شکیب جلالی چوٹ ہر گام پہ کھا کر جانا - شکیب جلالی

[NAZRANA]

عزیزانِ محترم،
آداب و تسلیمات،
جنابِ شکیب جلالی کا کلام آپ دوستوں
کی خدمت میں پیش کر رہا ہوں ۔
امید ہے پسند فرمائینگے ۔

چوٹ ہر گام پہ کھا کر جانا
قُربِ منزل کے لئے مر جانا​

ہم بھی کیا سادہ نظر رکھتے تھے
سنگ ریزوں کو جواہر جانا​

مشعلِ درد جو روشن دیکھی
خانہِ دل کو منّور جانا​

رشتہِ غم کو غمِ جاں سمجھے
زخمِ خنداں کو گلِ تر جانا​

یہ بھی ہے کارِ نسیمِ سحری
پتّی پتّی کو جدا کر جانا​

اپنے حق میں وہی تلوار بنا
جسے اک پھول سا پیکر جانا​

(کلامِ شکیب جلالی)​

 

[قمر]

مبارک ہو آپ کی پسند ہم کو بھی پسند آئی ہے

 

[NAZRANA]

مبارک ہو آپ کی پسند ہم کو بھی پسند آئی ہے

بہت بہت شکریہ

 

[محمد وارث]

واہ کیا خوبصورت غزل ہے، لا جواب!

 

[الف عین]

وارث تم بھی آج کل گڑے مردے اکھاڑ رہے ہو۔۔ شاید ٹیگز دینے کے سلسلے میں۔ شکریہ ویسے۔

 

[محمد وارث]

آپ نے بالکل صحیح کہا اعجاز صاحب، یہ غزلیں کافی دیر سے میری نظر میں تھیں کہ غزل پر "نظر" رکھنا میں آپ اپنا فرض سمجھتا ہوں

اور آپ کے شکریے کیلیئے بہت شکریہ آپ کا۔

 

[آصف شفیع]

خوبصورت غزل پوسٹ کی ہے۔ آپ کا بے حد شکریہ