گاؤں،شہر

[سیما علی]

ہمیں بھی یونہی گزرنا پسند ہے اور پھر
تمہارا شہر مسافر شناس بھی کم ہے



فرحت عباس شاہ

 

[سیما علی]

شہر، کوچوں میں کرو حشر بپا آج کہ ہم
اُس کے وعدوں کو بھلانے کے لئے نکلے ہیں

 

[سیما علی]

ایک ہی شہر میں رہنا ہے مگر ملنا نہیں
دیکھتے ہیں یہ ازیت بھی گوارا کر کے

 

[سیما علی]

عمر بھر ٹھوکریں کھاتا نہ پھروں شہر بہ شہر
ایک ہی شہر میں اور ایک ہی در پر رکھا

افتخار عارف

 

[سیما علی]

کچھ ان دنوں تیرا غم بھی برس نہیں پایا
کچھ ان دنوں میرے صحرا کی پیاس بھی کم ہے

ہمیں بھی یونہی گزرنا پسند ہے اور پھر،
تمہارا شہر مسافر شناس بھی کم ہے

فرحت عباس شاہ

 

[جاسمن]

میں گاؤں لوٹ رہا ہوں بہت دنوں کے بعد
خدا کرے کہ اسے میرا انتظار نہ ہو

وسیم بریلوی

 

[سیما علی]

میٹھے چشموں سے‘ خُنَک چھاؤں سے دُور
زخم کِھلتے ہیں ترے گاؤں سے دُور
سنگِ منزل نے لہو اُگلا ہے
دُور‘ ہم بادیہ پیماؤں سے دُور
کتنی شمعیں ہیں اسیرِ فانوس
کتنے یوسف ہیں زلیخاؤں سے دُور
کِشتِ امید سلگتی ہی رہی
ابر برسا بھی تو صحراؤں سے دُور
جَورِ حالات‘ بھلا ہو تیرا
چین ملتا ہے شناساؤں سے دُور
جنّتِ فکر بُلاتی ہے چلو
دَیر و کعبہ سے‘ کلیساؤں سے دُور
رقصِ آشفتہ سراں دیکھیں گے
دُور‘ ان انجمن آراؤں سے دُور
جستجو ہے درِّ یکتا کی‘ شکیب
سیپیاں چُنتے ہیں دریاؤں سے دُور
شکیب جلالی

 

[سیما علی]

پُوچھتا کون ہے شہروں میں اُنہیں
ولولے جو ہمیں گاؤں سے ملے
کیا کریں ہم اِسے روشن ماجدؔ!
فیض اب کون سا ناؤں سے ملے
ماجد صدیقی

 

[سیما علی]

یہ شہرِتمنا یہ امیروں کی دنیا
یہ خود غرض اور بے ضمیروں کی دنیا
یہاں سکھ مجھے دو جہاں کا ملا ہے
میرا گاؤں جانے کہاں کھو گیا ہے

 

[سیما علی]

خوش قسمت ہیں وہ جو گاؤں میں لمبی تان کے سوتے ہیں
ہم تو شہر کے شور میں شب بھر اپنی جان کو روتے ہیں

 

[جاسمن]

بارش ہوئی تو تیری خوشبو کے قافلے،
ایسے اُڑے کہ شہر گلابوں سے بھر گیا

 

[جاسمن]

جیت اور ہار کا امکان کہاں دیکھتے ہیں
ہم دیہاتی لوگ ہیں نقصان کہاں دیکھتے ہیں

 

[جاسمن]

چھوڑ سکتا ہوں گاؤں کو لیکن
میرے احباب در بدر ہوں گے
امین اوڈیرائى

 

[جاسمن]

ویسے تو نرخ کم ہی تھے گندم کے اس برس
آئی تھی تیرے گاؤں سے، مہنگی خرید لی

 

[یاسر شاہ]

شہروں سے تو دشت ہی بڑے تھے
اندازوں سے لوگ چل پڑے تھے
محشر بدایونی

 

[جاسمن]

گھر سے وہ نکلا ہے مینہ برستے میں
تمام شہر لئے چھتریاں تھا رستے میں
احمد فراز

 

[جاسمن]

پناہ دامن قانون میں نہ مسجد میں
ہمارے شہر میں ہر سائبان ایک سا ہے
خالد یوسف

 

[جاسمن]

ہزار بار بھی لٹ کر سبق نہیں سیکھا
وفا کے شہر میں ہر خوش گمان ایک سا ہے
خالد یوسف

 

[سیما علی]

ہزار بار بھی لٹ کر سبق نہیں سیکھا
وفا کے شہر میں ہر خوش گمان ایک سا ہے
خالد یوسف

واہ بہت خوب 🥰

 

[یاسر شاہ]

رات گئے کا سناٹا تھا خاموشی سی گاؤں کی تھی
ہم جس وقت سفر پر نکلے چاپ خود اپنے پاؤں کی تھی
اطہر صدیقی