1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

ناولوں یا ڈراموں پر بنائی گئی فلمیں

محمد خلیل الرحمٰن نے 'سنیما، ٹی وی اور تھیٹر' کی ذیل میں اس موضوع کا آغاز کیا، ‏مئی 15, 2018

  1. محمد خلیل الرحمٰن

    محمد خلیل الرحمٰن مدیر

    مراسلے:
    9,345
    جھنڈا:
    Pakistan
    موڈ:
    Festive
    فطرت اس دھرتی پر کہانیاں بُنتی ہے۔ دُکھ سُکھ بانٹتی ہے، نفرت اور محبت کرنا سِکھاتی ہے۔ درد اور تکلیف پہنچاتی ہے اور اس سے نجات دلاکر خوشیوں کا پالن کرتی ہے۔ کچھ باسیوں کو خوبصورتی اور کچھ کو بد صورتی عطاکرتی ہے۔ اِس خوب صورتی اور بد صورتی کے طفیل دلوں میں محبت اور نفرت کے بیج بوتی ہے۔ وصل کے سُہانے سپنے دِکھلا کر لبوں سے خوشی کے ترانے نکلواتی ہے اور جدائی کا کرب دے کر دِلوں سے غموں و اندوہ کے درد بھرے گیت پیدا کرتی ہے۔ فطرت بے رحم ہے۔ ان کہانیوں کے اچھے اور برے ، خوشیوں بھرے یا درد بھرے انجام سے بے پروا کہانیاں بُنتی رہتی ہے۔یہ کہانیاں ہمارے چاروں جانب بکھرتی رہتی ہیں۔


    کہانی کار فطرت کا نمائندہ ہے۔ وہ اِن کہانیوں کو چُنتا ہے اور صفحہٗ قرطاس پر بکھیر دیتا ہے۔ فطرت کی مانند کہانی کار بھی بے رحم ہوتا ہے۔ اسے اپنی کہانی کے درد بھرے یا خوشیوں بھرے انجام سے کوئی غرض نہیں ہوتی ، وہ تو جیسے دیکھتا ہے، لکھ دیتا ہے۔


    انسان یوں تو بھلکڑ واقع ہوا ہے۔ خوشیوں کےملنے پر چند لمحے جشن منا کر انہیں بھول بھی جاتا ہے، لیکن غم کو اپنے جنم دئیے ہوئے بچوں کی طرح پالتا ہے۔ غم بھلائے نہیں بھولنے دیتے۔ غم تازہ رہتے ہیں۔ یہی وجہ ہے کہ انسان خوشیوں بھری کہانیوں کو سُن کر ، پڑھ کر کچھ دِنوں میں بھول جاتا ہے، لیکن کہانیوں کے دُکھ بھرے انجام کو نہیں بھولتا۔ دکھ اور غم سے انسان کا رشتہ زیادہ گہرا ہے۔ غم اُس کے دل کا گھیراؤ کیے رہتے ہیں۔ روتا ہوا اس دنیا میں آتا ہے اور رُلاتا ہوا جاتا ہے۔ دکھ بھری کہانیوں سے جلد اپنا رشتہ قائم کرلیتا ہے۔ ہنسی کی کہانیوں اور لطیفوں پر جی بھر کر ہنستا ہے اور بھول جاتا ہے۔ درد بھرے انجام کو مدتوں یاد رکھتا ہے۔

    جب سے فلمی دنیا نے سر اُبھارا ہے فلمسازوں کو فلم بنانے کے لیے سب سے پہلے ایک عدد کہانی کی ضرورت پیش آتی ہے۔ اکثر اوقات وہ کہانی کے لیے دنیا کے مشہور ناولوں پر ہاتھ صاف کرتے ہیں۔ ادھر جب کہ کہانی کار اپنی کتاب کے چھپنے کی مجبوری کے باوصف کہانی کو کوئی ایسے موڑ دینے کے لیے تیار نہیں ہوتا جو بادی النظر میں پڑھنے والوں کی پسند ہوں ، دوسری جانب فلمساز کی مجبوری کہانی کا اچھا انجام ہوتی ہے۔ اس مجبوری کے تحت وہ اکثر اوقات کہانی کا انجام و دیگر جزئیات تبدیل کردیتا ہے۔


    ذیل کے دھاگے میں محفلین اپنی دیکھی ہوئی ان فلموں کا تذکرہ کریں گے جو مشہور ناولوں یا ڈراموں پر بنائی گئی ہوں۔
     
    • پسندیدہ پسندیدہ × 8
    • زبردست زبردست × 4
  2. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    ای ایم فوسٹر کے شہرہ آفاق ناول پر اسی نام سے بنی فلم "اے پیسج ٹو انڈیا"، جسے مایہ ناز ڈائریکٹر ڈیوڈ لین نے بنایا تھا، اور فلم میں کوئی خاص تحریف بھی نہیں کی گئی۔

    [​IMG]
     
    • پسندیدہ پسندیدہ × 6
    • زبردست زبردست × 3
  3. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    مشہور مصنف رڈیارڈ کپلنگ کی کہانی پر بنائی گئی اسی نام کی فلم
    The Man Who Would Be King
    فلم 'کافرستان' کے متعلق ہے اور تھوڑی بہت تحریف اس میں کی گئی ہے۔ شان کونری کی عمدہ ترین فلموں میں سے ایک۔
    [​IMG]
     
    • زبردست زبردست × 4
    • پسندیدہ پسندیدہ × 2
  4. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    احمدندیم قاسمی کے مشہور افسانے "گنڈاسا" پر بنی پنجابی فلم "وحشی جٹ"۔ فلم میں کافی تحریف کی گئی ہے۔ "مولا" اسی افسانے کا کردار تھا جس پر بعد میں "مولا جٹ" بھی بنی۔
     
    • معلوماتی معلوماتی × 4
    • پسندیدہ پسندیدہ × 1
    • زبردست زبردست × 1
  5. سید عاطف علی

    سید عاطف علی محفلین

    مراسلے:
    9,189
    جھنڈا:
    SaudiArabia
    موڈ:
    Cheerful
    مائیکل کرکٹن پر بنی فلم۔کانگو۔1995۔
     
    • پسندیدہ پسندیدہ × 4
  6. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    مغرب میں تو لاتعداد کہانیوں، ناولوں وغیرہ پر فلمیں بنی ہیں اور بنتی ہیں، جب کہ برصغیر میں یہ رواج زیادہ نہیں ہے۔ پاکستان میں تو شاید بالکل ہی نہیں ہے، انڈیا میں اب شاید اس طرف دھیان دیا جا رہا ہے۔ ابھی چند دن پہلے امیتابھ بچن اور رِشی کپور کی فلم "102 ناٹ آؤٹ" ریلیز ہوئی ہے جو ایک گجراتی کہانی پر مبنی ہے۔
     
    • پسندیدہ پسندیدہ × 3
  7. سید عاطف علی

    سید عاطف علی محفلین

    مراسلے:
    9,189
    جھنڈا:
    SaudiArabia
    موڈ:
    Cheerful
    یہ دونوں اب بھی فلموں میں پرفارم کرتے ہیں ؟؟؟؟
     
    • پسندیدہ پسندیدہ × 1
  8. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    جی امیتابھ تو ریگولر فلمیں کر رہے ہیں۔ رشی کپور بھی گاہے گاہے کر لیتے ہیں۔ اس فلم میں دونوں نے کافی عرصے بعد اکھٹے کام کیا ہے۔
     
    آخری تدوین: ‏مئی 15, 2018
    • پسندیدہ پسندیدہ × 1
  9. ربیع م

    ربیع م محفلین

    مراسلے:
    3,583
    جھنڈا:
    Pakistan
    موڈ:
    Lonely
    پاکستان میں ہمیں شاہین ڈرامہ یاد ہے جو نسیم حجازی کے ناول شاہین پر بنایا گیا.
     
    • پسندیدہ پسندیدہ × 5
  10. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    جراسک پارک بھی مائیکل کرکٹن کے ناول پہ ہی بنی تھی۔

    [​IMG]
     
    آخری تدوین: ‏مئی 15, 2018
    • پسندیدہ پسندیدہ × 5
  11. محمد وارث

    محمد وارث لائبریرین

    مراسلے:
    26,170
    جھنڈا:
    Pakistan
    موڈ:
    Depressed
    "شہرہ آفاق" گاڈ فادر فلمیں، ناولوں پر بنی ہیں۔

    ہیری پورٹر سیریز کی ساری فلمیں ناولوں پر بنی ہیں۔
     
    • پسندیدہ پسندیدہ × 5
  12. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    سائلنس آف دی لیمبس
    ہماری پسندیدہ فلموں میں سے ایک۔ تھامس ہیرس کے سنسنی خیز ناول پر مبنی اس فلم کو دوچند کیا انتھونی ہاپکنز اور جوڈی فوسٹر کی شاندار اداکاری نے۔
    [​IMG]
     
    • پسندیدہ پسندیدہ × 5
    • زبردست زبردست × 1
  13. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    پاکستانی فلموں میں "بن روئے" نامی فلم شاید اسی نام کے ناول پہ مبنی ہے۔ فرحت اشتیاق کا ناول تھا۔
    میں نے فلم نہیں دیکھی تو اس بابت کہنے سے قاصر ہوں کہ کیسی فلم تھی۔
    [​IMG]
     
    • پسندیدہ پسندیدہ × 4
  14. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    پاکستانی نژاد ناول نگار محسن حامد کے شہرہ آفاق ناول "دی ریلکٹنٹ فنڈامنٹلسٹ" پہ بالی ووڈ میں ایک فلم بنی تھی۔ جتنا شاندار ناول تھا، یہ فلم اس سے انصاف نہ کر سکی۔
    ناول کی تمام تر کہانی لاہور کے انارکلی بازار میں بیٹھے دو اشخاص کی گفتگو کے تناظر میں ہے۔ ان دنوں پاکستان میں امن و امان کی صورتحال نیز بھارت سے کشیدہ تعلقات کی وجہ سے اس فلم کو بھارت میں ہی فلمایا گیا۔
    فلم دیکھ کر دل سے یہی آواز نکلی کہ کاش یہ فلم لاہور میں ہی فلمبند ہو سکتی۔
    [​IMG]
     
    • پسندیدہ پسندیدہ × 4
  15. ہادیہ

    ہادیہ محفلین

    مراسلے:
    5,092
    جھنڈا:
    Pakistan
    موڈ:
    Angelic
    "بن روئے آنسو" اصل نام ہے ناول کا۔ فلم صرف "بن روئے" ہے۔۔ میں بھی یہی لکھنے آئی تھی۔۔
     
    • پسندیدہ پسندیدہ × 1
    • معلوماتی معلوماتی × 1
  16. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    پنجر
    اس فلم کو کیسے بھولا جا سکتا ہے۔ امرتا پریتم کے بے مثال (لیکن مختصر) ناول پر مبنی یہ آرٹ فلم اپنی مثال آپ تھی۔
    چونکہ ایسی فلمیں عام فلم بینوں کے مزاج سے ہم آہنگ نہیں ہوتیں تو یہ فلم بھی باکس آفس پہ بری طرح پٹ گئی۔ تاہم آرٹ فلموں کے شوقین حضرات کے لئے دیکھنے کی چیز ہے۔
    [​IMG]
     
    • پسندیدہ پسندیدہ × 6
  17. ہادیہ

    ہادیہ محفلین

    مراسلے:
    5,092
    جھنڈا:
    Pakistan
    موڈ:
    Angelic
    فلم سے زیادہ ناول دلچسپ تھا۔۔ ناول میں "ارتضٰی بھائی " کہتی ہے صبا ۔۔جبکہ فلم میں صرف ارتضی ۔۔جو کہ کافی بڑی "بونگی" ماری۔۔۔۔ کیونکہ مین تھیم تو یہی تھا کہ عمر کا فرق بہت زیادہ ہوتا۔۔۔ ناول میں الفاظ کی خوبصورتی اور کشش زیادہ تھی۔۔ فلم بس نارمل لگی۔۔
     
    • پسندیدہ پسندیدہ × 1
    • معلوماتی معلوماتی × 1
  18. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    To Kill a Mockingbird
    لی ہارپر کے مشہور ناول پر بنی اس فلم نے بھی بے تحاشا شہرت پائی۔ اس ناول اور فلم نے امریکی معاشرے میں رنگ کی بنیاد پہ تفریق یا امتیاز پہ بحث کو مزید جِلا بخشی۔ فلم میں گریگوری پیک کی ایکٹنگ نے مرکزی کردار میں جان پیدا کر دی۔

    [​IMG] [​IMG]
     
    • پسندیدہ پسندیدہ × 3
  19. فرقان احمد

    فرقان احمد محفلین

    مراسلے:
    10,184
    ہماری آل ٹائم فیورٹ فلم 'اپ' ہے جس کو ہم بیسیوں مرتبہ دیکھ چکے۔ اس کی کہانی بھی کسی ناول سے 'کشید'کی گئی ہے جس کا نام یاد نہیں آ رہا ہے۔
    [​IMG]
    [​IMG]
     
    • پسندیدہ پسندیدہ × 5
  20. محمد تابش صدیقی

    محمد تابش صدیقی منتظم

    مراسلے:
    25,209
    جھنڈا:
    Pakistan
    موڈ:
    Breezy
    پاکستانی طلبا کے دشمن مسٹر چپس پر بھی فلم موجود ہے۔
     
    • پر مزاح پر مزاح × 4
    • پسندیدہ پسندیدہ × 3
    • معلوماتی معلوماتی × 1

اس صفحے کی تشہیر