جون ایلیا کام مجھ سے کوئی ہوا ہی نہیں ( جون ایلیا)

[ظفری]

کام مجھ سے کوئی ہوا ہی نہیں
بات یہ ہے کہ میں تو تھا ہی نہیں

مجھ سے بچھڑی جو موجِ نگہتِ یار
پھر میں اس شہر میں رہا ہی نہیں

کس طرح ترکِ مدعا کجیئے
جب کوئی اپنا مدعا ہی نہیں

کون ہوں میں جو رائیگاں ہی گیا
کون تھا جو کبھی ملا ہی نہیں

ہوں عجب آسائشِ غم کی حالت میں
اب کسی سے کوئی گلہ ہی نہیں

بات ہے راستے پر جانے کی
اور جانے کا راستہ ہی نہیں

ہے خدا ہی پہ منحصر ہر بات
اور آفت یہ ہے ، خدا ہی نہیں

دل کی دنیا کچھ اور ہی ہوتی ہے
کیا کہیں اپنا بس چلا ہی نہیں

اب تو مشکل ہے زندگی دل کی
یعنی اب کوئی ماجرا ہی نہیں

ہر طرف ایک حشر برپا ہے
جون خود سے نکل کر جیا ہی نہیں​

 

[فرخ منظور]

واہ واہ! بہت عمدہ غزل ہے۔ شکریہ ظفری صاحب!

 

[فاتح]

بات یہ ہے کہ میں تو تھا ہی نہیں
​

واہ واہ واہ بہت خوب ظفری بھائی!