منو بھائی نظم--چل ٹُر چل گھر میرے--مُنو بھائ

[علی فاروقی]

اَج تک میرے گھر وِچ چانن
اِک وی جھات نہ ماری
آن رکی نئیں اِک پل اُوتھے
سورج دی اسواری
ڈوریاں کندھاں گونگے بوہے
چپ راہواں، بند باری
جوکاں بن کے خون نچوڑن
بے رونق دُکھ میرے

اِک میں سو انجانے دُکھ
اِک دیوا تیل نہ کھٹیا
اک میرا دل ریجھاں بھریا
بے قدری دا کھٹیا
اپنے گھر وِچ رونق بھر لاں
شوق دلیلوں اٹھیا
لاٹ حسن تیری دی پوجے
چانن چار چوفیرے
چل ٹُر چل گھر میرے

تیری صورت ایویں کر لگ دی
دل نوں ویکھی بھالی
اپنی کُنڈی آکھڑکاوے
جیوں کر کوئی سوالی
خوشیاں بھرن بھڑولے
ہوون مٹ وختاں دے خالی
راتاں چانن بھریاں ہوون
خوشیاں بھرے سویرے
اَج تک انج نئی ہوئیا
بھاویں کیتے جتن بتھیرے
چل ٹر چل گھر میرے

 

[فرخ منظور]

بہت ودیا فاروقی صاحب۔ مینوں او دن یاد آ گئے جدوں لڑکپن وج منو بھائی دے بیٹے کاشف منیر نوں ملن اودے گھر جائی دا سی تے منو بھائی کولوں بڑا ڈر لگدا سی۔

 

[علی فاروقی]

خیر تے سی، سخنور صاحب، اُس ویلے کی بڑے ڈراونے ہوندے سی مُنو بھائی؟

 

[محمد مسلم]

تسیں انہاں دے بیٹے دے دوست سی، تے انہاں نو منو ’’بھائی‘‘ کہیندے سی یا منو ‘‘انکل’’؟ دویں منو دے نال بڑے عجیب لگدے نیں۔

 

[فرخ منظور]

تسیں انہاں دے بیٹے دے دوست سی، تے انہاں نو منو ’’بھائی‘‘ کہیندے سی یا منو ‘‘انکل’’؟ دویں منو دے نال بڑے عجیب لگدے نیں۔

منو بھائی دا اصل نام منیر ہے۔ ایس لئے منیر انکل کہندے ساں۔

 

[محمد وارث]

تسیں انہاں دے بیٹے دے دوست سی، تے انہاں نو منو ’’بھائی‘‘ کہیندے سی یا منو ‘‘انکل’’؟ دویں منو دے نال بڑے عجیب لگدے نیں۔

ایہہو جیا اک سوال مرحوم دلدار پرویز بھٹی نے وی منو بھائی ہوراں کولوں پچھیا سی، شاید ٹاکرا وچ،

کہ جناب کیا تہاڈی بیگم صاحبہ وی تہانوں منو بھائی کہہ کے بلاندی اے

اونہاں جواب دتا

نئیں او مِنوں 'دلدار' کہہ کے بلاندی اے۔