انور شعور نادم ہیں اپنی بُھول پہ ہم، بُھول جائیے۔ انور شعور

[فرحت کیانی]

نادم ہیں اپنی بُھول پہ ہم ، بُھول جائیے
جو کچھ ہوا براہِ کرم ، بُھول جائیے

ہم نے سرور و لطف میں جو کچھ کہا سنا
سب جھوٹ تھا خدا کی قسم ، بُھول جائیے

تکلیف اور غم کا مداوا ہے ایک ہی
تکلیف بُھول جائیے، غم بُھول جائیے

پی لیجیے پیالہء سقراط بوند بوند
آبِ حیات ہے کہ یہ سم ، بُھول جائیے

ہونا بھی ایک خواب نہ ہونا بھی ایک خواب
کیا ہے وجود کیا ہے عدم ، بُھول جائیے

رکھیے اب اپنی عمر کی نقدی سنبھال کر
جو خرچ ہو گئی وہ رقم ، بُھول جائیے

آپ ایک بار آ گئے سو آ گئے شعور
باغِ جہاں میں باغِ ارم ، بُھول جائیے

انور شعور

 

[سارہ خان]

زبردست ۔۔۔۔۔

 

[زونی]

ہونا بھی ایک خواب نہ ہونا بھی ایک خواب
کیا ہے وجود کیا ہے عدم ، بُھول جائیے




بہت خوب! ہمیشہ کی طرح اچھا انتخاب ، بہت شکریہ فرحت۔

 

[فرحت کیانی]

بہت شکریہ سارہ اور زونی

 

[امیداورمحبت]

بہت خوب ۔ ۔بھولنا اتنا آسان کب سے ہوا فرحت؟؟؟؟؟؟؟؟؟؟؟

 

[محمد وارث]

بہت خوبصورت غزل ہے، شکریہ فرحت شیئر کرنے کیلیئے!

ہم نے سرور و لطف میں جو کچھ کہا سنا
سب جھوٹ تھا خدا کی قسم ، بُھول جائیے

پی لیجیے پیالہء سقراط بوند بوند
آبِ حیات ہے کہ یہ سم ، بُھول جائیے

واہ واہ واہ، لا جواب

 

[فرحت کیانی]

بہت خوب ۔ ۔بھولنا اتنا آسان کب سے ہوا فرحت؟؟؟؟؟؟؟؟؟؟؟

بہت شکریہ بھولنا آسان تو نہیں لیکن یاد رکھنا بھی تو اتنا ہی مشکل ہوتا ہے ناں امید!

 

[فرحت کیانی]

بہت خوبصورت غزل ہے، شکریہ فرحت شیئر کرنے کیلیئے!

ہم نے سرور و لطف میں جو کچھ کہا سنا
سب جھوٹ تھا خدا کی قسم ، بُھول جائیے

پی لیجیے پیالہء سقراط بوند بوند
آبِ حیات ہے کہ یہ سم ، بُھول جائیے

واہ واہ واہ، لا جواب

بہت شکریہ وارث

 

[فرخ منظور]

کیا ہی اچھی غزل ہے - بہت شکریہ فرحت!‌

 

[حجاب]

بہت خوب اچھی شیئرنگ ہے فرحت

 

[ملائکہ]

بہت اچھی غزل ہے

 

[فرحت کیانی]

بہت بہت شکریہ سخنور، حجاب اور ملائکہ!