مزاح × 2
    • پسندیدہ پسندیدہ × 1
  4. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful
    السلام علیکم،
    محترم عرفان سعید صاحب،
    بہت شُکریہ :) در اصل میں ایک ادارے کے مرکزی دفتر میں نصاب اور اُس سے متعلقہ سرگرمیاں ڈیزائن کرتی ہوں اور نصاب کی معاونت کی تمام تر ذمہ داریاں اس میں شامِل ہیں۔کچھ روز قبل، مُجھے گرمی کے موسم پر ایک نظم لکھنے کا کہا گیا ، اس سرگرمی میں بچوں نے ہم وزن اِلفاظ کی نشاندہی کرنا تھی ، اس سرگرمی کے لیے وقت کم تھا چنانچہ قریباً دس منٹ کے قلیل وقت میں، میں نے نظم لکھی اور سرگرمی میں شامل کی۔ اس میں واقعتاً کافی سُقم موجود ہیں۔ میرا زیادہ تجربہ انگریزی نصاب پہ کام کرنے کا ہے اس لیے اُردو سے کافی دور ہو گئی ہوں ، اب آپ سب کی اُردو پڑھ کے تو مجھے احساسِ کمتری نے گھیرا ہوا ہے :act-up:
    (دخل در معقولات پر معذرت، آپ کا دل توڑنا ہرگز مقصد نہیں ہے۔ بلکہ درست سمت نشاندہی کرنا ہے) معذرت نہیں، جناب آپ شکریے کے مستحق ہیں اور تنقید و اصلاح کے لیے نظم ارسال کی تھی میں نے۔
    عروض و بحور بہت بھاری بھرکم لفظ ہے مجھ نالائق کے لیے، ویب سائٹ پہ دیے گئے عروض کے ربط پہ جا کے دیکھا تو جتنی مشکل عروض کی اصطلاح محسوس ہوئی تھی، اُس سے کہیں زیادہ مشکل اور نا قابلِ ہضم اس کی تشریح اور تفصیل ثابت ہوئی۔آسان الفاظ میں وضاحت فرما دیں:)
     
    • پسندیدہ پسندیدہ × 3
  5. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful
    نہیں جناب، لیکن نظم آ گئی ہے گرمی سے پہلے اُس کا استقبال کرنے :)
     
    • دوستانہ دوستانہ × 2
  6. محمد تابش صدیقی

    محمد تابش صدیقی منتظم

    مراسلے:
    24,131
    جھنڈا:
    Pakistan
    موڈ:
    Breezy
    اصطلاحات سے قطع نظر اوزان پر توجہ دیں، تعلیم و تعلم سے تعلق رکھنے والے فرد کے لیے اتنا مشکل نہیں۔
    شاعری کے بنیادی قاعدہ کے طور پر محترم محمد خلیل الرحمٰن صاحب کے اس مضمون سے استفادہ حاصل کیجیے۔ :)
     
    • پسندیدہ پسندیدہ × 6
    • دوستانہ دوستانہ × 1
  7. محمد تابش صدیقی

    محمد تابش صدیقی منتظم

    مراسلے:
    24,131
    جھنڈا:
    Pakistan
    موڈ:
    Breezy
    یہ کافی حوصلہ افزاء بات ہے کہ آپ کے قوافی درست ہیں۔ آج کل تو اپنے آپ کو شاعر کہنے والوں میں بھی ایسے لوگ ہیں جن کے قوافی درست نہیں ہوتے۔ :)
     
    • پسندیدہ پسندیدہ × 3
    • متفق متفق × 1
  8. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful
    محمد تابش صدیقی صاحب،
    بہت شکریہ، آپ نے جس مضمون کا حوالہ دیا ہے بہت دلچسپ اور زود ہضم :) ہے، میں نے اُسے بُک مارک کر دیا ہے، وقتاً فوقتاً اصلاح کی غرض سے پڑھتی رہوں گی۔
     
    • پسندیدہ پسندیدہ × 1
    • دوستانہ دوستانہ × 1
  9. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful
    یہ تبصرہ پڑھ کے مجھے بھی بے اِنتہا خوشی ہوئی ہے۔اللہ کریم آپ کو جزائے خیر عطا فرمائیں۔آمین
     
    • دوستانہ دوستانہ × 1
  10. محمد تابش صدیقی

    محمد تابش صدیقی منتظم

    مراسلے:
    24,131
    جھنڈا:
    Pakistan
    موڈ:
    Breezy
    آمین
     
    • زبردست زبردست × 1
  11. عرفان سعید

    عرفان سعید محفلین

    مراسلے:
    5,448
    جھنڈا:
    Finland
    موڈ:
    Psychedelic
    وعلیکم السلام
    محترمہ تنزیلہ افضل صاحبہ!
    آپ کے درس و تدریس کے مشاغل جان کر بہت خوشی ہوئی۔ اگر دس منٹ سے کم میں آپ نے درست قافیوں کے ساتھ یہ نظم لکھی ہے پھر تو کمال کر دیا۔شوق، ہمت اور مسلسل کوشش کو اگر آپ اختیار کیے رکھیں تو بہت سی منزلیں آپ کی منتظر ہیں۔
    احساسِ کمتری کیسا؟ یہاں توسب سیکھنے سکھانے کے لیے آتے ہیں۔آپ یہاں تشریف لاتی رہیں، امید ہے آپ کو دلچسپی کے بہت سے سامان ملیں گے۔
    محمد تابش صدیقی بھائی اب میدان میں آگئے ہیں تو "عروض و بحور" سے ہم دست کش ہوتے ہیں۔ انھوں نے بالکل درست رہنمائی فرمائی ہے۔
    باقی ایسا ہو نہیں سکتا کہ تابش بھائی آئیں اور روشنی نہ پھیلے۔
     
    • پسندیدہ پسندیدہ × 2
    • دوستانہ دوستانہ × 1
  12. تنزیلہ افضل

    تنزیلہ افضل محفلین

    مراسلے:
    15
    جھنڈا:
    Pakistan
    موڈ:
    Cheerful
    جی عرفان بھائی، یہ دس منٹ کی تُک بندی تھی لیکن ایک نظم لکھنے میں مجھے قریباً ایک ہفتہ لگا تھا، کبھی وقت مِلا تو وہ محفِل میں شیئر کروں گی ان شاءاللہ
     
    • پسندیدہ پسندیدہ × 2
  13. عرفان سعید

    عرفان سعید محفلین

    مراسلے:
    5,448
    جھنڈا:
    Finland
    موڈ:
    Psychedelic
    جی ضرور
     
  14. محمد وارث

    محمد وارث لائبریرین

    مراسلے:
    25,554
    جھنڈا:
    Pakistan
    موڈ:
    Depressed
    بچوں کو کچھ خاص اوزان مرغوب ہوتے ہیں، جو ان کی طبائع کو بھاتے ہیں اور زبانوں پر چڑھ جاتے ہیں، میری بیٹی چھوٹی سی تھی تو اس کو میں چند سطریں یاد کرواتا تھا اور پھر وہ گھر بھر میں ان کو دہراتی پھرتی تھی، سو اسی یاد میں چند ایک سطریں۔ :)

    گرمی کا ہے موسم آیا
    ٹھنڈی میٹھی قلفی لایا

    اور ساتھ میں ہونگے بہت سے آم
    میٹھے میٹھے شہد بھرے جام

    لمبے دن اور چھوٹی راتیں
    آئے مزا جب ہوں برساتیں

    دوڑ کے آئیں لمبی چھٹیاں
    امی پریشاں بچے شاداں

    کھیلیں کودیں مزا کرنا ہے
    امی ڈانٹیں پھر پڑھنا ہے

    وغیرہ :)
     
    • پسندیدہ پسندیدہ × 7
    • زبردست زبردست × 3
  15. عبید انصاری

    عبید انصاری محفلین

    مراسلے:
    2,461
    جھنڈا:
    Pakistan
    موڈ:
    Cool
    اب ان اوزان کی مختصر تفصیل آپ پر قرض ہے۔ جلد ہی اتار دیجیے گا۔:)
     
    • دوستانہ دوستانہ × 1
  16. محمد وارث

    محمد وارث لائبریرین

    مراسلے:
    25,554
    جھنڈا:
    Pakistan
    موڈ:
    Depressed
    مشکل کام ہے، بس ایسے ہی ہوتے ہیں مختصر مختصر۔ صوفی تبسم کی کتاب ٹوٹ بٹوٹ اور اسماعیل میرٹھی کی نظمیں اس ضمن میں چراغِ راہ ہیں! :)
     
    • پسندیدہ پسندیدہ × 3
    • معلوماتی معلوماتی × 1
    • متفق متفق × 1
  17. محمد وارث

    محمد وارث لائبریرین

    مراسلے:
    25,554
    جھنڈا:
    Pakistan
    موڈ:
    Depressed
    • زبردست زبردست × 4
  18. عبید انصاری

    عبید انصاری محفلین

    مراسلے:
    2,461
    جھنڈا:
    Pakistan
    موڈ:
    Cool
    بہت شکریہ وارث بھائی
     
    • دوستانہ دوستانہ × 1
  19. عبید انصاری

    عبید انصاری محفلین

    مراسلے:
    2,461
    جھنڈا:
    Pakistan
    موڈ:
    Cool
    اچھا لگے ہاتھوں یہ بھی بتا دیجیے کہ بچوں کی ابتدائی فارسی کی تعلیم کے لیے آپ کا کمپوز کردہ "غالب کا قادر نامہ" کیسا پے؟ یا اس سے آسان اور بہتر جو آپ کے علم میں ہو۔
     
    • پسندیدہ پسندیدہ × 2
  20. محمد وارث

    محمد وارث لائبریرین

    مراسلے:
    25,554
    جھنڈا:
    Pakistan
    موڈ:
    Depressed
    جی عمدہ ہے، عربی اور فارسی کے الفاظ کا ترجمہ مرزا نے خوب دیا ہے ان میں۔ ہمارے مدارس میں عام طور پر سعدی کے 'کریما' اور 'آمد نامہ' سے فارسی کا سبق شروع کروایا جاتا ہے۔ کریما میں آسان اشعار ہیں اور آمد نامہ میں فارسی کی گردانیں۔
     
    • پسندیدہ پسندیدہ × 3
    • معلوماتی معلوماتی × 2

اس صفحے کی تشہیر