کلاسیکی شعرا کے کلام سے انتخاب

[سیدہ شگفتہ]

رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں

غالب

 

[سیدہ شگفتہ]

اک معما ہے سمجھنے کا ، نہ سمجھانے کا
زندگی کاہے کو ہے ، خواب ہے دیوانے کا

(فانی بدایونی)

 

[محمد وارث]

اس زلف پہ پھبتی شبِ دیجور کی سوجھی
اندھے کو اندھیرے میں بہت دور کی سوجھی

شیخ قلندر بخش جرات

 

[انتہا]

کل تم جو بزمِ غیر میں آنکھیں چرا گئے
کھوئے گئے ہم ایسے کہ اغیار پا گئے
مومن خان مومن

 

[فرخ منظور]

کل تم جو بزمِ غیر میں آنکھیں چرا گئے
کھوئے گئے ہم ایسے کہ اغیار پا گئے
مومن خان مومن

شب تُم جو بزمِ غیر میں آنکھیں چُرا گئے
کھوئے گئے ہم ایسے کہ اغیار پا گئے
(مومن)
مکمل غزل اس ربط پر پڑھیے۔

 

[فرخ منظور]

شیخ کی ڈاڑھی کو سودا رند تو کہتے ہیں پشم
مجھ کو اُن کے منہ پر آتا ہے نظر پشمینہ صاف

(سودا)

 

[فرخ منظور]

بچ کر رہِ مے خانہ سے اے شیخ نکلنا
ہر رند ہے واں جُبّہ و دستار کا عاشق

(سودا)

 

[فرخ منظور]

ناصح نہ اُن سے بک جو ہیں آگاہِ رازِ عشق
وہ کر چکے ہیں دین و دل و جاں نیازِ عشق
(سودا)

 

[فرخ منظور]

سخن وہ ہے کہ موثر دلوں کا ہو ناداں
یہ پوچ گوئی ہے جس سے ہے تجھ کو خُو واعظ

کہا تُو مان لے سودا کا، توبہ کر اس سے
لب و دہن کے تئیں کر کے شست و شُو واعظ

(مرزا رفیع سودا)​

 

[محمد وارث]

بک رہا ہوں جنوں میں کیا کیا کچھ
کچھ نہ سمجھے خدا کرے کوئی

غالب

 

[شمشاد]

بک رہا ہے جنوں میں کیا کیا کچھ
کچھ نہ سمجھے خدا کرے کوئی

غالب

یہ شعر جان بوجھ کر بگاڑا گیا ہے یا ٹائپو ہے؟

 

[شمشاد]

مندرجہ بالا مراسلوں میں جو اشعار لکھے گئے ہیں ان میں کچھ الفاظ کو نمایاں کر کے اور کچھ کو ترچھا کر کے دکھایا گیا ہے۔ اس کی کوئی خاص وجہ؟

 

[مغزل]

خیالِ خاطرِ احباب چاہیے ہر دم!!!!!
انیس ؔ ٹھیس نہ لگ جائے آبگینوں کو
میر انیسؔ

برادرانِ گرامی قدر
شعر کے نفسِ مضمون پر غور نہ کیا جائے تو بظاہر یہ ادبی چشمک پر محیط نظر آتا ہے ۔۔
مگر چوں ایک لڑی میں ایسی صورتحال سامنے آئی تھی جس سے محفل کے حسن پر فرق پڑ سکتا ہے ۔
سو میں بردرانہ التماس گزار ہوں کہ ادبی چشمکوں کی حد تک تو ٹھیک مگر اس نوع کے مراسلات جہاں ہر دو احباب کی خاطر شکنی کرسکتے ہیں
وہاں محفل اور بالخصوص لڑی کے حسن کو بھی متاثر کرسکتے ہیں ۔ سو میں امید رکھتا ہوں کہ ہر دو احباب محفل کے وقار کے احترام میں محفل کے حق میں
فیصلہ کرتے ہوئے لڑی کو خاکستر ہونے سے بچائیں گے اور کسی بھی قسم کی چشمک کو ذاتی مکالمے یا دیگر ذرائع سے تحلیل کرلیں گے ۔۔
دعا گو کہ یہ چشمکیں ۔۔ شکر رنجیوں سے ہوتے ہوئے خاطر شکنی کا سبب نہ بن جائیں ۔۔ الہٰی آمین
(امید ہے کہ احباب اپنی مراسلت میں نمایاں کیے گئے الفاظ کو معتدل صورت عطا کرکے شکریہ کا موقع فراہم کریں گے)

 

[محمد وارث]

یہ شعر جان بوجھ کر بگاڑا گیا ہے یا ٹائپو ہے؟

قبلہ محترم یہاں روزانہ ہزاروں ٹائپو ہوتی ہیں، اس کو بھی اسی پر محمول کر لیں۔

شعر درست کر دیا گیا ہے،

 

[سیدہ شگفتہ]

مجھے دل کی خطا پر یاس ، شرمانا نہیں آتا
پرایا جرم اپنے نام لکھوانا نہیں آتا

(یاس یگانہ چنگیزی)

 

[شمشاد]

​

اس شہرِ بے چراغ میں جائے گی تو کہاں​

آ اے شبِ فراق تجھے گھر ہی لے چلیں​

(ناصر کاظمی)​

 

[فرخ منظور]

​

اس شہرِ بے چراغ میں جائے گی تو کہاں​

آ اے شبِ فراق تجھے گھر ہی لے چلیں​

(ناصر کاظمی)​

شمشاد بھائی یہ کلاسیکی شعرا کے کلام سے انتخاب کا دھاگہ ہے اور ناصر کاظمی کلاسیکی شعرا میں نہیں بلکہ جدید شعرا میں شمار ہوتے ہیں۔

 

[شمشاد]

فرخ بھائی غلطی سے یہاں پوسٹ ہو گیا، اصل میں اپنی پسند کا شعر والے دھاگے میں پوسٹ کرنا تھا۔

 

[انتہا]

آنکھیں نہیں ہیں چہرے پہ تیرے فقیر کے
دو ٹھیکرے ہیں بھیک کے دیدار کے لیے
خواجہ حیدر علی آتش

 

[انتہا]

ضد کی ہے اور بات مگر خُو بری نہیں
بھول سے اس نے سیکڑوں وعدے وفا کیے
غالب