ویک اینڈ پر کیا ہو رہا ہے؟

[م حمزہ]

واپسی پر ان خوبصورت لاکس کا دیدار بھی کیا:

کیا وہاں بادل ہمیشہ یا اکثر کالے ہی ہوتے ہیں؟

 

[محمد عدنان اکبری نقیبی]

آج صبح سے گھریلوں مصروفیات کا سلسلہ رہا۔ شام میں چھوٹے بھائی کی شادی کی تاریخ کے لیے ان کی ہونے والی سسرال گئے ہوئے تھے۔
ان شاء اللہ نومبر کے وسط میں شادی کی تاریخ مشاورت سے طے پا گئی ہے۔
آپ احباب سے دعا کی التجاء ہے کہ اللہ کریم اس ذمہ داری کو ہمیں باآسانی ادا کرنے کی توفیق عطا فرمائیں۔ آمین

کل سے گھر میں گہماگہمی کاسلسلہ ہے ۔بہینیں اپنی فیملی سمیت آئی ہوئی ہیں۔ آج چھوٹے بھائی کی شادی کی تاریخ لینے جائیں گے اور ان شاء اللہ سنت نکاح کی رسم بھی ادا کی جائے گی۔ آپ احباب سے دعا کی درخواست ہے کہ اللہ کریم بخیروعافیت اس تقریب کو انجام پذیر فرمائیں۔ آمین

 

[عرفان سعید]

آج ہیلسنکی کے انتہائی مشہور سٹور سٹاک مین پر ایک خاص آفر تھی۔ کل ان کی ویب سائٹ پر یہ اعلان کیا گیا کہ ہفتے کے روز اشیائے خوردونوش کے سیکشن میں پاکستان کے شہر ملتان سے براہ راست منگوائے گئے آموں کا ایک محدود سٹاک فروخت کے لیے پیش کیا جائے گا۔ میں سٹور کے کھلنے پر ہی وہاں پہنچ گیا جہاں پاکستان کے آم فروخت کے لیے رکھے تھے۔

یہ رہے ملتان کے آم

ان آموں کی اتنی تعظیم کہ مغرب میں بھی انہیں بے لباس نہیں ہونے دیا گیا!

 

[محمد وارث]

ہمارا ویک اینڈ تو چند گھنٹوں بعد شروع ہو رہا ہے۔ اگلا پورا ہفتہ عید کی چھٹیاں ہیں۔ ایک دو گھنٹوں کے لیے عید کی شام والدہ کے پاس حاضری ہے اس کے بعد نہ ہم کمرے سے باہر قدم نکالیں گے نہ سورج کی روشنی دیکھیں گے، اللہ اللہ۔

 

[آصف اثر]

اس کے بعد نہ ہم کمرے سے باہر قدم نکالیں گے نہ سورج کی روشنی دیکھیں گے، اللہ اللہ۔

یہ تو کافی معنی خیز قسم کی بات ہوئی!

 

[رباب واسطی]

میرا مشاہدہ ہے کہ کچھ سرکاری ملازمیں اور طلبا (کچھ سے ذرا زیادہ) سارا ویک (ہفتہ) ویک ویک (کمزور کمزور) سے نظر آتے ہیں اور ویک اینڈ کے آتے ہی تندرست و توانا ہوجاتے ہیں اور پھر ویک اینڈ کے اینڈ ہوتے ہی پھر سے ویک ویک ہوجاتے ہی

 

[آصف اثر]

ان آموں کی اتنی تعظیم کہ مغرب میں بھی انہیں بے لباس نہیں ہونے دیا گیا!

نفیس لوگ ہیں۔۔۔ وگرنہ آموں کے حوالے سے کچھ کہنے کو دل چاہ رہا تھا۔ وطن کی مٹی سے لطف اندوز ہوئیے۔

 

[محمد وارث]

یہ تو کافی معنی خیز قسم کی بات ہوئی!

جی اس کو موت پر بھی منطبق کیا جا سکتا ہے، اگر مر گیا تو آپ اسی جملے کو یاد کریں گے! ویسے میرا مطلب لغوی معنوں میں ہے، میں ایسے ہی چھٹیاں گزارتا ہوں اور انشاءاللہ یہ بھی گزاروں گا۔

 

[زیک]

ویک اینڈ کا آغاز ہو گیا۔ ابھی صبح ساڑھے چھ بجے ہیں۔ رننگ کرنے جا رہا ہوں۔

 

[محمد تابش صدیقی]

اجتماعی قربانی کی رجسٹریشن، حصہ داران کی فہرست کی کمپیوٹر پر تیاری، حساب کتاب، اور جانوروں کے شناختی کارڈ کی تیاری میں مصروف۔
ویک اینڈ اسی کام میں ہی گزرنا ہے۔ وقتاً فوقتاً اپنے قربانی کے جانوروں کی خیریت دریافت کرنے کا سلسلہ بھی جاری رہتا ہے۔

 

[عرفان سعید]

اجتماعی قربانی کی رجسٹریشن، حصہ داران کی فہرست کی کمپیوٹر پر تیاری، حساب کتاب، اور جانوروں کے شناختی کارڈ کی تیاری میں مصروف۔
ویک اینڈ اسی کام میں ہی گزرنا ہے۔ وقتاً فوقتاً اپنے قربانی کے جانوروں کی خیریت دریافت کرنے کا سلسلہ بھی جاری رہتا ہے۔

کھال اتارنے کا ذکر گول کر گئے!

 

[عرفان سعید]

اس کے بعد نہ ہم کمرے سے باہر قدم نکالیں گے نہ سورج کی روشنی دیکھیں گے، اللہ اللہ۔

بہت تنہائی پسند واقع ہوئے ہیں۔ محفل پر آپکی باتوں سے تو یہ احساس نہیں ہوتا!

 

[زیک]

اگلا پورا ہفتہ عید کی چھٹیاں ہیں۔

خدا کی پناہ! اتنی چھٹیاں

 

[زیک]

بہت تنہائی پسند واقع ہوئے ہیں۔ محفل پر آپکی باتوں سے تو یہ احساس نہیں ہوتا!

انٹرنیٹ انٹروورٹس کے لئے بنایا گیا تھا

 

[عرفان سعید]

مٹھی

کچھ اعراب لگائیے کہ کچھ مطلب واضح ہو

 

[فلسفی]

ہمارا ویک اینڈ تو چند گھنٹوں بعد شروع ہو رہا ہے۔ اگلا پورا ہفتہ عید کی چھٹیاں ہیں۔ ایک دو گھنٹوں کے لیے عید کی شام والدہ کے پاس حاضری ہے اس کے بعد نہ ہم کمرے سے باہر قدم نکالیں گے نہ سورج کی روشنی دیکھیں گے، اللہ اللہ۔

بہت تنہائی پسند واقع ہوئے ہیں۔ محفل پر آپکی باتوں سے تو یہ احساس نہیں ہوتا!

آہ کیا یاد آ گیا

آئینے کے سو ٹکڑے کر کے ہم نے دیکھے ہیں
ایک میں بھی تنہا تھے، سو میں بھی اکیلے ہیں

 

[عرفان سعید]

انٹرنیٹ انٹروورٹس کے لئے بنایا گیا تھا

پھر تو آپ کو بھی بہت سُوٹ کرتا ہے۔

 

[زیک]

کچھ اعراب لگائیے کہ کچھ مطلب واضح ہو

احتیاط کہیں یہ مٹھی مکا بن کر نہ آ لگے

 

[عرفان سعید]

آہ کیا یاد آ گیا

آئینے کے سو ٹکڑے کر کے ہم نے دیکھے ہیں
ایک میں بھی تنہا تھے، سو میں بھی اکیلے ہیں

واہ! اچھا شعر ہے کس کا ہے؟

سرگوشی

آئینے سے یاد آیا کہ ہمارے باتھ روم کا آئینہ ٹوٹ گیا تھا، مجھے اسے تبدیل کرنا ہے۔ بیگم کو بھنک پڑ گئی کہ میں آئینے پر شعروں پہ حظ اٹھا رہا ہوں تو مجھے آئینہ دکھا کر رہیں گی۔

 

[آصف اثر]

کچھ اعراب لگائیے کہ کچھ مطلب واضح ہو

کیوں دل جلوں کو موقع دیتےہیں۔۔ خود ہی سمجھ لیتے۔ اب دوبارہ چیک کرلیجیے۔