1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

نظر لکھنوی نعت: صریرِ خامۂ فطرت کا تو ہی نقشِ اعظم ہے

محمد تابش صدیقی نے 'حمد، نعت، مدحت و منقبت' کی ذیل میں اس موضوع کا آغاز کیا، ‏اکتوبر 23, 2020

  1. محمد تابش صدیقی

    محمد تابش صدیقی منتظم

    مراسلے:
    26,773
    جھنڈا:
    Pakistan
    موڈ:
    Breezy
    صریرِ خامۂ فطرت کا تو ہی نقشِ اعظم ہے
    تری عظمت خدا کے بعد اک امرِ مسلّم ہے

    حریمِ نازِ حسنِ لم یزل کا تو ہی محرم ہے
    نقوشِ پا سے رخشندہ جبینِ عرشِ اعظم ہے

    تمہارے جدِّ امجد کی بدولت آبِ زمزم ہے
    تمہارے دم سے کعبہ قبلۂ ابنائے آدم ہے

    تمہارا دیں قبولِ حق، مدلّل اور محکم ہے
    مفصل، منضبط، مربوط، کامل، غیر مبہم ہے

    رُخِ سیرت سے اپنے تو اگر خُلقِ مجسم ہے
    رُخِ اعمال سے اپنے تو قرآنِ مکرّم ہے

    سرِ مغرورِ استبداد تیرے سامنے خم ہے
    تری ٹھوکر کی زد میں تاجِ زرینِ کے و جم ہے

    گروہِ جنّ و انساں میں درود و ذکر پیہم ہے
    صفِ کرّ و بیاں میں بھی یہی اک شغل ہر دم ہے

    پریشاں زُلف صد ہا قرن سے حورِ تمدّن تھی
    سنواری شانۂ حکمت سے اس کی زلفِ برہم ہے

    تیری فرماں روائی کا چلے گا حشر تک سکّہ
    قیامت تک جو لہرائے گا وہ تیرا ہی پرچم ہے

    ہزاروں فتنہ ہائے دہر میں محصور ہوں لیکن
    تمہارے ذکر کے صدقے سکونِ دل فراہم ہے

    نظرؔ کا نام تیرے نام لیواؤں میں ہے شامل
    یہ اس کی سر خوشی کے واسطے اعزاز کیا کم ہے

    ٭٭٭
    محمد عبد الحمید صدیقی نظرؔ لکھنوی
     
    • زبردست زبردست × 5
    • پسندیدہ پسندیدہ × 3
    • دوستانہ دوستانہ × 1
  2. الف نظامی

    الف نظامی لائبریرین

    مراسلے:
    17,545
    جھنڈا:
    Pakistan
    موڈ:
    Amused
  3. لاريب اخلاص

    لاريب اخلاص محفلین

    مراسلے:
    23,614
  4. ظہیراحمدظہیر

    ظہیراحمدظہیر محفلین

    مراسلے:
    3,907
    جھنڈا:
    Pakistan
    موڈ:
    Busy
    کیا خوبصورت نعتِ رسول صلی اللہ علیہ وسلم ہے!!!! نظرلکھنوی کی لفظیات اور قدرتِ کلام کے کیا کہنے !

    ہزاروں فتنہ ہائے دہر میں محصور ہوں لیکن
    تمہارے ذکر کے صدقے سکونِ دل فراہم ہے
    سبحان اللہ ، سبحان اللہ !

    تابش بھائی ، کے و جم والے شعر کو ایک دفعہ پھر دیکھ لیجئے گا ۔ کسرہ کا اِشباع تو عام بات ہے لیکن ضمہ کا اشباع پہلی دفعہ نظر سے گزرا ۔ مجھے یقین ہے کہ ایسا کرنا عروضی لحاظ سے درست ہوگا کہ نظرلکھنوی نے باندھا ہے لیکن اپنی تسلی کے لئے چاہتا ہوں کہ آپ ایک دفعہ اصل سے ملا کر دیکھ لیں ۔ تکلیف دہی کے لئے معذرت خواہ ہوں ۔
     
    • دوستانہ دوستانہ × 2
  5. محمد تابش صدیقی

    محمد تابش صدیقی منتظم

    مراسلے:
    26,773
    جھنڈا:
    Pakistan
    موڈ:
    Breezy
    جزاک اللہ خیر
    وارث بھائی کے ایک مضمون سے اقتباس
    ”اضافت واؤ، جیسے گل و بلبل میں۔ یہ بھی ایک خصوصی اضافت ہے شاعر کی مرضی ہے کہ اس واؤ کا کوئی وزن سرے سے سمجھے ہی نہ یا پچھلے ہجے سے ملا کر ایک بلند ہجا حاصل کر لے یا واؤ کو پیش سے بدل کر پچھلے ہجے کو ہجائے کوتاہ بنا لے یعنی

    گل و بلبل
    یا
    گل بل بل
    222
    گُ لُ بل بل
    2211
    یا
    گُ لو بلبل
    2221“

    اقبال کا شعر

    جمیل تر ہیں گل و لالہ فیض سے اس کے
    نگاہِ شاعرِ رنگیں نوا میں ہے جادو
     
    • پسندیدہ پسندیدہ × 1
  6. سیما علی

    سیما علی لائبریرین

    مراسلے:
    21,456
    جھنڈا:
    Pakistan
    موڈ:
    Cool
    سبحان اللّہ سبحان اللّہ
    بہت خوب صورت نعت رسول صلی اللہ علیہ وسلم
     
    • دوستانہ دوستانہ × 1
  7. محمد عبدالرؤوف

    محمد عبدالرؤوف لائبریرین

    مراسلے:
    4,212
    ماشاء اللہ،
    رحمتہ اللعالمین صلی اللہ علیہ وسلم کی تعریف کا حق ادا کرنا تو انسان کے دائرہِ اختیار میں ہی نہیں
    مگر سخنور کی بہت اچھی کاوش ہے، ماشاء اللہ
     
    • دوستانہ دوستانہ × 1
  8. ظہیراحمدظہیر

    ظہیراحمدظہیر محفلین

    مراسلے:
    3,907
    جھنڈا:
    Pakistan
    موڈ:
    Busy
    تابش بھائی ، معذرت ! میں اپنا سوال ٹھیک سے نہیں سمجھا سکا ۔ جو آپ نے لکھا وہ تو معلوم ہے اور مجھ سمیت سبھی استعمال کرتے ہیں ۔ میرا سوال اس بارے میں تھا کہ لفظ کے آخر میں اگر بڑی "ے" ہو تو اس کے بعد واؤ عطف کا اشباع کبھی نظر سے نہیں گزرا ۔ مےِ ناب ، مےِ سرخ وغیرہ تو نظر آتے ہیں ۔ یعنی کسرہ کا اشباع تو ملتا ہے ۔ کے و جم کو واؤ کے اشباع کے ساتھ پڑھنے میں ذرا دقت ہورہی تھی اس لئے پوچھا ۔ بہرحال، آپ کا بہت شکریہ اور معذرت بھی ۔ اب ذرا تحقیق کی ہے تو غالب کے ہاں سے ایک مثال "مے و انگبیں" کی مل گئی ۔
     
    • پسندیدہ پسندیدہ × 1
    • دوستانہ دوستانہ × 1
  9. محمد تابش صدیقی

    محمد تابش صدیقی منتظم

    مراسلے:
    26,773
    جھنڈا:
    Pakistan
    موڈ:
    Breezy
    معذرت کر کے شرمندہ نہ کریں۔ اسی طرح تو کچھ سیکھنے کا موقع مل جاتا ہے، خوش قسمتی سے۔ :)
     
    • دوستانہ دوستانہ × 1
  10. عبید انصاری

    عبید انصاری محفلین

    مراسلے:
    2,723
    جھنڈا:
    Pakistan
    موڈ:
    Cool
    سبحان اللہ
    واہ، کیا کہنے!
     
    • دوستانہ دوستانہ × 1

اس صفحے کی تشہیر