پسند کے لفظ پر شاعری

[شمشاد]

گنہ نہیں ہے فروغ بدن کہ جنت سے​

یہ آبِ زندگی ، سر چشمہ ء ہوس میں رہا
(منصور آفاق)

 

[غ۔ن۔غ]

موم کی سیڑھی پہ چڑھ کے چھو رہے تھے آفتاب
پھول سے چہروں کو یہ کوشش بڑی مہنگی پڑی

 

[شمشاد]

موسم خزاں کا ہے مری بانہیں اداس ہیں​

پھولوں کو میں نے گود میں کب سے لیا نہیں
(نامعلوم)

 

[غ۔ن۔غ]

نماز عشق کا ہے انحصار اشکوں تک
یہ بے نیازِ سجود و قیام ہوتی ہے

 

[شمشاد]

اِس جانمازِ خاک کے اوپر بنا ہوا​

ہوتا تھا آسماں کا کوئی در بنا ہوا
(منصور آفاق)

 

[عاطف بٹ]

محبّت کی نمازوں میں امامت ایک کو سونپو
اِسے تکنے، اُسے تکنے سے نیّت ٹوٹ جاتی ھے

 

[شمشاد]

میں حیرت و حسرت کا ماراخاموش کھڑا ہوں ساحل پر​

دریائے محبت کہتا ہے آ کچھ بھی نہیں پایاب ہیں ہم
(شاد عظیم آبادی)

 

[معاویہ وقاص]

اے دل ترے سکوں سے تری رونقیں گئیں​

دریا کو سارا حُسن ہی طغیانیوں میں تھا​

احمد فراز​

 

[شمشاد]

یوں تو بچھنے کو بچھی چادر سیلاب مگر​

لہر کچھ اور بھی عریاں ہوئی طغیانی میں
(عدیم ہاشمی)

 

[مغزل]

محبّت کی نمازوں میں امامت ایک کو سونپو
اِسے تکنے، اُسے تکنے سے نیّت ٹوٹ جاتی ھے

شاعر کا نام : زبیر راج ہے اور میرا پیارا دوست ہے ۔۔

 

[شمشاد]

مان لیا جناب، اب آگے شعر بھی تو دیجیے۔

 

[مغزل]

ہممم۔۔۔ لیجے قبلہ ۔۔

میں سراپا نماز ہوں اے عشق
تو اذاں دے رہا ہے ؟ حیرت ہے !
م۔م۔مغل

 

[احمد علی]

سر تا پا وہ گلابوں کا شجر لگتا ہے
با وضو ہو کے بھی چھوتے ہوئے ڈر لگتا ہے

 

[مغزل]

وضو کو مانگ کے پانی خجل نہ کر اے میر
وہ مفلسی ہے تیمم کو گھر میں خاک نہیں
میر

 

[شمشاد]

ہم آشنا تھے موجوں کے برہم مزاج سے​

پانی پہ کوئی نقش بنایا نہیں کبھی
(تسنیم کوثر)

 

[احمد علی]

کہتے ہیں نقشِ پا، کہ رکا تھا وہ دیر تک
دستک دئے بغیر جو در سے پلٹ گیا

 

[شمشاد]

وہ دستک دی ترے در پر کسی نے​

بجا لا سجدہء شُکرانہ اے جوش
(جوش ملیح آبادی)

 

[احمد علی]

سجدہ کروں گی تجھ کو تو کافر کہیں گے لوگ
یہ کون سوچتا ہے تجھے دیکھنے کے بعد

 

[شمشاد]

کبھی اے حقیقت منتظر نظر آ لباس مجاز میں
کہ ہزاروں سجدے تڑپ رہے ہیں میری جبین نیاز میں
(علامہ)

 

[احمد علی]

منان معتبر ہوں اپنے قبیلے میں اس لئے
کیونکہ میرے بدن پہ وفا کا لباس ہے