نواز شریف کی حالت تشویش ناک، جیل سے سروسز اسپتال منتقل

جاسم محمد نے 'سیاست' کی ذیل میں اس موضوع کا آغاز کیا، ‏اکتوبر 21, 2019

  1. جاسم محمد

    جاسم محمد محفلین

    مراسلے:
    13,321
    نواز شریف کی حالت تشویش ناک، جیل سے سروسز اسپتال منتقل
    ویب ڈیسک 34 منٹ پہلے
    [​IMG]
    نواز شریف کی صحت کو سنگین خطرات لاحق ہیں، ذاتی معالج (فوٹو: فائل)


    لاہور: سابق وزیر اعظم محمد نواز شریف کو حالت تشویش ناک ہونے پر جیل سے اسپتال منتقل کردیا گیا۔

    ایکسپریس نیوز کے مطابق سابق وزیراعظم نواز شریف کو طبیعت خراب ہونے پر نیب لاہور کی جانب سے میڈیکل چیک اپ کے لیے سروسز اسپتال منتقل کردیا گیا۔

    نواز شریف کے ذاتی معالج ڈاکٹر عدنان نے کہا تھا کہ سابق وزیراعظم کی طبیعت ٹھیک نہیں اور انہیں تشویش ناک حد تک پلیٹ لیٹس کی کمی کا سامنا ہے جس کی وجہ سے ان کی صحت کو سنگین خطرات لاحق ہیں۔

    دریں اثنا نواز شریف کی طبیعت کی خرابی کا سن کر مسلم لیگ (ن) کے صدر شہباز شریف اور کیپٹن (ر) صفدر سمیت لیگی کارکنوں کی بڑی تعداد سروسز اسپتال کے باہر جمع ہوگئی جس میں مسلسل اضافہ ہورہا ہے۔ کارکنوں نے نواز شریف کے حق اور حکومت کے خلاف نعرے بازی شروع کردی۔

    اسی ضمن میں شہباز شریف نے کہا ہے کہ اگر نواز شریف کو کچھ ہوا تو اس کی ذمہ داری عمران خان پر عائد ہوگی۔
     
    • معلوماتی معلوماتی × 1
  2. جاسم محمد

    جاسم محمد محفلین

    مراسلے:
    13,321
    حسین نواز نے نواز شریف کو زہر دیے جانے کا خدشہ ظاہر کردیا
    [​IMG]
    نواز شریف کو طبیعت ناساز ہونے پر سروسز اسپتال منتقل کردیا گیا جبکہ ان کے خون میں پلیٹیلیٹس کی تعداد 16 رہ گئی ہے — فوٹو: فائل

    سابق وزیراعظم نواز شریف کے صاحبزادے حسین نواز کا کہنا ہے کہ پلیٹیلیٹس کم ہونے کی ایک وجہ زہر بھی ہو سکتی ہے۔


    مسلم لیگ (ن) کے قائد نواز شریف کی طبیعت ناساز ہونے پر قومی احتساب بیورو (نیب) دفتر سے سروسز اسپتال منتقل کیا گیا جہاں ان کا طبی معائنہ کیا جارہا ہے۔

    سابق وزیراعظم کے ذاتی معالج ڈاکٹر عدنان کا اپنی ٹوئٹ میں کہنا تھا کہ رات 8 بجے کی رپورٹ کے مطابق نواز شریف کے خون میں پلیٹیلیٹس 16 ہزار کی سطح پر تھے۔

    اسی ٹوئٹ کے جواب میں سابق وزیراعظم کے صاحبزادے حسین نواز کا کہنا تھا کہ ’پلیٹلیٹس کم ہونے کی ایک وجہ زہر بھی ہو سکتی ہے جو ایک یا دوسری صورت میں دیا جا رہا ہو‘۔

    اپنی ٹوئٹ میں مزید کہا کہ ’کسی کو شبے کا فائدہ نہ دیں، اگر والد کو کوئی نقصان پہنچا تو آپ جانتے ہیں کون لوگ اس کے ذمہ دار ہوں گے‘۔

    اس کے بعد حسین نواز نے ایک رپورٹ بھی پوسٹ کرتے ہوئے لکھا کہ ’یہ آج کا نہیں بلکہ بہت عرصے سے طے شدہ طبی معاملہ ہے کہ پلیٹلیٹس کی کمی کی ایک وجہ زہر بھی ہو سکتی ہے‘۔

    یاد رہے کہ سابق وزیراعظم نواز شریف چوہدری شوگر مل کیس میں نیب کی حراست میں ہیں جبکہ وہ احتساب عدالت کی جانب سے انہیں العزیزیہ ریفرنس میں7 سال قید کی سزا سنائی گئی ہے۔
     
    • معلوماتی معلوماتی × 1
  3. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    ظاہر ہے سیاست سے تعلق ہے تو ہر مسئلہ سیاسی بن جائے گا وگرنہ پلیٹ لیٹس کی کمی مختلف وجوہات سے ہو سکتی ہے اور یہ کمی دوائیوں سے بھی ہوتی ہے۔ خاص طور پر دل کے مریضوں میں جنہیں خون پتلا کرنے والی دوائیاں دی جاتی ہیں!
     
    آخری تدوین: ‏اکتوبر 22, 2019
    • متفق متفق × 3
  4. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    ترجمان نیب کا موقف
    قومی احتساب بیورو کے ترجمان نے بی بی سی سے بات کرتے ہوئے کہا کہ 'نواز شریف کی حالت قابو میں ہے اور ان کا ڈینگی ٹیسٹ منفی آیا ہے'۔
    ان کا دعویٰ ہے کہ پلیٹلیٹس میں کمی مبینہ طور پر ایک ایسی دوا کی وجہ سے ہوئی ہے جو خون کو پتلا کرتی ہے۔ ان کے مطابق اس دوا کو مبینہ طور پر ان کے ذاتی معالج ڈاکٹر عدنان نے تجویز کیا تھا۔
    نواز شریف کی طبیعت ناساز، ہسپتال منتقل
     
    • متفق متفق × 1
  5. جاسم محمد

    جاسم محمد محفلین

    مراسلے:
    13,321

    منڈیلا گوالمنڈی والا جیل سے نکل کر اب بہتر ہے
     
    • معلوماتی معلوماتی × 1
  6. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    یہ سوال کل سے میرے ذہن میں کلبلا رہا ہے۔ کیا شریف میڈیکل سٹی کی لیبارٹری دنیا کی تیز ترین لیبارٹری ہے؟ کیا مکمل سی بی سی ٹیسٹ کے نتائج صرف پانچ منٹ میں حاصل ہو سکتے ہیں؟ کیا کوئی ڈاکٹر دوست اس بات پر روشنی ڈال سکتا ہے کہ اس ٹیسٹ کو کم از کم کتنا وقت لگتا ہے؟

    [​IMG]
     
    • معلوماتی معلوماتی × 2
  7. رانا

    رانا محفلین

    مراسلے:
    2,701
    جھنڈا:
    Pakistan
    موڈ:
    Cheerful
    سی بی سی ٹیسٹ کے لئے ہر بڑی لیبارٹری میں ہیماٹولوجی اینالائزر تو لازمی موجود ہوتے ہیں۔ اور طریقہ کار یہ ہوتا ہے کہ اس اینلائزر کو مریض کا خون فیڈ کیا جائے تو ایک منٹ کے اندر ہی پرنٹ نکال کردے دیتے ہیں۔ اس میں عموما خون کے اکثر خلیات کے اعداد و شمار بشمول پلیٹلیٹس درج ہوتے ہیں۔ البتہ وہ سو فیصد مستند نہیں ہوتے لیکن قریب قریب ہوتے ہیں۔ اس لئے لیباریٹری ٹیکنشن پھر سیمپل کی سلائیڈز بناکر خود چیک کرتا ہے اور جہاں اسے لگتا ہے کہ اینلائزر کے اعدادوشمار میں درستگی کی گنجائش ہے وہاں اپنی فائنڈنگ درج کردیتا ہے۔ زیادہ ابنارملٹی ہو تو پیتھالوجسٹ خود سلائیڈ دیکھتا ہے۔ لیکن بہرحال سوفیصد اس اینلائزر پر بھروسا نہیں کیا جاتا۔ سلائیڈز خود چیک کی جاتی ہیں۔ البتہ بعض اوقات کوئی مریض ارجنٹ رپورٹ مانگتا ہے تو اسے اینلائزر کا نکلا ہوا پرنٹ ہی پکڑا دیا جاتا ہے اس تاکید کے ساتھ کہ یہ حتمی رزلٹ نہیں ہے۔ نواز شریف کا یہ رزلٹ بھی اینلائزر کے اعدادوشمار پر مبنی معلوم ہوتا ہے البتہ رپورٹ لیب کے اپنی رپورٹ پیڈ پر ہے یہ بہرحال اینلائزر کا پرنٹ تو نہیں۔ ہاں اینلائزر سے ڈیٹا براہ راست لیب کے سافٹوئیر میں بھی بھیجا جاسکتا ہے۔ بعض بڑی لیبارٹریز اپنی تمام مشینوں کو اپنے لیب سافٹوئیر سے انٹگریٹ کروالیتی ہیں۔
    تدوین: اس پورے کیس میں کیونکہ صرف پانچ منٹ لگے ہیں اس لئے ایسا لگتا ہے کہ یا تو صرف اینلائزر کے رزلٹ پر بھروسا کیا گیا ہے یا پھر ہائی پروفائل مریض کے پیش نظر ٹیکنشن و پیتھالوجسٹ بالکل تیار بیٹھے تھے۔
     
    • معلوماتی معلوماتی × 3
    • زبردست زبردست × 2
  8. جاسم محمد

    جاسم محمد محفلین

    مراسلے:
    13,321
    [​IMG]
     
    • معلوماتی معلوماتی × 1
  9. جاسم محمد

    جاسم محمد محفلین

    مراسلے:
    13,321
    کیلیبری فونٹ میں لکھی گئی رپورٹ
    کل نوازشریف کے ذاتی معالج ڈاکٹر عدنان نے ٹویٹر کے ذریعے نوازشریف کی لیب رپورٹ شئیر کرکے سنسنی پھیلا دی۔ رپورٹ کے مطابق نوازشریف کا پلیٹلیٹ کاؤنٹ 16 ہزار ہوچکا تھا جو کہ نارمل سطح سے دس گنا کم تھا۔ یاد رہے، جب یہ کاؤنٹ 60 ہزار تک ہو تو منہ، ناک سے خون نکلنا شروع ہوجاتا ہے، تاہم نوازشریف کے ساتھ 16 ہزار پر بھی ایسا کوئی معاملہ نہیں ہوا۔
    جو رپورٹ ڈاکٹر عدنان نے شئیر کی، وہ چغتائی لیب کی ہے اور اس پر پیشنٹ نمبر اور کیس نمبر موجود ہیں۔ چغتائی لیب کی آن لائن سروس موجود ہے جہاں آپ پیشنٹ نمبر اور کیس نمبر اینٹر کرکے رپورٹ ڈاؤن لوڈ کرسکتے ہیں۔
    جب میں نے ایسا کرنا چاہا تو چغتائی لیب کی ویب سائٹ کی طرف سے میسج آگیا کہ یہ نمبرز غلط ہیں۔ غور کیا تو پتہ چلا کہ ان نمبروں کا فارمیٹ بھی مختلف ہے۔ ویب سائٹ پر دی گئی ایگزامپل کے مطابق پیشنٹ نمبر کچھ اس طرح کا ہونا چاہیئے:

    سات ڈیجیٹ - دو ڈیجیٹ - چار ڈیجیٹ

    جبکہ نوازشریف کی رپورٹ پر پیشنٹ نمبر یہ تھا:
    38001-19-116251852

    یعنی
    نو ڈیجیٹ - دو ڈیجیٹ - پانچ ڈیجیٹ

    اسی طرح کیس نمبر بھی غلط دیا گیا ہے۔
    سوال یہ ہے کہ غلط رپورٹ دے کر ڈاکٹر عدنان اور شریف خاندان نے کیا حاصل کرنا چاہاَ؟ اس رپورٹ کے منظرعام پر آنے کے فوراً بعد حسین نواز اور کیپٹن صفدر کی طرف سے نوازشریف کو زہر دینے کا الزام عائد کردیا گیا۔
    ایسا لگ رہا ہے کہ شریف خاندان عوام کی ذہن سازی کررہا ہے کہ نوازشریف کو زہر دیا جاسکتا ہے۔ نوازشریف کا کھانا گھر سے آتا ہے، ہو نہ ہو، آنے والے دنوں میں واقعی اسے زہر دے کر سیاسی فائدہ اٹھانے کی کوشش کی جائے۔
    باٹم لائن یہ ہے کہ شریف خاندان نے آج تک کبھی کوئی ایک اصلی رسید جمع نہیں کروائی، جب بھی پیش کیں، جعلی رسیدیں ہی پیش کیں۔ اس معاملے میں مریم صفدر یدطولی کی حیثیت رکھتی ہے جس نے ٹرسٹ ڈیڈ کیلیبری فونٹ ریلیز ہونے سے پہلے ہی اس فونٹ میں ٹائپ کروا لی تھی۔
    ہو نہ ہو، چغتائی لیب کی رپورٹ بھی اسی کیلیبری فونٹ سے ہی لکھی گئی ہو۔
    کچھ بھی ہو، حکومت کو اس معاملے کی تحیقیقات کرکے فوری ایکشن لینا ہوگا۔ یہ مافیا ہے، اس مافیا کے پاس ایک سے بڑھ کر ایک جعلی ہتھکنڈے موجود ہیں!!! بقلم خود باباکوڈا
    [​IMG]
     
    • زبردست زبردست × 1
  10. سید عاطف علی

    سید عاطف علی محفلین

    مراسلے:
    7,373
    جھنڈا:
    SaudiArabia
    موڈ:
    Cheerful
    ویسے پلیٹلیٹس تو دو تین دن میں پورے بھی ہوجاتے ہیں بشرطیکہ کہ کوئی اور نہ ہو (انٹرنل بلیڈنگ جیسے ڈینگی وائرس وغیرہ ) ۔ یہاں تو ہر چیز ماشاءاللہ پرفیکٹ ہے الا پلیٹلیٹس۔واللہ اعلم باقی اطباء حضرات زیادہ جانیں ۔
     
    • متفق متفق × 2
    • پسندیدہ پسندیدہ × 1
  11. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    نواز شریف واقعی ایک زبردست قوت ارادی اورمثالی صحت کے مالک ہیں۔ عام آدمی میں پچاس ہزار تک پلیٹلیٹس کاؤنٹ کم شمار ہوتا ہے اور پچاس ہزار سے کم انتہائی کم اور خطرناک گنا جاتا ہے۔ عام طور پر ایسی صورتحال میں واقعی اندرونی اور بیرونی بلیڈنگ شروع ہو جاتی ہے (جیسے کہ ڈینگی وائرس کے مریضوں میں پلیٹلیٹس کم ہونے پر ہوتی ہے) لیکن نواز شریف کے ذاتی ڈاکٹر کے مطابق سولہ ہزار پر بلکہ ایک موقع پر دو ہزار پر بھی کوئی اندرونی یا بیرونی بلیڈنگ نہیں ہوئی۔ بی بی سی کی رپورٹ کے اقتباسات:

     
    • معلوماتی معلوماتی × 1
    • پر مزاح پر مزاح × 1
  12. جاسم محمد

    جاسم محمد محفلین

    مراسلے:
    13,321
    واقعی۔ تبھی تو نواز شریف چار ہارٹ اٹیکس کے بعد بھی تا حال زندہ ہیں۔
     
    • پر مزاح پر مزاح × 1
  13. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    ایک ذاتی تجربہ یاد آ گیا۔

    میں پچھلے پندرہ سالوں سے اپنے سارے ٹیسٹ شوکت خانم لیبارٹری سے کرواتا ہوں یعنی تب سے جب سیاست میں ابھی عمران خان جنرل مشرف کا بغل بچہ تھا اور میں کسی بھی طور عمران خان کا اسپورٹر نہیں تھا۔ 2013ء کے انتخابات اور دھرنوں کے بعد میں ایک ڈاکٹر صاحب کے پاس گیا، ہاتھ میں کئی سالوں کی رپورٹس تھیں۔ دیکھتے رہے، پھر منہ بنا کر کہنے لگے کہ یہ ساری رپورٹس غلط ہیں، میں نے کہا سر بڑی مستند لیبارٹری ہے ان کی رپورٹس کیسے غلط ہو سکتی ہیں لیکن وہ اپنی بات پر اڑے رہے اور کہا کہ کسی اور لیبارٹری سے ٹیسٹ کروا کر آؤ۔ مجھے تعجب ہوا، پھر ڈاکٹر صاحب کے بارے میں مزید معلومات ڈھونڈیں تو علم ہوا کہ بڑے پکے نون لیگیے ہیں! میں نے ڈاکٹر بدل لیا۔ :)
     
    • پر مزاح پر مزاح × 6
    • زبردست زبردست × 2
    • پسندیدہ پسندیدہ × 1
  14. جاسم محمد

    جاسم محمد محفلین

    مراسلے:
    13,321
    آپ نے تو ڈاکٹر بدل لیا۔ یہ قوم صحافی کیسے بدلے؟ یہاں توبڑے بڑے صالح ظفر موجود ہیں۔ لیکن خود کو صحافی کہتے ہیں۔

     
    آخری تدوین: ‏اکتوبر 23, 2019
    • معلوماتی معلوماتی × 1
  15. جاسم محمد

    جاسم محمد محفلین

    مراسلے:
    13,321
    سب کا ذمہ دار عمران خان ہے۔
    نواز شریف ہسپتال منتقل,مریم نواز ہسپتال منتقل, زرداری ہسپتال منتقل, سارے بیمار پڑ گئے ہیں ورنہ الیکشن سے پہلے مکمل صحت یاب تھے حکمرانی کا خواب دیکھ رہے تھے۔
     
    • معلوماتی معلوماتی × 1
    • متفق متفق × 1
  16. محمد امین صدیق

    محمد امین صدیق محفلین

    مراسلے:
    1,414
    موڈ:
    Cheerful
    مابدولت اپنےخاندانی مجربات سے (جو کہ زبان زد عام ہے کہ حکیم لقمان سے مابدولت کے آباواجداد کو سینہ بہ سینہ منتقل ہوتے آ رہے ہیں ) میاں نوازشریف کو پلیٹلیٹس کی کمی کو پورا کرنے کے لئے پپیتے کا چھلکا ابال کر پینے کا گرانقدر مشورہ بلا معاوضہ عطا کرتے ہیں۔
    نسخے کے تیربہدف ہونے کے لئے مابدولت محض نیک تمناؤں کا اظہار ہی کر سکتے ہیں ۔:):)
     
    • پر مزاح پر مزاح × 7
  17. محمد وارث

    محمد وارث لائبریرین

    مراسلے:
    25,448
    جھنڈا:
    Pakistan
    موڈ:
    Depressed
    میاں صاحب کو اگر یقین دلا دیا جائے کہ پپیتا سرکاری خرچے پر خریدا اور ابالا گیا ہے تو شاید وہ اسے استعمال کر بھی لیں! :)
     
    • پر مزاح پر مزاح × 2
  18. جاسم محمد

    جاسم محمد محفلین

    مراسلے:
    13,321
     
  19. La Alma

    La Alma محفلین

    مراسلے:
    1,848
    کی مرے قتل کے بعد اس نے جفا سے توبہ
    ہائے اس زود پشیماں کا پشیماں ہونا
     
    • پسندیدہ پسندیدہ × 1
    • متفق متفق × 1
  20. سید عاطف علی

    سید عاطف علی محفلین

    مراسلے:
    7,373
    جھنڈا:
    SaudiArabia
    موڈ:
    Cheerful
    یہاں تو بیماری میں ہی توبہ ہو گئی ۔ :)
     
    • پر مزاح پر مزاح × 3

اس صفحے کی تشہیر