کلاسیکی شعرا کے کلام سے انتخاب

[فرخ منظور]

آپ ہی اپنے ذرا جور و ستم کو دیکھیں
ہم اگر عرض کریں گے تو شکایت ہو گی

جانِ جاں ظلم ہے خاطر شکنی عاشق کی
کعبہء دل کو جو توڑو گے تو بدعت ہو گی

حال انجام کا آغاز میں معلوم نہ تھا
کیا سمجھتے تھے، محبت میں مصیبت ہو گی

اے صنم وصل ترا مجھ کو میسر ہو گا
کچھ اگر عشقِ مجازی کی حقیقت ہو گی

(میر وزیر علی صبا لکھنوی)

 

[الف عین]

اب معلوم ہوا کہ یہ ’سرخ‘ شعر صبا کا ہے۔ شکریہ فرخ۔

 

[فرخ منظور]

یہ کون طرزِ وفا ہے جو ہم سے کرتے ہو
میاں خدا نہ کرے تم خدا سے ڈرتے ہو

(قائم چاند پوری)

 

[سیدہ شگفتہ]

بلندی چاہیے انسان کی فطرت میں پوشیدہ
کوئی ہو بھیس لیکن شانِ سلطانی نہیں جاتی

(جگر مراد آبادی)

 

[فرخ منظور]

آج جی میں ہے کہ کھل کر مے پرستی کیجیے
خوب سی مے پیجیے اور دیر مستی کیجیے

(قائم چاند پوری)

 

[فرخ منظور]

کیا کروں آرام آئے کس طرح
کس طرف جاؤں کہ گھبراتا ہے دل

کیوں نظام ایسا ہی ہوتا ہے بھلا
کیا یوں ہی ہوتا ہے گر آتا ہے دل؟

(نظام رامپوری)

 

[فرخ منظور]

کیا یاد ہے کہ یاد ہی آتی ہے ہر گھڑی
ہر چند چاہتا ہوں کہ اُس کو بھلاؤں میں

(نظام رامپوری)

 

[فرخ منظور]

اب کی تو ہجرِ یار میں ہم گور جھانک آئے
جیتے ہیں تو کسی سے نہ پھر دل لگائیں گے

(قلق)

 

[فرخ منظور]

اڑے یارب وہ مثلِ نکہت برباد رہ رہ کر
بھرے ہوں گوشِ گُل جس نے برا بلبل کو کہہ کہہ کر

(شاد)

 

[فرخ منظور]

وہ ہے کون دن کہ ترے لیے مجھے تجھ گلی میں گزر نہیں
ہے یہ کیا ستم کہ تجھے سجن مری اب تئیں بھی خبر نہیں

کرے کس طرح سے وہ سنگ دل مرے حالِ خستہ پہ مرحمت
ہے مری طرف سے جو حرفِ زن سو وہ آہ جس میں اثر نہیں

(نظام رامپوری)

 

[فرخ منظور]

بر آئے کیونکہ تمنّا، تسلّی ہو کیوں کر
نہ زور دل پہ ہے اپنا نہ بس ہے دلبر پر

ہمارے قتل کی کیوں فکر اس قدر ہے تمہیں
جو حکم ہو تو گلا آپ رکھ دیں خنجر پر؟

(نظام رامپوری)

 

[فرخ منظور]

یوں تو دس گز کی زباں ہم بھی بتاں رکھتے ہیں
بات کو طول نہیں دیتے خدا کے ڈر سے

مہر کی اس سے توقع غلطی اپنی تھی
کہیں دلداری ہوئی بھی ہے کسو دلبر سے؟

(میر تقی میر)

 

[غزل قاضی]

واہ ، بہت ہی اعلی انتخاب فرخ صاحب !

 

[فرخ منظور]

اربابِ اشتیاق سے پردا نہ چاہیے
اے حسنِ خود نما تجھے ایسا نہ چاہیے

ان کا ستم بھی عین کرم ہے خواص کو
اس کا مگر عوام میں چرچا نہ چاہیے

کچھ حد سے بڑھ چلیں ہیں تری کج ادائیاں
اس درجہ اعتبارِ تمنا نہ چاہیے

(حسرت موہانی)

https://www.facebook.com/shares/view?id=458561540822021​

​

 

[فرخ منظور]

ہو کر سوار توسنِ عمرِ رواں پہ آہ​

ہم اس سرائے دہر میں کیا آئے کیا چلے​

​

قاتل جو تیرے دل میں رکاوٹ نہ ہو تو کیوں​

رک رک کے میرے حلق پہ خنجر ترا چلے​

​

لبریز ہو گیا مرا شاید کہ جامِ عمر​

تم وقتِ نزع مجھ سے جو ہو کر خفا چلے​

​

کیا دیکھتا ہے؟ ، ہاتھ مرا چھوڑ دے طبیب​

یاں جان ہی بدن میں نہیں، نبض کیا چلے​

​

لے جائیں تیرے کشتہ کو جنت میں بھی اگر​

پھر پھر کے تیرے گھر کی طرف دیکھتا چلے​

​

اس روئے آتشیں کے تصور میں یادِ زلف​

ہے کیا غضب کہ آگ لگے اور ہوا چلے​

​

(استاد ابراہیم ذوق)​

 

[مہ جبین]

آپ ہی اپنے ذرا جور و ستم کو دیکھیں
ہم اگر عرض کریں گے تو شکایت ہو گی

جانِ جاں ظلم ہے خاطر شکنی عاشق کی
کعبہء دل کو جو توڑو گے تو بدعت ہو گی

حال انجام کا آغاز میں معلوم نہ تھا
کیا سمجھتے تھے، محبت میں مصیبت ہو گی

اے صنم وصل ترا مجھ کو میسر ہو گا
کچھ اگر عشقِ مجازی کی حقیقت ہو گی

(میر وزیر علی صبا لکھنوی)

بہت خوب غزل ہے صبا صاحب کی
فرخ منظور بھائی بہت شکریہ شامل کرنے کا

 

[فرخ منظور]

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو

(ذوق)

 

[فرخ منظور]

بجا کہے جسے عالم اسے بجا سمجھو
زبانِ خلق کو نقارۂ خدا سمجھو
(ذوق)

 

[فرخ منظور]

فصلِ گُل میں بھی رہے کنجِ قفس کے ہی اسیر
ہم گرفتاروں نے کس روز پر افشانی کی؟

(مصحفی)

 

[فرخ منظور]

اے شمع تیری عمرِ طبیعی ہے ایک رات
ہنس کر گزار یا اسے رو کر گزار دے

(ذوق)