طارق شاہ

محفلین


1.jpg
غزل
شفیق خلشؔ
پھر آج دوشِ باد بہت دُور تک گئی
خوشبو رَچی تھی یاد، بہت دُور تک گئی

نِسبت سے کیا ہی خُوب نظارے تھے پَیش رُو​
اِک یاد لے کے شاد بہت دُور تک گئی

ہم ڈر رہے تھے کوس قیادت پہ زِیست کی !​
لے کر پُر اعتماد بہت دُور تک گئی

منزِل کی رَہنُمائی پَزِ یرائی سے مِلی!​
پہلی غَزل کی داد بہت دُور تک گئی

گُم گشتہ سیپیوں کو کنارے پہ ڈُھونڈنے​
پِھر لہرِاِجتہاد بہت دُور تک گئی

چیخ اِک سُنی گئی نہ وَطن کی کہیں کبھی​
آوازِ شاد باد بہت دُور تک گئی

سب ہی شَریکِ لُطف تھے تحرِیر پر خلشؔ​
یُوں شُہرتِ سَواد بہت دُور تک گئی

شفیق خلشؔ​

 
Top