اختر شیرانی ننھا مہمان ۔ اختر شیرانی

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏نومبر 7, 2016

  1. فرخ منظور

    فرخ منظور لائبریرین

    مراسلے:
    12,863
    جھنڈا:
    Pakistan
    موڈ:
    Cold
    ننھا مہمان

    سارے گھر میں نو بہارِ زندگی لایا ہے تُو!
    میرے ننھے میہماں کس دیس سے آیا ہے تُو؟
    کس بہشتِ حُسن میں اب تک تھا کاشانہ ترا؟
    میرے اُجڑے باغ میں کیوں کر ہوا آنا ترا؟

    کس زباں میں چپکے چپکے گفتگو کرتا ہے تُو؟
    کون جانے کس طرح کی ہاؤ ہُو کرتا ہے تُو؟
    منزلِ ہستی سے پہلے کون سی منزل میں تھا؟
    آج تک اے شمعِ محفل ، کہہ تو کس محفل میں تھا؟

    اے گلِ معصوم ، اب تک تیرا گلشن تھا کہاں؟
    طائرِ قدسی ادا ، تیرا نشیمن تھا کہاں؟
    آرزو بن کر کسی سینے میں تُو خنداں رہا!
    نکہتِ گُل تھا ، نقابِ غنچہ میں پنہاں رہا!

    میری بیوی کی ترے رخسار میں رنگت ہے کیوں؟
    اجنبی مہمان ہو کر اُس کا ہم صورت ہے کیوں؟
    انجمستانِ لطافت کا تُو زندہ خواب ہے!
    یا سپہرِ حُسن کا سیّارۂ شاداب ہے

    تُو وہ جذبہ ہے جو دل سے چھن گیا، اور پاس ہے!
    گم شدہ ارماں کا جیتا جاگتا احساس ہے!
    دو دلوں کی التجا تعمیر ہو کر آ گئی
    دو نگاہوں کی دعا تصویر ہو کر آ گئی

    گرچہ پاسِ میہمانی و مروّت ہے مجھے!
    اجنبی مہمان، لیکن اِک شکایت ہے مجھے!
    تُو نے آ کر میری بیوی کی محبت چھین لی!
    اُس کا دل چھینا مرے دل کی مسرّت چھین لی!

    میرے گھر میں میہماں ہو کر تُو رہزن بن گیا!
    اُس کا عاشق ، ہو گیا اور میرا دشمن بن گیا!
    اب وہ پہلے کی طر ح مجھ پر فدا ہوتی نہیں
    مجھ سے رہتی ہے جدا، تجھ سے جدا ہوتی نہیں

    اف! یہ کیسا انقلاب آسمانی ہو گیا!
    اس کا میرے پاس آنا اک کہانی ہو گیا!
    چشمِ ظاہر کو نظر آتا ہے طفلِ سادہ تُو!
    کس طرح میری رقابت پر ہؤا آمادہ تو؟

    عشق کا پہلا سا اب اظہار وہ کرتی نہیں
    مجھ سے پہلے کی طرح اب پیار وہ کرتی نہیں
    تیرا آنا تھا کہ اس نے بے وفائی سیکھ لی
    ایک گھر میں رہ کے بھی مجھ سے جدائی سیکھ لی

    تیرے عشقِ سحر زا میں مبتلا رہنے لگی
    ساتھ رہ کر بھی مرے مجھ سے جدا رہنے لگی
    میرا بستر تھا جو اِک دن تیرا بستر ہو گیا
    جو مقدّر تھا مرا ، تیرا مقدّر ہو گیا

    تُو نے آ کر غاصبانہ قبضہ گھر پر کر لیا
    گھر پہ قبضہ کیا کیا ہر دل مسخّر کر لیا
    نوکروں کو بھی نہیں ہے میری راحت کا خیال
    سب کے دل میں موجزن ہے تیری خدمت کا خیال

    تُو نے آتے ہی بہارِ زندگانی لُوٹ لی
    میری طفلی چھین لی، میری جوانی لُوٹ لی
    اپنی ہستی کا خیال اور پاس اب باقی نہیں!
    ”میں بھی کچھ ہوں“ تھا جواِک احساس اب باقی نہیں

    عہدِ پیری آ چلا فصلِ جوانی ختم ہے !
    میرے رومانوں کی رنگیں داستانی ختم ہے!

    (اختر شیرانی)​
     
    آخری تدوین: ‏نومبر 7, 2016
    • پسندیدہ پسندیدہ × 5
  2. محمداحمد

    محمداحمد لائبریرین

    مراسلے:
    22,871
    جھنڈا:
    Pakistan
    موڈ:
    Amazed
    بڑی انوکھی شکایت ہے۔ :)
     
    • متفق متفق × 2
  3. فہیم ملک جوگی

    فہیم ملک جوگی محفلین

    مراسلے:
    207
    جھنڈا:
    Pakistan
    موڈ:
    Breezy
    وااااہ بہت خوب ۔
     
    • پسندیدہ پسندیدہ × 1
  4. فرخ منظور

    فرخ منظور لائبریرین

    مراسلے:
    12,863
    جھنڈا:
    Pakistan
    موڈ:
    Cold
    اسی لیے شئیر کی کہ ذرا نرالا اندازِ بیان ہے۔ :)
     
    • پسندیدہ پسندیدہ × 2
  5. سید عاطف علی

    سید عاطف علی لائبریرین

    مراسلے:
    10,770
    جھنڈا:
    SaudiArabia
    موڈ:
    Cheerful
    فرخ منظور بھائی ۔ ننھا قاصد بھی پیش کیجیئے گا۔اگر نہیں کی ہوئی ہو تو۔
     
    • دوستانہ دوستانہ × 1
  6. اکمل زیدی

    اکمل زیدی محفلین

    مراسلے:
    4,394
    جھنڈا:
    Pakistan
    موڈ:
    Daring
    ...فرخ بھائی . . . سب خیریت ہے نا . . . آ...ہم...آہم . . .. :D
     
    • پر مزاح پر مزاح × 1
  7. فرخ منظور

    فرخ منظور لائبریرین

    مراسلے:
    12,863
    جھنڈا:
    Pakistan
    موڈ:
    Cold
    ننھا قاصد تو شاید اختر شیرانی کی پہلی نظم تھی جو میں نے شئیر کی تھی۔
     
  8. فرخ منظور

    فرخ منظور لائبریرین

    مراسلے:
    12,863
    جھنڈا:
    Pakistan
    موڈ:
    Cold
    خیریت ہی تو نہیں ہے نا زیدی صاحب۔ :)
     
  9. اکمل زیدی

    اکمل زیدی محفلین

    مراسلے:
    4,394
    جھنڈا:
    Pakistan
    موڈ:
    Daring
    یہ تو کوئی بات نہیں ہوئ فرخ بھائی ...یہ تو خوشی کی بات ہے جلدی باتیں تاکے میں مبارکباد میں ایک دھاگہ کھولوں پھر . .. :rolleyes:
     
  10. اکمل زیدی

    اکمل زیدی محفلین

    مراسلے:
    4,394
    جھنڈا:
    Pakistan
    موڈ:
    Daring
  11. فرخ منظور

    فرخ منظور لائبریرین

    مراسلے:
    12,863
    جھنڈا:
    Pakistan
    موڈ:
    Cold
    ہا ہا۔ ویسے میرے بچے تو اب بڑے ہو گئے ہیں۔ بیٹی تھرڈ ائیر میں ہے اور بیٹا پانچویں میں۔
     
    • پسندیدہ پسندیدہ × 1
  12. اکمل زیدی

    اکمل زیدی محفلین

    مراسلے:
    4,394
    جھنڈا:
    Pakistan
    موڈ:
    Daring
    اچھا اچھا . . . ماشا الله . . . :)
     
    • دوستانہ دوستانہ × 1

اس صفحے کی تشہیر