پرندہ، طائر، چڑیا، طوطا، مینا۔۔۔۔۔

[ام اویس]

خزاں كی دُھند میں لپٹے ہوئے ہیں
شجر مجبوریاں پہنے ہوئے ہیں

یہ كیسی فصلِ گُل آئی چمن میں
پرندے خوف سے سہمے ہوئے ہیں

امجد اسلام امجد

 

[ام اویس]

پَروں میں لے كے بے حاصل اُڑانیں
پرندے لَوٹ كر آنے لگے ہیں

امجد اسلام امجد

 

[مریم افتخار]

اے طائر لاہوتی اس رزق سے موت اچھی
جس رزق سے آتی ہو پرواز میں کوتاہی
(اقبال)

 

[مریم افتخار]

بلبل کو باغباں سے نہ صیاد سے گلہ
قسمت میں قید لکھی تھی فصل بہار میں

(بہادر شاہ ظفر)

 

[مریم افتخار]

عشق جب تجھ سے ہوا ذہن کے جگنو جاگے
لفظ پیکر میں ڈھلے سوچ کے پہلو جاگے

(ضیا ضمیر)

 

[جاسمن]

اڑے گا خود تو لائے گا خبر سات آسمانوں کی
اڑایا تو پرندہ چھت کے اوپر بیٹھ جائے گا
(شجاع خاور)

 

[ام اویس]

کاگا سب تن کھائیو
چن چن کھیؤ ماس

دو نینان مت کھائیو
انہیں پیا ملن کی آس

 

[ام اویس]

لکھتی رہتی ہیں بلبلیں غزلیں

پڑھتے رہتے ہیں مرثیے کوے

عقیل جامد

 

[ام اویس]

چیل کوؤں کو تاکتے رہئے
چاند تاروں سے تھک گئی ہے نظر

رئیس امروہی

 

[ام اویس]

شانتی کی دکانیں کھولی ہیں

فاختائیں کہاں کی بھولی ہیں

کیسی چپ سادھ لی ہے کوؤں نے

جیسے بس کوئلیں ہی بولی ہیں

محمد علوی

 

[ام اویس]

مرے کس کام کے ہیں اب یہ کوے اور کبوتر

عبث برباد گھر کی چار دیواری کریں گے

محسن اسرار

 

[ام اویس]

خیر اس لڑی میں بھی کوّوں کی کوئی گنجائش نہیں معلوم ہوتی۔

مجھے بھی لگا کے کوے پر شاید کسی شاعر کی نظر کرم نہیں ہوئی مگر تلاشا تو معلوم ہوا کوا بھی شعرا سے بچ نہیں پایا ۔
کافی اشعار موجود ہیں لیلٰی کے بھائی پر

 

[جاسمن]

پر تول کے بیٹھی ہے مگر اڑتی نہیں ہے
تصویر سے چڑیا کو اڑا دینا چاہیئے
محمد علوی

 

[جاسمن]

پرندوں کو بھی انساں کی طرح ہے فکر روزی کی
سحر ہوتے ہی اپنا آشیانہ چھوڑ دیتے ہیں
عباس دانا

 

[جاسمن]

گلے میں زندگی کے ریسمان وقت ہے تو کیا
پرندے قید میں ہوں تو بہت ہوشیار ہوتے ہیں
عباس قمر

 

[جاسمن]

لان میں بیٹھ ابھی دھوپ نکل آئے گی
کچھ پرندوں سے ملاقات بھی ہو جائے گی
اعتبار ساجد