مغزل
محفلین
گردشِ سُخن آشنا
رَوز اِک نظم سُناتا ہُوں جِسے
رَوز اِک زخم دِکھاتا ہُوں جِسے
وہ فقط دیدہِ بیدارِ گرفتار نہیں
کم______
سرِ شعلہِ پندارِ گرفتار نہیں
رَوز اِک حال سے معمور کوئی تازہ نَوا
لَب پہ آجائے تو
اُس گوش پہ رکھ آتا ہوں
فردِ مَے نوشیِ با ہوش پہ رکھ آتا ہوں
حرفِ اظہار کو اِک وَاہ پہ حَد کرتے ہوئے
خوئے تسخیر سے وہ حُسن کو قَد کرتے ہوئے
ایستادہ ہُوا جاتا ہے
سرِ جادہِ تنہائی
اور___
اَب تو ےہ حال ہے
عادت سی بَنالی اُس نے
مَیں مِلوں یا نہ مِلوں
رَاہ نکالی اُس نے
رَاہ جو رَاہ کرے دیدہِ و دِل کو مر قوم
مَیں مِلوں یا نہ مِلوں
سارے سُخن ہوں معلوم
وقت رُک جائے کہ رفتار و سفر زندہ رکھے
روز اِک نظم سُناؤں گا اُسے
روز اِک زخم دِکھاؤں گا اُسے
روز اِک حال سے معمور کوئی تازہ نَوا
وہ مِلے یا نہ مِلے
شاہد حمید
رَوز اِک نظم سُناتا ہُوں جِسے
رَوز اِک زخم دِکھاتا ہُوں جِسے
وہ فقط دیدہِ بیدارِ گرفتار نہیں
کم______
سرِ شعلہِ پندارِ گرفتار نہیں
رَوز اِک حال سے معمور کوئی تازہ نَوا
لَب پہ آجائے تو
اُس گوش پہ رکھ آتا ہوں
فردِ مَے نوشیِ با ہوش پہ رکھ آتا ہوں
حرفِ اظہار کو اِک وَاہ پہ حَد کرتے ہوئے
خوئے تسخیر سے وہ حُسن کو قَد کرتے ہوئے
ایستادہ ہُوا جاتا ہے
سرِ جادہِ تنہائی
اور___
اَب تو ےہ حال ہے
عادت سی بَنالی اُس نے
مَیں مِلوں یا نہ مِلوں
رَاہ نکالی اُس نے
رَاہ جو رَاہ کرے دیدہِ و دِل کو مر قوم
مَیں مِلوں یا نہ مِلوں
سارے سُخن ہوں معلوم
وقت رُک جائے کہ رفتار و سفر زندہ رکھے
روز اِک نظم سُناؤں گا اُسے
روز اِک زخم دِکھاؤں گا اُسے
روز اِک حال سے معمور کوئی تازہ نَوا
وہ مِلے یا نہ مِلے
شاہد حمید
