کیا کوئی مجھے "ولی دکنی۔ سودا۔ درد کے غزلوں کو سمجھا یا تشریح کر سکتا ہے؟

محمد دانش اقبال نے 'بزم سخن' کی ذیل میں اس موضوع کا آغاز کیا، ‏نومبر 17, 2014

  1. محمد دانش اقبال

    محمد دانش اقبال محفلین

    مراسلے:
    14
    جھنڈا:
    India
    موڈ:
    Question
    آسلام علیکم
    عزیز دوستوں اور میرے پیارے بھائیوں۔۔

    مجھے کچھ غزلوں کو سمجھنا ہے کیا کوئی مجھے ولی کی یہ غزلیں سمجھا سکتا ہے۔۔
    1۔ کیا مجھ عشق نے ظالم کوں آب آہستہ آہستہ۔۔۔۔۔۔۔۔۔۔۔کہ آتش گل کوں کرتی ہے گلاب آہستہ آہستہ
    2۔ وہ صنم جب سوں بسا دیدہ حیراں میں آ ۔۔۔۔۔۔۔۔۔۔۔۔۔۔آتش عشق پڑی عقل کے ساماں میں آ
    3۔ خوبی اعجاز حسن یار گر انشا کروں۔۔۔۔۔۔۔۔۔۔۔۔۔۔بے تکلف۔ صفحہ کاغذ ید بیضا کروں


    درد کی یہ غزلیں۔۔۔
    1۔ ارض و سماں کہاں تیری وسعت کو پا سکے؟۔۔۔۔۔۔۔۔۔میرا ہی دل ہے وہ۔ کہ جہاں تو سما سکے
    2۔ ہم تجھ سے کس ہوس کی فلک ! جستجو کریں؟۔۔۔۔۔۔۔۔۔۔دل ہی نہیں رہا ہے۔ جو کچھ آرزو کریں
    3۔ تہمت چند اپنے ذمے دھر چلے۔۔۔۔۔۔۔۔۔۔۔۔۔۔۔۔جس لیے ہم آیے تھے۔ سو کر چلے


    میر تقی میر کی یہ غزلیں۔۔۔
    1۔ جس سر کو غرور آج ہے یاں تاج وری کا۔۔۔۔۔۔۔۔۔۔۔۔۔۔کل اس پہ یہیں شور ہے پھر نوحہ گری کا
    2۔ جب سے آنکھیں لگی ہیں ہماری' نیند نہیں آتی ہے رات۔۔۔۔۔۔۔۔۔۔تکتے راہ ہیں دن کو' آنکھوں میں جاتی ہے رات
    3۔ پتہ پتہ بوٹا بوٹا حال ہمارا جانے ہے۔۔۔۔۔۔۔۔۔۔۔۔۔۔۔۔۔۔جانے نہ جانے گل ہی نہ جانے باغ تو سارا جانے ہے۔


    آپ تمام محفل کے ادیبوں و شاعروں سے مؤدبانہ التماس ہے کہ برائے مہربانی آپ حضرات ان غزلوں کو سمجھانے میں یا اسکی تشریح کرنے میں میری مدد کریں۔۔
    آپ اگر کہیں گے تو میں پوری غزل تشریح کے لیے پیش کر دونگا۔۔۔
    آپ حضرات کے جوابات کا مجھے بے صبری سے انتظار رہے گا۔۔
    :act-up::act-up::act-up:
    آپکا بھائی دانش اقبال
     
    • معلوماتی معلوماتی × 1
  2. ابن رضا

    ابن رضا لائبریرین

    مراسلے:
    4,258
    جھنڈا:
    Pakistan
    موڈ:
    Brooding
    دانش بھائی وعلیکم السلام ۔ پہلے تو السلام علیکم کے ہجے درست فرما لیں۔ تشریح کے لیے استادِ محترم کو ٹیگ کردیا ہے انشاءاللہ وہ حسبِ سہولت تشفی بخش جواب دے دیں گے۔
     
    • متفق متفق × 4
  3. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    درست کہا، ابنِ رضا نے! ادب سے وابستہ دوستوں کو ایسی فروگزاشتوں سے حتی الوسع محتاط رہنا چاہئے۔

    آپ کا سوال بہت نصابی ہے۔ تسلی بخش تشریح تو کوئی ایسے دوست ہی کر سکیں گے جو باضابطہ طور پر تعلیم و تعلم سے وابستہ ہیں۔
    تاہم "اپنی سی کرو" کے مصداق احباب اپنا اپنا کردار ادا کرنے کی کوشش کریں گے۔ آپ ایک ایک کر کے غزلیں یہاں پوسٹ کرتے جائیے۔ اللہ بھلی کرے گا۔
     
    آخری تدوین: ‏نومبر 18, 2014
    • پسندیدہ پسندیدہ × 4
  4. محمد دانش اقبال

    محمد دانش اقبال محفلین

    مراسلے:
    14
    جھنڈا:
    India
    موڈ:
    Question
    ابن رضا بھائی آپکا بہت بہت شکریہ۔ انشاء اللہ میں آئندہ سے اسکا خیال رکھونگا کہ کوئی غلطی سرزد نا ہو۔۔ اور محمد یعقوب آسی برادر شکریہ تسلی بخش جواب دینے کے لیے۔۔
    میں پہلے ولی کی غزل یہاں پوسٹ کرتا ہوں
     
  5. محمد دانش اقبال

    محمد دانش اقبال محفلین

    مراسلے:
    14
    جھنڈا:
    India
    موڈ:
    Question
    ولی دکنی کی غزل

    کیا مجھ عشق نے ظالم کٗوں آب آہستہ آہستہ
    کہ آتش گل کوٗں کرتی ہے گلاب آہستہ آہستہ۔

    عجب کچھ لطف رکھتا ہے' شب خلوت میں گلرو‘ سوں
    خطاب آہستہ آہستہ' جواب آہستہ آہستہ


    مرے دل کوںٗ کیا بے خود' تری انکھیاں نے آخر کوٗں
    کہ جیٗوں بے ہوش کرتی ہے شراب آہستہ آہستہ


    ادا و ناز سوٗں آتا ہے وہ روشن جبیں گھر سوٗں
    کہ جیوٗں مشرق سے نکلے آفتاب آہستہ آہستہ


    ولی! مجھ دل میں آتا ہے خیال یار بے پروا
    کہ جیوٗں انکھیاں منیں آتا ہے خواب آہستہ آہستہ
     
    مدیر کی آخری تدوین: ‏نومبر 18, 2014
    • پسندیدہ پسندیدہ × 1
  6. خالد محمود چوہدری

    خالد محمود چوہدری محفلین

    مراسلے:
    13,650
    جھنڈا:
    Pakistan
    موڈ:
    Festive
    کیا مجھ عشق نے ظالم کوں آب آہستہ آہستہ
    کہ آتش گل کوں کرتی ہے گلاب آہستہ آہستہ
    وفاداری نے دلبر کی بجھایا آتشِ غم کوں
    کہ گرمی دفع کرتا ہے گلاب آہستہ آہستہ
    عجب کچھ لطف رکھتا ہے شبِ خلوت میں گلرو سوں
    سوال آہستہ آہستہ، جواب آہستہ آہستہ
    مرے دل کوں کیا بے خود تری انکھیاں نے آخر کوں
    کہ جیوں بے ہوش کرتی ہے شراب آہستہ آہستہ
    ہُوا تجھ عشق سوں اے آتشیں رُو! دل مرا پانی
    کہ جیوں گلتا ہے آتش سوں کباب آہستہ آہستہ
    ادا و ناز سوں آتا ہے وہ روشن جبیں گھر سوں
    کہ جیوں مشرق سے نکلے آفتاب آہستہ آہستہ
    ولیؔ مجھ دل میں آتا ہے خیالِ یار بے پرواہ
    کہ جیوں انکھیاں میں آتا ہے خواب آہستہ آہستہ
    ولیؔ دکنی

    کوں : کو
    جیوں: جیسے
    سوں:سے
     
    • زبردست زبردست × 1
    • متفق متفق × 1
  7. محمد دانش اقبال

    محمد دانش اقبال محفلین

    مراسلے:
    14
    جھنڈا:
    India
    موڈ:
    Question
    کہ آتش گل کو کرتی ہے گلاب آہستہ آہستہ کا کیا مطلب ہے؟
     
  8. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    اردو کا یہ اسلوب اب رہا نہیں، اس لئے مسئلہ پیدا ہوتا ہے۔
    اس شعر میں "مجھ عشق" کے معانی ہیں "میرا عشق"؛ "کُوں" بمعنی "کو"
    اس کی نثر کر کے دیکھئے: میرے عشق نے ظالم کو آہستہ آہستہ آب کر دیا (یعنی وہ نرم ہو گیا؛ پانی ہو گیا ۔۔ یاد رہے کہ شرمندہ ہونا "آب آب ہونا" یا "پانی پانی ہونا" ہوتا ہے۔ "آب ہونا": نرم ہو جانا، دل میں نرمی آ جانا)۔ کہ (جیسے کہ، مثال کے طور پر) آگ پھول کو آہستہ آہستہ گلاب کرتی ہے۔ متواتر تپش سے کلی کھل کر پھول بنتی ہے۔
    بات تو واضح یہیں واضح ہو جانی چاہئے۔
     
    • پسندیدہ پسندیدہ × 2
    • زبردست زبردست × 2
    • معلوماتی معلوماتی × 1
  9. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    بہت سارے دوست املاء میں غلطی کر جاتے ہیں؛ کہیں لاعلمی کی وجہ سے اور کہیں لاپروائی کی وجہ ہے۔

    نہ : نہیں (نافیہ ہے) اور نا : معانی میں تاکید پیدا کرتا ہے۔ نہ فعل سے پہلے اور نا بعد میں وارد ہوتا ہے۔
    یہاں نہ بیٹھئے (روکا جا رہا ہے)، یہاں بیٹھئے نا (امر پر اصرار کیا جا رہا ہے)۔

    کہ اور کے الگ الگ لفظ ہیں: کہ ۔۔ فلاں کہہ رہا تھا کہ مرزا صاحب جا چکے۔ میں نے اس کے کہے پر یقین کر لیا۔ فلاں کام کر کے دکھاؤ تب مانیں! وہ جا کے واپس آ گیا، یا جا کر واپس آ گیا؛ ایک ہی بات ہے۔

    پہ : (حسبِ موقع) دو معانی دیتا ہے: پر اور لیکن ۔ پر لیکن کے معانی میں بھی آتا ہے اور اوپر یا نتیجہ کے معانی میں بھی۔ پے : کوئی لفظ نہیں۔ پَے البتہ ہے (کے لئے)۔ درپَے کا مطلب ہے آمادہ، تیار۔

    مزید پھر کبھی سہی۔
     
    • پسندیدہ پسندیدہ × 2
    • معلوماتی معلوماتی × 2
    • زبردست زبردست × 1
  10. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    شبِ خلوت : تنہائی کی رات ۔۔۔ گل رُو : پھول سے چہرے والا (محبوب) ۔۔۔ سُوں: سے
    رات کی تنہائی میں محبوب سے دھیمے لہجے یا دھیمی آواز میں (سرگوشی بھی کہہ سکتے ہیں) بات چیت کرنے کا لطف عجیب ہوتا ہے۔
     
    • پسندیدہ پسندیدہ × 4
    • معلوماتی معلوماتی × 1
  11. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    انکھیاں نے: آنکھوں نے ۔۔ آخر کوں: آخر کو (آخرکار) ۔۔۔ جیوں: جیسے
    اس میں اور کوئی مشکل بات نہیں۔
     
    • پسندیدہ پسندیدہ × 3
    • معلوماتی معلوماتی × 1
  12. فارقلیط رحمانی

    فارقلیط رحمانی لائبریرین

    مراسلے:
    1,935
    جھنڈا:
    India
    موڈ:
    Festive
    وفاداری نے دلبر کی بجھایا آتشِ غم کوں
    کہ گرمی دفع کرتا ہے گلاب آہستہ آہستہ
    اس شعر کی بھی نثر کر کے دیکھ لیجیے:
    دلبر(یعنی دل چرا لینے والے) کی وفاداری نے غم کی آگ کو اس طرح بجھا دیا
    جس طرح گلاب گرمی کو آہستہ آہستہ دور کرتا ہے۔
     
    • پسندیدہ پسندیدہ × 3
    • معلوماتی معلوماتی × 1
    • متفق متفق × 1
  13. فارقلیط رحمانی

    فارقلیط رحمانی لائبریرین

    مراسلے:
    1,935
    جھنڈا:
    India
    موڈ:
    Festive
    عجب کچھ لطف رکھتا ہے شبِ خلوت میں گلرو سوں
    سوال آہستہ آہستہ، جواب آہستہ آہستہ
    گلرو (یعنی پھول سے چہرے والے) معشوق کی مانند (بمعنی سوں)تنہائی کی رات(شب) میں کچھ عجیب سا لطف رکھتا ہے
    آہستہ آہستہ سوال کرنا ، آہستہ آہستہ جواب دینا۔
     
    • پسندیدہ پسندیدہ × 3
    • متفق متفق × 1
  14. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    ادا و ناز سوں: ادا اور ناز سے ۔۔ روشن جبین: چمکتی پیشانی والا، حسین ۔۔۔ روشن جبین کی رعایت سے دوسرے مصرعے میں آفتاب اور محبوب کے گھر سے نکلنے کی رعایت سے سورج کے مشرق سے نکلنے کی بات کی۔ نازکی اس میں یہ ہے کہ جیسے سورج دھیرے دھرے طلوع ہوتا ہے (ایک دم تاریکی سے دھوپ نہیں بن جاتی) محبوب بھی ہولے ہولے سامنے آتا ہے یا کھلتا ہے (ایک دم نہیں!)۔
     
    آخری تدوین: ‏نومبر 19, 2014
    • پسندیدہ پسندیدہ × 4
  15. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    مجھ دل میں: میرے دل میں ۔۔ خیالِ یارِ بے پروا : بے پروا محبوب کا خیال ۔۔ جیوں: جیسے ۔۔ انکھیاں: آنکھیں ۔۔ منیں: میں (انکھیاں منیں : آنکھوں میں)
    جیسے آنکھوں میں نیند ہولے ہولے اترتی ہے۔ خواب کے معانی سپنا بھی ہو سکتا ہے، دونوں برابر درست ہیں۔
     
    • پسندیدہ پسندیدہ × 4
  16. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    محققین کے مطابق دیوانِ میر کے مختلف نسخوں میں تھوڑا بہت فرق پایا جاتا ہے۔ بعضوں نے میر کی املاء کو آسان بنا کر پیش کرنے کی سعی بھی کی ہے۔
     
    • پسندیدہ پسندیدہ × 2
    • معلوماتی معلوماتی × 1
  17. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    گل کو گلاب کرنا، ایک تو کھلنے والی بات ہوئی، ایک جو فارقلیط رحمانی صاحب نے لکھا:
    مزید تہہ داریاں بھی ممکن ہیں۔ ہم لوگ تو کہہ لیجئے کہ مل جل کر مطالعہ کی کوشش کر رہے ہیں۔
     
    • پسندیدہ پسندیدہ × 2
  18. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    • معلوماتی معلوماتی × 1
  19. فارقلیط رحمانی

    فارقلیط رحمانی لائبریرین

    مراسلے:
    1,935
    جھنڈا:
    India
    موڈ:
    Festive
    بے شک جناب عالی !
    یہی تو اردو محفل کا خاصہ ہے کہ یہاں ہم مل جل کر علم حاصل کر سکتے ہیں۔
    اور "میں نہیں ہم"( جسے افریقہ کی زولو بولی میں اوبنٹو کہتے ہیں) کے جذبے
    کے ساتھ روزانہ ہی کچھ نہ کچھ سیکھتے رہتے ہیں۔
    اور تہہ داریاں یقینا ممکن ہیں۔
    ایک شعر کی ایک نہیں کئی کئی طرح سے اساتذہ تشریح کرتے آئے ہیں۔
    لیکن تہہ داریوں والی مختلف النوع تشریحات مجھ جیسے طالب علم کا کام نہیں۔
    اس ناچیز نے تو ایک عام سی طالب علمانہ تشریح کرنے کی کوشش کی ہے۔
     
    • متفق متفق × 1
  20. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    متفق!
    آپ نے اوبنٹو کی بات کی تو سوال ذہن میں تازہ ہو گیا۔
    "فارقلیط" کس زبان کا لفظ ہے؟ قبطی؟ سریانی؟ یا کوئی اور؟ اس کے معانی جہاں تک میرے علم میں ہے، وہی ہیں جو "محمد" کے ہیں۔
     
    • پسندیدہ پسندیدہ × 1
    • معلوماتی معلوماتی × 1

اس صفحے کی تشہیر