کمزور سے لکھتا ہوں جو اشعار مسلسل

[محمد اسامہ سَرسَری]

جب سے تری کینٹین پہ آیا ہوں اسامہ
کھانوں سے ترے ہو گیا بیزار مسلسل

سگریٹ ہے، تمباکو ہے نہ شیشہ ہی کہیں ہے
حقے میں بھرے جاتا ہوں نسوار مسلسل

اب تم ہی سنبھالو مرا بزنس مرے بھائی
اب تم ہی رہو آج سے بیدار مسلسل

سگریٹ ہو ، تمباکو ہو ، شیشہ ہو کہ حقہ
ہر عادی کو رکھتے ہیں یہ بیمار مسلسل

کنٹین ہے میری نہ کہ مے خانۂ مہدی
اب بس بھی کرو اپنا یہ اصرارِ مسلسل

 

[محمد یعقوب آسی]

مجھے یقین ہے کہ استادِ محترم الف عین خوشی محسوس کریں گے اس غزل کے بارے میں آپ کی رائے جان کر، میرے لئے تو بہت عزت کی بات ہوگی اگر آپ حوصلہ افزائی فرمائیں یا کان کھینچیں۔

اعجاز عبید صاحب نے کوئی گنجائش ہی نہیں چھوڑی

 

[محمد خلیل الرحمٰن]

بہت خوبصورت۔ بہت عمدہ۔ مزے دار مزے دار۔ بہت داد قبول فرائیے امجد علی راجا بھائی

 

[امجد علی راجا]

سگریٹ ہو ، تمباکو ہو ، شیشہ ہو کہ حقہ
ہر عادی کو رکھتے ہیں یہ بیمار مسلسل

کنٹین ہے میری نہ کہ مے خانۂ مہدی
اب بس بھی کرو اپنا یہ اصرارِ مسلسل

گملے سے کوئی پھول ہی دے دو مرے بھائی
ہر وقت لئے پھرتے ہو تلوار مسلسل

گملوں کو ہٹاؤ کوئی تصویر لگاؤ
ہر روز کروں آپ کا دیدار مسلسل

 

[امجد علی راجا]

اعجاز عبید صاحب نے کوئی گنجائش ہی نہیں چھوڑی

حوصلہ افزائی کی بھی نہیں ۔ ۔ ۔ ۔ ۔

 

[امجد علی راجا]

بہت خوبصورت۔ بہت عمدہ۔ مزے دار مزے دار۔ بہت داد قبول فرائیے امجد علی راجا بھائی

زہے نصیب، زہے نصیب
آپ کی داد سر آنکھوں پر، اپنے پسندیدہ شاعر کی داد پا کر یقین ہوا کہ غزل کچھ مناسب ہی کہی ہے میں نے، شکریہ

 

[محمد خلیل الرحمٰن]

ہماری تو آنکھیں پتھرا گئی تھیں محفل پر آپ کی راہ تکتے تکتے۔ اللہ کا شکر ہے آپ آئے اور ماشاء اللہ کِس دھج سے آئے!!

 

[نیرنگ خیال]

اب بس بھی کرو اسامہ ہو یا امجد
لگاؤ نہ اشعار کا بازار مسلسل

 

[محمد خلیل الرحمٰن]

اب بس بھی کرو اسامہ ہو یا امجد
لگاؤ نہ اشعار کا بازار مسلسل

اب بس بھی کرو امجد و سر سر کے اسامہ
دہکاؤ نہ اشعار کا انگار مسلسل​

 

[امجد علی راجا]

اب بس بھی کرو اسامہ ہو یا امجد
لگاؤ نہ اشعار کا بازار مسلسل

بازار نہیں اور مقابل بھی نہیں ہیں
بس مشق کیا کرتے ہیں دو یار مسلسل

 

[امجد علی راجا]

اب بس بھی کرو امجد و سر سر کے اسامہ
دہکاؤ نہ اشعار کا انگار مسلسل​

لینا نہ کوئی بات ترے دل پہ اسامہ
شعرا پہ ہوا کرتے ہیں یلغار مسلسل
​

 

[امجد علی راجا]

ہماری تو آنکھیں پتھرا گئی تھیں محفل پر آپ کی راہ تکتے تکتے۔ اللہ کا شکر ہے آپ آئے اور ماشاء اللہ کِس دھج سے آئے!!

آپ کی محبت ہے خلیل الرحمٰن بھیا!

 

[محمد خلیل الرحمٰن]

لینا نہ کوئی بات ترے دل پہ اسامہ
شعرا پہ ہوا کرتے ہیں یلغار مسلسل
​

اس غزلِ مسلسل کے ہوئے شعر کئی سو
اب اور نہ جڑ دیجیے دوچار مسلسل​

 

[محمد خلیل الرحمٰن]

بازار نہیں اور مقابل بھی نہیں ہیں
بس مشق کیا کرتے ہیں دو یار مسلسل

نیرنگ خیال آپ بھی کچھ کیجے توجہ
بن جائے نہ یہ جان کا آزار مسلسل​

 

[محمد خلیل الرحمٰن]

امجد علی راجا کی تو بس بات ہی کیا ہے
کہہ دیں گے کئی شعر پھر اِس بار مسلسل​

 

[امجد علی راجا]

امجد علی راجا کی تو بس بات ہی کیا ہے
کہہ دیں گے کئی شعر پھر اِس بار مسلسل​

کیا خوب سجایا مرے یاروں نے یہ دھاگہ
اشعار کے لگنے لگے انبار مسلسل

hit کر ہی گئی heart مرا آپ کی یہ بات
"بن جائے نہ یہ جان کا آزار مسلسل"


​

 

[محمد خلیل الرحمٰن]

سنجیدہ نہ ہو یار مرے، او مرے بھائی
ایسا نہ ہو ، ہوجائے یہ تکرار مسلسل​

 

[محمد خلیل الرحمٰن]

ایسا نہ ہو شعریّت و معنی کو بھلا کر
اشعار کی ہوجائے یہ بھرمار مسلسل​

 

[خالد محمود چوہدری]

بہت اچھے جناب۔ دل خوش کر دتا ۔ یہ بحر شاید انور مسعود کی ہے

 

[خالد محمود چوہدری]

گھر سے وہ نکلتےہے جوغمِ روزگار کو
دیکھتی سنتی رہتی ہوں اخبار مسلسل
خیر ہووے شالا اونہاں دی ہردم
آتے ہیں کئی خیال بار بار، مسلسل