پرندہ، طائر، چڑیا، طوطا، مینا۔۔۔۔۔

[محمداحمد]

اپنا کی جگہ اپنے۔۔۔۔ نہیں آنا چاہیے؟

بالکل!
ٹائپو ہے۔

 

[جاسمن]

قید سے ایسے ہیں مانوس پرندوں کی طرح
جن سے کہتے ہیں کہ اُڑ جاؤ تو اڑتے بھی نہیں

 

[جاسمن]

یہ طائروں کی قطاریں کدھر کو جاتی ہیں

نہ کوئی دام بچھا ہے کہیں نہ دانہ ہے
اسد بدایونی

 

[جاسمن]

یہ رنگ رنگ پرندے ہی ہم سے اچھے ہیں

جو اک درخت پہ رہتے ہیں بیلیوں کی طرح
خاقان خاور

 

[جاسمن]

یہ پرندے بھی کھیتوں کے مزدور ہیں

لوٹ کے اپنے گھر شام تک جائیں گے
بشیر بدر

 

[جاسمن]

تم پرندوں سے زیادہ تو نہیں ہو آزاد

شام ہونے کو ہے اب گھر کی طرف لوٹ چلو
عرفان صدیقی

 

[جاسمن]

پرندے دور فضاؤں میں کھو گئے علویؔ

اجاڑ اجاڑ درختوں پہ آشیانے تھے

 

[جاسمن]

پرندہ جانب دانہ ہمیشہ اڑ کے آتا ہے

پرندے کی طرف اڑ کر کبھی دانہ نہیں آتا
عدیم ہاشمی

 

[سید عاطف علی]

پہلے قید قفس میں تھی بلبل
اب وہ پابند آب و دانہ ہے
فدوی

 

[جاسمن]

کسی کا تخلص فدوی ہے اور کسی کا خاکسار

 

[محمد تابش صدیقی]

پہلے قید قفس میں تھی بلبل
ان وہ پابند آب و دانہ ہے
فدوی

 

[سید عاطف علی]

ارے ۔۔۔۔ یہ بے نون کیسے "بن" گیا۔۔۔۔
فدوی سے خطا ہو گئی معاف کیجیئے گا۔کوئیرٹی کیبورڈ میں نون اور بے پڑوسی جو ہیں ۔ ۔ ۔ ۔تصحیح کا شکریہ ۔
پہلے قید قفس میں تھی بلبل
اب وہ پابند آب و دانہ ہے

 

[ام اویس]

آکر گرا تھا کوئی پرندہ لہو میں تر
نصویر اپنی چھوڑ گیا ھے چٹان پر

شکیب جلالی

 

[ام اویس]

نہیں ہے اہل جہاں كو خُود اپنے غم سے فراغ
ہم اپنے دِل كی گرانی كہیں تو كِس سے كہیں

پَلٹ رہے ہیں پرندے بہار سے پہلے
عجیب ہے یہ نشانی كہیں تو كِس سے كہیں

امجد اسلام امجد

 

[ام اویس]

یہ جو خواہشوں كا پرند ہے اسے موسموں سے غرض نہیں
یہ اُڑے گا اپنی ہی موج میں اِسے آب دے كہ سراب دے

امجد اسلام امجد

 

[ام اویس]

رُتوں كا قاعدہ ہے وقت پر یہ آتی جاتی ہیں
ہمارے شہر میں كیوں رُك گیا فریاد كا موسم

پرندوں كی زباں بدلی، كہیں سے ڈھونڈ لے تُو بھی
نئی طرزِ فغاں اے دل كہ ہے ایجاد كا موسم

امجد اسلام امجد

 

[ام اویس]

اے طائر لاہوتی اس رزق سے موت اچھی
جس رزق سے آتی ہو پرواز میں کوتاہی

علامہ محمد اقبال

 

[ام اویس]

یہ اِک اشارہ ھے آفاتِ ناگہانی کا
کسی جگہ سے پرندوں کا کُوچ کر جانا

 

[ام اویس]

جو دیكھنے كا تمھیں اہتمام كرتے ہیں
زمیں سے جُھک كے ستارے كلام كرتے ہیں

یہ راستہ ہے مگر ہجرتی پرندوں كا
یہاں سمے كے مُسافر قیام كرتے ہیں

امجد اسلام امجد

 

[ام اویس]

درد وہ مضمحل پرندہ ہے
جس كا گھر ہی دلِ تباہ میں ہے

كب سے میں نے پلک نہیں جھپكی
كوئی امجد مِری نگاہ میں ہے

امجد اسلام امجد