کھیلوں کی خبریں


کرکٹر شاہزیب حسن کی سزا میں مزید 3 سال کا اضافہ

533431_8186341_updates.jpg

پی ایس ایل کے اسپاٹ فکسنگ کیس میں انٹرنیشنل کرکٹر شاہزیب حسن کی سزا ایک سال سے بڑھا کر 4 سال کر دی گئی۔آزاد ایڈجیوڈیکٹر جسٹس ریٹائرڈ حامد حسن نے کرکٹر شاہزیب حسن اپیل کیس کا فیصلہ سنایا ۔شاہ زیب حسن کی سزا میں مزید 3 سال کے اضافے کے علاوہ ان پر 10 لاکھ روپے جرمانہ برقرار رکھا گیا ہے۔اسپاٹ فکسنگ اسکینڈل میں پی سی بی اینٹی کرپشن ٹربیونل نے شاہزیب حسن کو ایک سال کی پابندی اور 10 لاکھ روپے جرمانہ کی سزا سنائی تھی۔سزا کے خلاف دونوں فریقین نے اپیل دائر کر رکھی تھی ۔
 
کرکٹر ناصر جمشید پر 10 سال کی پابندی عائد

536636_9312663_updates.jpg

اسپاٹ فکسنگ کیس میں معطل کرکٹر ناصر جمشید پر 10 سال کی پابندی لگا دی گئی۔پی سی بی اینٹی کرپشن ٹریبونل نے اسپاٹ فکسنگ کیس میں ناصر جمشید سے متعلق 6 اگست کو محفوظ کیا گیا فیصلہ آج سنایا ہے۔کیس کے فیصلے کے مطابق ناصر جمشید کو 10 سال تک ہر طرح کی کرکٹ سے دور رہنے کا حکم دیا گیا ہے ۔فیصلے سے قبل امکان ظاہر کیا جارہا تھا کہ کرکٹر ناصر جمشید کو 2 سے 5 برس تک پابندی کا سامنا ہوسکتا ہے۔
 
بریڈمین کی 110ویں سالگرہ پرگوگل’ڈوڈل‘ تبدیل

b_540611_114058_updates.jpg

ٹیسٹ کرکٹ کی تاریخ میں سب سے زیادہ مقبول ترین سمجھے جانے والےبیٹسمین’ ڈون بریڈمین ‘کی آج 110ویں سالگرہ پر گوگل اپنا ڈوڈل تبدیل کر کے انہیں خراج تحسین پیش کررہا ہے۔ڈون بریڈمین27 اگست 1908ءکوآسٹریلیا میں پیدا ہوئے۔ڈون آسٹریلیا کی تاریخ کے مشہور ترین کھلاڑیوں میں سے ایک تھے۔انہوں نے 52 ٹیسٹ مقابلوں میں 99.94 کے اوسط سے 6.996رنز بنائے۔
1948ء میں آسٹریلیا کے دورۂ انگلستان کے آخری ٹیسٹ میں اگر وہ 4 رنز بنانے میں کامیاب ہو جاتے تو آج ان کا اوسط 100 رنز ہوتا لیکن بدقسمتی سے وہ صفر پر آؤٹ ہو گئے اور یوں ان کا اوسط 99.94 فیصد ہوگیا۔

540611_9451984_updates.jpg

ڈون بریڈمین نے 29 مرتبہ 100 سے زیادہ رنزبنائے،جس میں دو مرتبہ 300 سے زیادہ رنز بھی شامل ہیں۔ ڈون ایک طویل عرصے تک واحد کھلاڑی تھے جنہوں نے دو مرتبہ 300 سے زائد رنز بنانے کا اعزاز حاصل کیے رکھا۔دونوں مرتبہ اس زبردست کارکردگی کا مظاہرہ انہوں نے انگلستان کے خلاف ہیڈنگلے کے میدان میں کیا۔انہوں نے پہلی مرتبہ 1930ء میں 334 اور دوسری مرتبہ 1934ء میں 304 رنز بنائے۔ڈون کا یہ کارنامہ 2004ء میں ویسٹ انڈیز سے تعلق رکھنے والے بلے باز برائن لارا نے برابر کیا ۔1949ء میں ڈون بریڈمن کو ’’سر‘‘ کا خطاب دیا گیا اور 1979ء میں آسٹریلیا کے اعلیٰ ترین شہری اعزاز کمپینین آف دی آرڈر آف آسٹریلیا سے نوازا گیا۔

540611_8828301_updates.jpg

1931ء میں ڈون بریڈمین وزڈن کے سال کے 5 بہترین کھلاڑیوں میں سے ایک تھے۔سال 2000ء میں بریڈمین کو ماہرین نے وزڈن کی صدی کے بہترین کھلاڑیوں کی فہرست میں شامل کیا، بریڈمین واحد کھلاڑی تھے جنہیں ماہرین کے گروہ کے تمام 100 اراکین نے منتخب کیا تھا۔
 

فہد اشرف

محفلین
یوئیفا انعامات:
یوئیفا پلیئر آف دی ایئر: لوکا موڈرچ
یوئیفا گول آف دی سیزن: یووینٹس کے خلاف رونالڈو جی کا بائسائیکل کک والا گول
چیمپیئنز لیگ فارورڈ آف دی سیزن: کرسٹیانو رونالڈو
چیمپیئنز لیگ مڈفیلڈر آف دی سیزن: لوکا موڈرچ
چیمپیئنز لیگ ڈیفینڈر آف دی سیزن: سرگیو راموس
چیمپیئنز لیگ گول کیپر آف دی سیزن: کیلور ناواس
میڈرڈ کھپے
 
بھارتی کرکٹ ٹیم ایشیا کپ کوہلی کے بغیر کھیلے گی

543446_3520166_updates.jpg

بھارتی کرکٹ بورڈ نے کپتان ویرات کوہلی کوایشیا کپ میں آرام دینے کا فیصلہ کیا ہے ،وہ ایشیا کپ کے دوران ایکشن میں نظر نہیں آئیں گے ۔ایشیا کپ کیلئے بھارتی کرکٹ ٹیم کا اعلان کردیا گیا ہے،کوہلی کی جگہ ٹیم کی قیادت روہت شرما کریں گے،ایشیا کپ کا آغاز 15 ستمبر سے ہوگا۔
ویرات کوہلی کے فینز ایشیا کپ میں ان کو ایکشن میں نہیں دیکھ سکیں گے ،انہیں آرام دیا گیا ہے،کوہلی کی جگہ روہت شرما ٹیم کی قیادت کریں گے، ایشیا کپ کے لئے بھارتی اسکواڈ میں شکھیر دھون ، کے راہول ، امباتی رائیدو، منیش پانڈے ، کیڈر یادیو ، ایم ایس دھونی ، دنیش کارتھک ،،ہردیک پانڈیا ،کلدیپ یادیو ، وائے چہال ، ازر پٹیل ، بھوینیشور مار ،جسپریت بھمرا ، شاردل ٹاکھر ، اور خلیل احمد ٹیم میں شامل ہیں ۔
 
نئی ٹیسٹ رینکنگ ،ٹاپ ٹین میں کوئی پاکستانی شامل نہیں

544380_39417_updates.jpg

سائوتھمپٹن میں انگلینڈ کے ہاتھوں بھارت کی شکست کے بعد انٹرنیشنل کرکٹ کونسل نے نئی ٹیسٹ رینکنگ جاری کر دی ہے ، ٹاپ ٹین کھلاڑیوں میں کوئی پاکستانی بیٹسمین یا بولر شامل نہیں۔
بلے بازوں کی نئی رینکنگ میں بھارتی کپتان ویرات کوہلی کو تمام بیٹسمینوں پر سبقت حاصل ہے جبکہ باؤلرز میں انگلینڈ کے جیمز اینڈرسن چھائے ہو ئے ہیں ،آل راؤنڈرز میں بنگلہ دیش کے شکیب الحسن پہلی پوزیشن پر قابض ہیں ۔
بیٹسمینوںمیں بھارت کےویرات کوہلی پہلے،آسٹریلیاکےاسٹیواسمتھ دوسرے،آسٹریلیاکےہیکین ولیمسن تیسرے ، آسٹریلیا کے ڈیوڈ وارنر چوتھے، انگلینڈکےجو روٹ پانچویں،بھارت کے چتیشورپجاراچھٹے،سری لنکاکےکرونارتنے ساتویں ، سری لنکا کے دنیش چندی مل آٹھویں، جنوبی افریقا کے ڈین ایلگر نوویں اور جنوبی افریقا کے ایڈن مارکرم دسویں نمبر پر ہیں۔
باؤلرزکی فہرست میں جیمز اینڈرسن پہلے، جنوبی افریقا کے کاگیسو ربادا دوسرے، بھارت کے رویندرا جدیجہ تیسرے، جنوبی افریقا کے ورنون فلینڈر چوتھے،آسٹریلیا کے پیٹ کومنز پانچویں،نیوزی لینڈ کے ٹرینٹ بولٹ چھٹے، سری لنکا کے رنگنا ہیراتھ ساتویں، بھارت کے روی چندرن ایشوین آٹھویں، نیوزی لینڈ کے نیل ویگنر نوویں اورآسٹریلیا کے جوش ہیزل ووڈ دسویں نمبر پر ہیں۔
آئی سی سی کی آل راؤنڈرز کی فہرست میں شکیب الحسن کی اجارہ داری برقرار ہے جبکہ جنوبی افریقا کے ورنون فلینڈر دوسرے، بھارت کے رویندرا جدیجہ تیسرے، ویسٹ انڈیز کے جیسن ہولڈر چوتھے،بھارت کے روی چندرن ایشوین پانچویں، انگلینڈ کے بین اسٹوکس چھٹے،انگلینڈ کے معین علی ساتویں، انگلینڈ کے ہی کرس ووکس آٹھویں،نیو زی لینڈ کے پیٹ کومنز نوویں اور آسٹریلیا کے مچل اسٹارک دسویں نمبر پر ہیں۔
نئی رینکنگ میں کسی پاکستانی بیٹسمین یا بولر کی عدم موجودگی پر ہیڈ کوچ مکی آرتھر اور چیف سلیکٹر انضمام الحق کا کہنا ہے کہ صورت حال پریشان کن ہے ۔
 
داڑھی کی وجہ سے باہر ممالک میں روکا جاتا ہے،علیم ڈار

544364_8558827_updates.jpg

آئی سی سی پینل میں شامل مایہ ناز پاکستانی کرکٹ امپائر علیم ڈار نےانکشاف کیا ہے کہ انہیں داڑھی کی وجہ سے بیرون ممالک تنقید کا سامنا کرنا پڑتا ہے بلکہ غیر ضروری طور پر امیگریشن کا عملہ مجھے روک کر میری تلاشی لیتا ہے۔
داڑھی رکھنے کے حوالے سے سوال کرنے پر علیم ڈار کا کہنا ہے کہ مجھے داڑھی رکھنے اور سنت نبویﷺ پر فخر ہے،انہوں نے یہ بھی انکشاف کیاکہ داڑھی جنوبی افریقا کے بیٹسمین ہاشم آملہ کے کہنے پر رکھی انہوں نے مجھ سے داڑھی رکھنے کی در خواست کی تھی۔
علیم ڈار کا کہناہے کہ داڑھی رکھنا شان کی بات ہے اس کے سبب میں پاکستان کا سفیر بن گیا ہوں۔ان کا یہ بھی کہنا ہے کہ غیر ممالک میں امیگریشن حکام میری تلاشی پرکچھ نہ ملنے پر شرمندہ بھی ہوتے ہوں گے۔
 

حسیب

محفلین
Since February 2017, Pakistan's overall catching rate has been 85.9%. This is up from 81.3% in the two years prior, and better even than the 84% catching rate Australia and South Africa can boast during this period. And while an increase of 5% might not sound too significant, consider that it was achieved despite the retirement of Younis Khan (in May 2017), one of the best slip fielders cricket has ever seen.
مکمل رپورٹ
How Pakistan became a world-class fielding side
 
اے بی ڈی ویلیئرز پی ایس ایل 4 کا حصہ ہونگے

546480_1196018_updates.jpg

جنوبی افریقا کے سابق کپتان اے بی ڈی ویلیئرز پی ایس ایل 4 میں ایکشن میں نظر آئیں گے۔
پی ایس ایل میں شرکت کی تصدیق کرتے ہوئے ڈی ویلیئرزنے ایک ویڈیو پیغام میں کہا کہ 'پاکستان سپر لیگ اب دنیا کی بہترین ٹی 20 ٹورنامنٹ لیگ چکی ہے اور میں گزشتہ برسوں کے دوران پی ایس ایل کے میچوں سے کافی محظوظ ہوا ہوں۔
پاکستان کرکٹ بورڈ کے سربراہ احسان مانی نے ڈی ویلیئرزکو خوش آمدید کہتے ہوئے کہا کہ ڈی ویلیئرزدور حاضر کے عظیم کھلاڑی ہیں اور ان کی شرکت سے ٹورنامنٹ کی اہمیت میں اضافہ ہوگا۔
انہوں نے کہا کہ ہم ڈی ویلیئرزکو پاکستان سپر لیگ میں سائن کرنے پر بہت پرجوش ہیں، ان کی شمولیت سے نوجوانوں کو سیکھنے کا بھی موقع ملے گا۔
ڈی ویلیئرزپی ایس ایل 2019 کے ڈرافٹس میں سب سے بڑی شمولیت ہوں گے، اپنے پیغام میں ڈی ویلیئرزنے پاکستانی شائقین کرکٹ کا شکریہ ادا کیا۔
ذرائع کے مطابق ڈی ویلیئرزکا پی ایس ایل 4 کا حصہ بننے کے بعد آسٹریلیا کے بلے باز ڈیوڈ وارنراور اسٹیون اسمتھ سے بھی پی ایس ایل حکام کی بات چیت جاری ہے۔
واضح رہے کہ بین الاقوامی کرکٹ سے ریٹائرمنٹ کا اعلان کرنے والے جنوبی افریقی بلے باز نے انٹرنیشنل کیرئیر میں 20 ہزار سے زائد رنز بنا رکھے ہیں اور ان کا شمار موجود دور کے عظیم کھلاڑیوں میں ہوتا ہے۔
لنک
 
جنوبی ایشیائی فٹبال فیڈریشن چمپئین شپ کے سیمی فائنل میں انڈیا نے پاکستان کو 3-1 سے ہرا دیا۔
پاکستان کی 202ویں رینکنگ کے حساب سے ٹورنامنٹ میں کافی مناسب کارگردگی رہی۔
 
جی گوگل وغیرہ کرنے سے معلوم ہوا کہ
یہ لیگ ابوظہبی میں ہو رہی ہے تو مقامی کھلاڑی UAE نیشنلٹی ہولڈر ہوں گے۔

 
Top