جون ایلیا ناروا ہے سخن شکایت کا

ناروا ہے سخن شکایت کا
وہ نہیں تھا میری طبیعت کا

دشت میں شہر ہو گئے آباد
اب زمانہ نہیں ہے وحشت کا

وقت ہے اور کوئی کام نہیں
بس مزہ لے رہا ہوں فرصت کا

بس اگر تذکرہ کروں تو کروں
کس کی زلفوں کا کس کی قامت کا

مر گئے خواب سب کی آنکھوں کے
ہر طرف ہے گلہ حقیقت کا

اب مجھے دھیان ہی نہیں آتا
اپنے ہونے کا ، اپنی حالت کا

تجھ کو پا کر زیاں ہوا ہم کو
تو نہیں تھا ہماری قیمت کا

صبح سے شام تک میری دُنیا
ایک منظر ہے اس کی رخصت کا

کیا بتاؤں کہ زندگی کیا تھی
خواب تھا جاگنے کی حالت کا

کہتے ہیں انتہائے عشق جسے
اک فقط کھیل ہے مروت کا

آ گئی درمیان روح کی بات
ذکر تھا جسم کی ضرورت کا

زندگی کی غزل تمام ہوئی
قافیہ رہ گیا محبت کا

 

واہ کیا زبردست کلام شریک محفل کیا ہے
کس کس شعر کو کوٹ کروں
ہر شعر نگینے کی طرح ہے
اسی طرح شراکت کرتے رہیں
شاد و آباد رہیں

 

واہ واہ بہت خوبصورت غزل شیئر کی تم نے
واہ

تجھ کو پا کر زیاں ہوا ہم کو
تو نہیں تھا ہماری قیمت کا​

 

واہہہہہہہہہہہہہہہہہہ
بلا شبہ لطف آگیا پڑھ کر ۔۔
زندگی کی غزل تمام ہوئی ۔۔۔۔۔۔۔ قافیہ رہ گیا محبت کا

 

بہت شکریہ سید شہزاد ناصر صاحب
بہت ممنون ہوں آپ کا انتخاب کی پذیرائی پر

 

مر گئے خواب سب کی آنکھوں کے​

ہر طرف ہے گلہ حقیقت کا​

کیا خوبصورت غزل ہے۔ ایک ایک شعر پر جان نذر کرنے کو دل کرتا ہے۔ ​

 

اس پر ہماری طرف سے "ملٹیپل زبردست" قبول کیجے۔

 

واہ بہت خوب۔ شکریہ جناب ارسال فرمانے کیلیے

 

میرے پسندیدہ کلام میں شامل ہے یہ۔۔۔ بہت عمدہ منے

 

بہت بہت شکریہ بابا جی

 

بہت ممنون ہوں نایاب صاحب

 

زندگی کی غزل تمام ہوئی​

قافیہ رہ گیا محبت کا​

واہ۔ کس خوبصورتی سے محبت کا قافیہ فٹ کیا ہے۔۔۔
بہت خوب۔۔۔

 

بہت خوب غزل انتخاب فرمائی ہے بلال میاں ۔جیتے رہیئے

 

کمال غزل ہے خصوصاً یہ دو شعر
زندگی کی غزل۔۔

کیا بتاؤں کہ ۔۔۔