1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

داغ نہ تھی تاب اے دل تو کیوں چاہ کی ۔ داغ دہلوی

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏جنوری 16, 2018

  1. فرخ منظور

    فرخ منظور لائبریرین

    مراسلے:
    12,647
    جھنڈا:
    Pakistan
    موڈ:
    Cold
    نہ تھی تاب اے دل تو کیوں چاہ کی
    بڑا تیر مارا اگر آہ کی

    وہی ایک ہے خاکِ دیر و حرم
    دل اِس راہ کی لے یا اُس راہ کی

    خدا جانے کیا بن گئی دل پہ آج
    صدا ہے جو اللہ اللہ کی

    اُڑاتے ہو بے پر کی تعریف میں
    بندھی ہے ہوا کس ہوا خواہ کی

    وہ پیغام رخصت کا منہ پھیر کر
    وہ شرمیلی آنکھیں سحر گاہ کی

    اُجاڑے ہیں گھر تو نے کافر بہت
    کہاں جائے مخلوق اللہ کی

    تم آنا ہمارے جنازے کے ساتھ
    یہ تکلیف کرنا خدا راہ کی

    کبھی دو کبھی سو ملیں گالیاں
    مقرر ہماری نہ تنخواہ کی

    فلک سا بھی ظالم کوئی اور ہے
    مگر عمر اُس کی نہ کوتاہ کی

    اُسے ہم نے دیکھا جسے دیکھ کر
    نگہ نے تری شرم ناگاہ کی

    گیا دل ترے پاس اک آن میں
    مسافت بہت کم ہے اس راہ کی

    کہا بوسہِ آستاں پر بہ طنز
    نہیں ہے یہ دہلیز درگاہ کی

    نہیں بے سبب ان بتوں کو غرور
    کچھ اس میں بھی حکمت ہے اللہ کی

    نہ لیتے گئے بے وفا جان کر
    اگر جان بھی ان کے ہمراہ کی

    مرے دل میں برچھی چبھو کر کہا
    خبردار تو نے اگر آہ کی

    یکایک ڈسا تیری کاکل نے دل
    اس افعی نے کیا چوٹ ناگاہ کی

    یہ سمجھائے دیتے ہیں اے داغؔ ہم
    اطاعت کیے جاؤ تم شاہ کی

    (داغ دہلوی)
     
    • پسندیدہ پسندیدہ × 2
    • زبردست زبردست × 1
  2. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
    نہ تھی تاب اے دل تو کیوں چاہ کی
    بڑا تیر مارا اگر آہ کی

    واہ واہ !
    بہت خوب۔
     
    • پسندیدہ پسندیدہ × 1
  3. کاخ زرین

    کاخ زرین محفلین

    مراسلے:
    2
    بہت خوب ،،بہت خوب۔
     
    • پسندیدہ پسندیدہ × 1

اس صفحے کی تشہیر