پرندہ، طائر، چڑیا، طوطا، مینا۔۔۔۔۔

[جاسمن]

کوئی تو سانحہ گزرا ہے اس پرندے پر
کہ آدھی رات کو جو گھونسلے سے باہر ہے
ارشد محمود ارشد

 

[جاسمن]

بھر گئی ہے فضا پرندوں سے
کیا شکاری مچان چھوڑ گیا
ابرار عقیل

 

[جاسمن]

اب تو چپ چاپ شام آتی ہے

پہلے چڑیوں کے شور ہوتے تھے
محمد علوی

 

[جاسمن]

عجیب درد کا رشتہ تھا سب کے سب روئے
شجر گرا تو پرندے تمام شب روئے
طارق نعیم

 

[جاسمن]

اک پرندہ ابھی اڑان میں ہے

تیر ہر شخص کی کمان میں ہے
امیر قزلباش

 

[جاسمن]

جانے کیا کیا ظلم پرندے دیکھ کے آتے ہیں

شام ڈھلے پیڑوں پر مرثیہ خوانی ہوتی ہے
افضل خان

 

[جاسمن]

جانے کیا سوچ کے پھر ان کو رہائی دے دی

ہم نے اب کے بھی پرندوں کو تہہ دام کیا
عنبر بہرائچی

 

[جاسمن]

کچھ احتیاط پرندے بھی رکھنا بھول گئے

کچھ انتقام بھی آندھی نے بدترین لیے
نصرت گوالیاری

 

[جاسمن]

مجھے معلوم ہے اس کا ٹھکانا پھر کہاں ہوگا

پرندہ آسماں چھونے میں جب ناکام ہو جائے
بشیر بدر

 

[محمداحمد]

کس قدر بے ساختہ پن چاہتی ہے زندگی
شاخ سے اُڑتا پرندہ دیکھنا تو سوچنا

 

[جاسمن]

کس قدر بے ساختہ پن چاہتی ہے زندگی
شاخ سے اُڑتا پرندہ دیکھنا تو سوچنا

واقعی۔

 

[محمداحمد]

یاد تارِ نفس پہ چڑیا ہے
وحشتوں کا شمار دھڑکن ہے

خاکسار

 

[جاسمن]

پرند کیوں مری شاخوں سے خوف کھاتے ہیں

کہ اک درخت ہوں اور سایہ دار بھی ہوں

اسد بدایونی

 

[محمداحمد]

تیز ہوا نے تنکا تنکا آنگن آنگن دان کیا
گم صم چڑیا طاق میں بیٹھی سوچ رہی ہے پیاروں کا

خاکسار

 

[جاسمن]

یاد تارِ نفس پہ چڑیا ہے
وحشتوں کا شمار دھڑکن ہے

خاکسار

واہ!
بہت خوب!

 

[جاسمن]

تیز ہوا نے تنکا تنکا آنگن آنگن دان کیا
گم صم چڑیا طاق میں بیٹھی سوچ رہی ہے پیاروں کا

خاکسار

آہ!
گم صم چڑیا۔۔۔۔۔

 

[جاسمن]

پرند پیڑ سے پرواز کرتے جاتے ہیں

کہ بستیوں کا مقدر بدلتا جاتا ہے
اسد بدایونی

 

[جاسمن]

پرند شاخ پہ تنہا اداس بیٹھا ہے

اڑان بھول گیا مدتوں کی بندش میں
خلیل تنویر

 

[محمداحمد]

پرندے جاتے نہ جاتے پلٹ کے گھر اپنے
پر اپنے ہم شجروں سے تو باخبر رہتے

افتخار عارف

 

[فرحت کیانی]

اس کو کیا حق ہے یہاں بارود کی بارش کرے
اس کو کیا حق ہے مرے رنگلے کبوتر مار دے