میرے پسندیدہ اشعار

[عمر سیف]

واہ بہت خوب ۔۔۔

 

[سارا]

میں وہ مجرم ہوں جو ہر دور میں سچ بولتا ہوں
اس خطا پر مجھے سُولی پر چڑھایا جائے

جس سے روشن ہیں ابھی تک میری یادوں کے چراغ
کیسے ممکن ہے کہ وہ شخص بھلایا جائے۔۔

 

[عمر سیف]

مِلو کے آج کوئی بات روبرو کر لیں
یہ کیوں ہیں دوریاں، کچھ اس پہ گفتگو کر لیں
کریں گے پھر سے عبادت تمھارے چہرے کی
کے پہلے آنکھ کو اشکوں سے باوضو کر لیں​

 

[سارا]

مرے لہجے میں مرے عہد کی سچائی ہے
میری آواز سے آواز ملاتے رہنا

یہ نہ ہو شہر میں تنہائی کے مجرم ٹھہرو
دل ملیں یا نہ ملیں ہاتھ ملاتے رہنا۔۔

 

[سارا]

چھپائے دل میں غموں کا جہاں بیٹھے ہیں
تمہاری بزم میں ہم بے زبان بیٹھے ہیں

یہ اور بات ہے کہ منزل پہ ہم پہنچ نہ سکے
مگر یہ کم ہے کہ راہوں کو چھان بیٹھے ہیں۔۔

 

[شمشاد]

پھول خوشبو کے نشے ہی میں بکھر جاتے ہیں
لوگ پہچان بناتے ہوئے مر جاتے ہیں

منزلیں اُن کا مُقدّر کہ طلب ہو جن کو
بے طلب لوگ تو منزل سے گُزر جاتے ہیں
(سعد اللہ شاہ)

 

[عمر سیف]

چل میرے ساتھ کبھی تُو کسی ویرانے میں
میں تجھے شہر کے ماحول سے ہٹ کر دیکھوں​

 

[عیشل]

بے زمین لوگوں کو
بے قرار آنکھوں کو
بد نصیب قدموں کو
جس طرف بھی لے جائیں
راستوں کی مرضی ہے
بے نشاں جزیروں پر
بد گماں شہروں میں
بے زباں مسافر کو
جس طرف بھی بٹھکا دیں
راستوں کی مرضی ہے
روک لیں یا بڑھنے دیں
تھام لیں یا گرنے دیں
وصل کی لکیروں کو
توڑ دیں یا ملنے دیں
راستوں کی مرضی ہے
اجنبی کوئی لا کر ہمسفر بنا ڈالیں
ساتھ چلنے والے کی راکھ بھی اُڑا ڈالیں
یا مسافتیں ساری
خاک میں ملا ڈالیں
راستوں کی مرضی ہے
راستوں کی مرضی ہے!!!!​

 

[عمر سیف]

واہ بہت خوب ۔۔۔۔

 

[سارہ خان]

دیکھنا کچھ ہے دیکھتے کچھ ہیں
مسئلے کچھ ہیں، سوچتے کچھ ہیں
ہم دُعاؤں میں بھی نہیں ہیں مخلص
چاہتے کچھ ہیں مانگتے کچھ ہیں

 

[فرخ منظور]

تیری دعا سے قضا تو بدل نہیں سکتی
مگر اس سے یہ ممکن ہے کہ تُو بدل جائے
(اقبال)

 

[شمشاد]

سارہ آپ نے بہت اچھے اشعار لکھے ہیں۔ بالکل یہی حال ہے ہمارا۔

 

[سارہ خان]

اچھے، بُرے کبھی ہیں حالات آدمی کے
پیچھے لگے ہُوئے ہیں دن رات آدمی کے

رخصت ہُوئے تو جانا، سب کام تھے ادھورے
کیا کیا کریں‌جہاں میں، دو ہاتھ آدمی کے

مٹی سے وہ اُٹھا ہے، مٹی میں جا ملے گا
اُڑتے پھریں گے اک دن، ذرّات آدمی کے

اِک آگ حسرتوں کی، سوچوں کا اِک سمندر
کیا کیا وبال یا رب! ہیں ساتھ آدمی کے؟

اس دورِ ارتقا میں، منذر قدم قدم پر
پامال ہو رہے ہیں، جذبات آدمی کے

بشیر منذر

 

[عیشل]

تمام عمر کی نا معتبر رفاقت سے
کہیں بھلا ہو کہ پل بھر ملیں،یقیں سے ملیں۔​

 

[شمشاد]

دل میں تمہارے عکس ہمارا نہیں رہا
ہم کو بھی اب خیال تمہارا نہیں رہا

سود و زیاں کا دونوں کو رہتا رہا خیال
اپنی شکست میں بھی خسارا نہیں رہا

 

[فرحت کیانی]

پتھر ہی سہی، راہ میں حائل تو رہوں گا
کچھ دیر تیرا مدِ مقابل تو رہوں گا

جب تک تیری بخشش کو بھرم کُھل نہیں جاتا
اے میرے سخی! میں تیرا سائل تو رہوں گا

اس واسطے زندہ ہوں سرِ مقتلِ یاراں
وابستہء کم ظرفیِ قاتل تو رہوں گا

اے تیز ہوا میرا دھواں دیکھ کے جانا
بجھ کر بھی نشانِ راہِ منزل تو رہوں گا

دشمن ہی سہی نام تو لے گا میرا تُو بھی
یوں میں تیری آواز میں شامل تو رہوں گا

محسن ضدِ اعدا سے اگر مر بھی گیا میں
معیارِ تمیزِ حقِ باطل تو رہوں گا

۔۔۔محسن نقوی

 

[فرحت کیانی]

دیکھنا کچھ ہے دیکھتے کچھ ہیں
مسئلے کچھ ہیں، سوچتے کچھ ہیں
ہم دُعاؤں میں بھی نہیں ہیں مخلص
چاہتے کچھ ہیں مانگتے کچھ ہیں

بہت خوب۔۔۔سارہ! میں نے آپ کی پسندیدہ شاعری چوری کر لینی ہے

 

[راجہ صاحب]

تمھارا نام لکھنے کی اجازت چھن گئی جب سے
کوئی بھی لفظ لکھتا ہوں توآنکھیں بھیگ جاتی ہیں

 

[یونس رضا]

نیند جب خوابوں سے پیاری ہو تو ایسے عہد میں
خواب دیکھے کون اور خواب کو دے تعبیر کون
ریت ابھی پچھلے مکانوں کی نہ واپس آئی تھی
پھر لب ساحل گھروندہ کر گیا تعمیر کون

 

[یونس رضا]

در عرفاں عقل کے پردے میں پنہاں ہو گیا
ہوش میں آنا حجاب روئے جاناں ہو گیا