گاؤں،شہر

وہ اتنی خوش نظر آتی ہے لال کپڑوں میں
کہ جیسے شہر میں آتا ہے کوئی_ گاؤں سے
عدم

 

شہر سارا چھتوں پہ تھا بابرؔ
چاند اترا تھا پھر چوبارے پر
احمد سجاد بابر

 

فصل تمہاری اچھی ہوگی جاؤ ہمارے کہنے سے
اپنے گاؤں کی ہر گوری کو نئی چنریا لا دینا
رئیس فروغ

 

کر گئیں گِر کے اسے اپنی فصیلیں عریاں
شہر کا شہر ہواؤں میں بکھرتے دیکھا
آفتاب اقبال شمیم

 

تمہارے شہر میں میت کو سب کاندھا نہیں دیتے
ہمارے گاؤں میں چھپر بھی سب مل کر اٹھاتے ہیں
منور رانا

 

شہر امید بساتا ہے یہ آکر سورج
شام ہوتی ہے توسب خیمے اکھڑجاتے ہیں
فیاض فاروقی

 

اس شہرٕ بے نیاز میں کتنےغر یب لوگ
فاقوں سے جو بچے تو دواؤں سےچل بسے

آ لودگی کا زہر وہ پھیلا کہ شہر میں
آئے تھے جتنے لوگ بھی گاؤں سے چل بسے

اختر ملک

 

شہر میں ہیں اس کے دشمن بہت
لگتا ہے آدمی کوئی اچھا ہے