پرندہ، طائر، چڑیا، طوطا، مینا۔۔۔۔۔

[محمداحمد]

اس کو کیا حق ہے یہاں بارود کی بارش کرے
اس کو کیا حق ہے مرے رنگلے کبوتر مار دے

خوبصورت!

 

[محمداحمد]

کچھ دنوں پہلے میں ایک ایسی جگہ موجود تھا جہاں پرندوں کو دانا ڈالا جاتا ہے۔ جہاں بہت سے کبوتر باجرہ اور دیگر اجناس سے شغل کر رہے تھے وہیں ایک کوّا بھی موجود تھا۔

مجھے خیال آیا کہ کوّوں کے لئے ہماری طرف سے کوئی انتظام نہیں ہے اور سب کچھ کبوتروں کے لئے ہی ہے۔ کوّے اکثر انسانوں کے درمیان بے وقعتی کا شکار ہی نظر آتے ہیں۔

پھر یہ سوچ کر تسلی ہوئی کہ کوّے کافی حد تک خود کفیل ہوتے ہیں۔

خیر اس لڑی میں بھی کوّوں کی کوئی گنجائش نہیں معلوم ہوتی۔

 

[ام اویس]

کہہ دیا تھا کہ رہبر جو چنا ہے تم نے
صاف طوطے کی طرح آنکھ بدل جائے گا

شاد عارفی

 

[محمداحمد]

کہہ دیا تھا کہ رہبر جو چنا ہے تم نے
صاف طوطے کی طرح آنکھ بدل جائے گا

شاد عارفی

پہلے مصرع میں ایک آدھ لفظ کی کمی محسوس ہو رہی ہے وزن کے اعتبار سے۔

 

[فرحت کیانی]

خوبصورت!

عباس تابش
ان کے کلام میں اکثر پرندوں اور درختوں کا ذکر ہوتا ہے۔

 

[فرحت کیانی]

کچھ دنوں پہلے میں ایک ایسی جگہ موجود تھا جہاں پرندوں کو دانا ڈالا جاتا ہے۔ جہاں بہت سے کبوتر باجرہ اور دیگر اجناس سے شغل کر رہے تھے وہیں ایک کوّا بھی موجود تھا۔

مجھے خیال آیا کہ کوّوں کے لئے ہماری طرف سے کوئی انتظام نہیں ہے اور سب کچھ کبوتروں کے لئے ہی ہے۔ کوّے اکثر انسانوں کے درمیان بے وقعتی کا شکار ہی نظر آتے ہیں۔

پھر یہ سوچ کر تسلی ہوئی کہ کوّے کافی حد تک خود کفیل ہوتے ہیں۔

خیر اس لڑی میں بھی کوّوں کی کوئی گنجائش نہیں معلوم ہوتی۔

بات تو سچ ہے

 

[ام اویس]

خاروں سے پوچھیے نہ کسی گل سے پوچھئے
صدمہ چمن کے لٹنے کا بلبل سے پوچھئے

میر انیس

 

[وجاہت حسین]

ایسے رکھا ہے ترا عشق دلِ 'حافظ' میں
ایک سیمرغ ممولے میں رکھا ہو جیسے

وجاہت حسین

 

[محمد وارث]

پرندوں سے ہے سیکھی رمز پیاری
نہیں ہے جمع کچھ بھی آشیاں میں
خاکسار

 

[ام اویس]

میں اک نو زائیدہ چڑیا ہوں لیکن
پرانا باز مُجھ سے ڈر رہا ہے

پروین شاکر

 

[جاسمن]

پرند اونچی اڑانوں کی دھن میں رہتا ہے

مگر زمیں کی حدوں میں بسر بھی کرتا ہے
خلیل تنویر

 

[جاسمن]

پرندوں سے ہے سیکھی رمز پیاری
نہیں ہے جمع کچھ بھی آشیاں میں
خاکسار

بہت خوب۔
تو پرندے باتیں کرنے لگے۔

 

[محمداحمد]

عباس تابش
ان کے کلام میں اکثر پرندوں اور درختوں کا ذکر ہوتا ہے۔

بالکل!

جیسے اُن کا مشہور شعر:

ہم ہیں سوکھے ہوئے تالاب پہ بیٹھے ہوئے ہنس
جو تعلق کو نبھاتے ہوئے مر جاتے ہیں

 

[محمداحمد]

ہم پرندے ہیں نہ مقتول ہوائیں پھر بھی
آ کسی روز کسی دُکھ پہ اکھٹے روئیں

فرحت عباس شاہ

 

[محمد عدنان اکبری نقیبی]

بہت خوب۔
تو پرندے باتیں کرنے لگے۔

ابھی تو صرف گنگناہٹ شروع ہوئی ہے ۔

 

[محمداحمد]

ابھی تو صرف گنگاہٹ شروع ہوئی ہے ۔

شروع شروع میں احتیاط سے کام لیجے اور گنگناہٹ کو گنگنا کر پروف ریڈ کرتے جائیں۔

عمران بھائی بھی چھٹیوں پر ہیں۔

 

[محمد عدنان اکبری نقیبی]

شروع شروع میں احتیاط سے کام لیجے اور گنگناہٹ کو گنگنا کر پروف ریڈ کرتے جائیں۔

عمران بھائی بھی چھٹیوں پر ہیں۔

آپ کا شکریہ احمد بھائی ،
آج ہی بھیا سے طویل گفتگو ہوئی ہے ۔ ان کے آنے میں تھوڑا وقت ہے بس اس لیے ہاتھ کھلا چھوڑا ہوا ہے ۔

 

[عبید انصاری]

آپ کا شکریہ احمد بھائی ،
آج ہی بھیا سے طویل گفتگو ہوئی ہے ۔ ان کے آنے میں تھوڑا وقت ہے بس اس لیے ہاتھ کھولا چھوڑا ہوا ہے ۔

"کھولا" کو ذرا بند کرکے "کھلا" کرلیں۔

 

[جاسمن]

پرندے جاتے نہ جاتے پلٹ کے گھر اپنا
پر اپنے ہم شجروں سے تو باخبر رہتے

افتخار عارف

اپنا کی جگہ اپنے۔۔۔۔ نہیں آنا چاہیے؟

 

[محمد تابش صدیقی]

طائر جو سرِ شاخ پہ بیٹھے ہیں نڈر سے
کیا عہد کوئی باندھ لیا برق و شرر سے
نظرؔ لکھنوی