کرمِ کتابی بمع منظوم اردو ترجمہ

[محمد خلیل الرحمٰن]

کرمِ کتابی
علامہ اقبال

شنیدم شبے در کتب خانہٗ من
بہ پروانہ می گفت کرمِ کتابی

بہ اوراقِ سینا نشیمن گرفتم
بسے دیدم از نسخہٗ فاریابی

نفہمیدہ ام حکمتِ زندگی را
ہماں تیرہ روزم زبے آفتابی

نکو گفت پروانہٗ نیم سوزے
کہ ایں نکتہ را در کتابے نیابی

تپش می کند زندہ تر زندگی را
تپش می دہد بال و پر زندگی را
از پیامِ مشرِق


ترجمہ
محمد خلیل الرحمٰن

سنا میں نے میری کتابوں میں اِک شب
پتنگے سے کہتا تھا کرمِ کتابی

کہ اوراقِ سینا میں گھر بھی بنایا
بہت پڑھ لیا نسخہٗ فاریابی

نہیں پاسکا حکمتِ زندگی کو
وہی بد نصیبی، وہی ہے خرابی

کہا تب جلے تن پتنگے نے اُس کو
کہ نکتہ نہیں ہے یہ ہرگز کتابی

تپش زندگی کو جِلا بخشتی ہے
تپش زندگی کا صَلہ بخشتی ہے​

 

[سید عاطف علی]

اصل کا لفظ بہت نا ہموار رہ گیا شاندار نظم کے شاندار ترجمے میں خلیل بھائی ۔۔۔ ایکسیلینٹ۔

 

[سید عاطف علی]

اور اگر ۔سنا ہے کہ ۔کی بجائے ۔سنا میں نے ۔ کر دیا جائے تو کیسا رہے گا ۔؟

 

[محمد خلیل الرحمٰن]

اصل کا لفظ بہت نا ہموار رہ گیا شاندار نظم کے شاندار ترجمے میں خلیل بھائی ۔۔۔ ایکسیلینٹ۔

آخری شعر بدل دیا ہے جناب۔ خوش رہیے

 

[محمد خلیل الرحمٰن]

اور اگر ۔سنا ہے کہ ۔کی بجائے ۔سنا میں نے ۔ کر دیا جائے تو کیسا رہے گا ۔؟

سج گیا ہمارا مصرع آپ کی اس خوبصورت اصلاح سے۔ آداب

 

[الف عین]

بہت خوب، اب ترمیم شدہ صورت تو بہت خوب ہے۔

 

[محمد خلیل الرحمٰن]

بہت خوب، اب ترمیم شدہ صورت تو بہت خوب ہے۔

جزاک اللہ استادِ محترم۔ آپ نے پسند کرلیا ہماری عید ہوگئی

 

[محمد اسامہ سَرسَری]

شاندار نظم کا جاندار ترجمہ۔
بہت سی داد قبول فرمائیے۔

 

[محمد خلیل الرحمٰن]

شاندار نظم کا جاندار ترجمہ۔
بہت سی داد قبول فرمائیے۔

آداب عرض ہے جناب۔ خوش رہیے

 

[سید شہزاد ناصر]

کیا کہنے جناب
کیا خوب ترجمہ کا
لطف آ گیا پڑھ کر
یہ اشعارتو بہت خوب ہیں

نہیں پاسکا حکمتِ زندگی کو
وہی بد نصیبی، وہی ہے خرابی

کہا تب جلے تن پتنگے نے اُس کو
کہ نکتہ نہیں ہے یہ ہرگز کتابی

تپش زندگی کو جِلا بخشتی ہے
تپش زندگی کا صَلہ بخشتی ہے

اللہ کرے زور قلم زیادہ

 

[محمداحمد]

بہت ہی خوب خلیل الرحمٰن بھائی ۔۔۔!

زبردست کام کیا ہے آپ نے۔

 

[محمد اسامہ سَرسَری]

کہا تب جلے تن پتنگے نے اُس کو
کہ نکتہ نہیں ہے یہ ہرگز کتابی

اس شعر میں روانی مزید بڑھانے کے لیے دو مشورے:

1. پہلے مصرع میں لفظ ”کو“ کو ”سے“ سے بدل دیں۔
2. دوسرے مصرع میں ”نکتہ“ اور ”ہرگز“ کی نشستیں باہم تبدیل کردیں۔

 

[ابن رضا]

عمده است. شاد باشید

 

[نیرنگ خیال]

شاندار۔۔۔ بہت ہی عمدہ۔۔۔۔ سر ہماری طرف سے بےبحری داد قبول فرمائیے۔