گیارہویں سالگرہ میرا مکتب میرا مدرسہ اردو محفل

نایاب

لائبریرین
السلام علیکم
اپنی مادر علمی سے سب کو محبت ہوتی ہے‘ کچھ اس کا اظہار خاموشی سے کرتے ہیں .
کچھ ہر جگہ اس کی تعریف کرتے اس کا قرض چکاتے ہیں ۔
اردو محفل میرے لیئے مادر علمی کا مقام رکھتی ہے ۔ یہ میرے لیئے مکتب بھی ہے مدرسہ بھی ۔
میں سدا کا بھگوڑا آوارہ گردی کرتے کرتے 2008 میں اردو محفل تک آ پہنچا ۔
اور اک کونہ سنبھال کر اراکین اردو محفل کے درمیان جاری مباحثوں سے علم کا اکتساب شروع کیا ۔
تو مجھ پر یہ حقیقت کھلنے لگی کہ
انسان کو اگر اشرف المخلوق ہونے کا شرف حاصل ہے تو یہ صرف علم و آگہی کی بدولت حاصل ہے۔
انسان کو حاصل ہونے والی سب ترقی اور بلندی صرف علم ہی کے دم سے ہیں۔
اردو محفل کے مختلف الخیال اراکین کی تحریریں تبصرے ابحاث اور علمی مناقشے میرے علم و آگہی میں اضافے کا سبب بنتے رہے ۔
مجھ جاہل ان پڑھ پر یہ حقیقت بھی کھلی کہ " علم ایسا بادل ہے جس سے رحمت برستی ہے"۔ اسے جتنا لٹاؤ یہ اتنا ہی بڑھتا ہے ۔
بلا تفریق جنس و مسلک محترم اراکین اردو محفل نے مجھے اپنی تحریروں تبصروں سے یہ تعلیم دی کہ
حرفوں سے بنے لفظ زندہ ہوتے ہیں یہ اثر رکھتے ہیں ۔ یہ جہاں خوشبو کی صورت من کو مہکاتے اور پیار پھیلاتے ہیں ۔
وہیں یہ لفظ ذرا سی بے دھیانی سے نفرت کے پیغامبر ٹھہر جاتے ہیں ۔ فساد پھیلاتے ہیں ۔
جہاں خیالات کی جنگ ہو وہاں لفظ ہی ہتھیار ہوتے ہیں
فاتح وہی ٹھہرتا ہے جو اس ہتھیار کو ہتھوڑے کی بجائے سرجن کے نشتر کی صورت استعمال کرنے قادر ہو ۔
چاند اپنی چاندنی سے پھول اپنی خوشبو سے اور " ہم " اپنے کردار سے پہلے اپنی " گفتار " سے پہچانے جاتے ہیں
سچ کہا ہے کسی بزرگ نے کہ " علم روشنی ہے اور جہالت اندھیرا "۔
تحریر کے لفظ ہوں یا ہمارے نطق سے ابھرتی صدا ۔
یہی دلیل ہوتے ہیں کہ ہم نے روشنی پائی کہ اندھیرا سمیٹا ہے ۔۔۔۔۔۔۔
اردو محفل کے چمن سے ہی یہ حکمت بھرا پھول ملا ہے مجھے کہ " بات اچھی کرو ورنہ خاموش رہو خود کو بدگمانی سے بچاؤ"۔
بلاشک یہ سچ ہے کہ " مصیبت کی جڑ انسان کی گفتگو ہے "۔
مجھے یہ اعتراف کرتے اچھا لگتا ہے کہ میرے لیئے تمام محترم اراکین اردو محفل بدرجہ استاد کے ہیں ۔
کسی اک کا نام کیا لوں ؟ ہر کسی سے مجھے تو علم ہی ملا ہے ۔ سب ہی شامل ہیں میری دعاؤں میں ۔
اردو محفل محض اک فورم نہیں بلا شک علم و آگہی کا اک باغ اک چمن ہے ۔
جہاں نہ صرف علم و آگہی بلکہ تہذیب و تمدن اور فلاح انسانیت بارے رشد و ہدائت کے رنگا رنگ پھول کلیاں اپنی خوشبو بکھیرتے ہیں ۔
اور اردو زبان سے اپنی محبت اپنی چاہت اپنے عشق کے راگ تحریر کی صورت بکھیرتے ہیں ۔۔۔۔۔۔۔۔
اردو محفل کی جملہ انتظامیہ بالخصوص محترم محمد وارث بھائی اور محترم ابن سعید بلاشبہ داد و تحسین کے قابل ہیں کہ
جس طرح کسی بھی چمن کسی بھی باغ کے اندر پھلدار اور پھولدار پودوں کے ساتھ ساتھ کچھ خود رو قسم کی جڑی بوٹیاں بھی خود بخود اُگ آتی ہیں جو چمن اور باغ کیلئے نقصان دہ ہوتی ہیں۔ چمن کے مالی کی کامیابی کا راز اس میں ہوتا ہے کہ وہ اُن جڑی بوٹیوں کو ساتھ ساتھ تلف کرتا جائے ۔ جوحسد، بغض، کینہ، نفرت، انتقام فساد جیسے ناپسندیدہ اور بُرے اوصاف کی حامل ہوں ۔ بلا شک اردو محفل کے منتظمین ایسی جڑی بوٹیوں کا بروقت سدباب کرتے ہیں ۔ اور اردو محفل کے چمن کی فضاء کو ہر آلودگی سے صاف کرنے کی کوشش میں جتے رہتے ہیں ۔
آئیے ہم سب مل کر اپنے لفظوں کی صورت مہکتے چہکتے اردو محفل کے چمن کو سدا سر سبز رکھنے کی کوشش کریں ۔
ان شاء اللہ رب سوہنا ہم سب پر مہربان ہوتے ہماری اس محبت چاہت سے بھرپور اردو محفل کو سدا شاد وآباد رکھے گا ۔ ان شاء اللہ
بہت دعائیں
ok%20khiraj.jpg
 

نایاب

لائبریرین
وعلیکم السلام و رحمتہ اللہ۔
آپ نے بہت محبت اور محنت سے اتنے سارے محفلین کے نامِ نامی ایک ہی تصویر میں لکھ دئیے۔ ماشااللہ:applause:
بلا شک یہ سب وہ محترم ہستیاں ہیں جن سے مجھے رہنمائی ملتی رہی ۔
جو مجھے حوصلہ دیتے احساس کمتری سے باہر لے آئے ۔۔۔۔۔۔۔
میرے لیئے یہی سب اردو محفل کا دوسرا نام ہیں ۔۔۔۔
بہت دعائیں
 
آمین۔
جزاک اللہ نایاب بھائی، ان خوبصورت الفاظ کے لئے۔
بلاشبہ محفل ایک ادارہ ہے، جہاں ہر گوشہ میں علم و دانش کےپھول کھِل رہے ہیں۔
اللہ تعالیٰ آپ کو ایمان و صحت کے ساتھ سلامت رکھے۔ آمین
 

الشفاء

لائبریرین
وعلیکم السلام ورحمۃ اللہ وبرکاتہ۔۔۔
بہت خوب نایاب بھائی۔۔۔
ناموں میں مختلف رنگ استعمال کرنے کے پیچھے کوئی خاص حکمت ؟ :)
 

لاریب مرزا

محفلین
وعلیکم السلام!! اردو محفل کے لیے آپ کے جذبات آپ کی تحریر سے عیاں ہیں نایاب بھائی!! بہت خوب لکھا آپ نے۔۔ :)
دعا ہے کہ اردو محفل خوب پھلے پھولے۔ آمین
 

نایاب

لائبریرین
میرے محترم بھائی
بہت گہری نگاہ پائی ہے ماشاء اللہ
بس جس کے لیئے جو رنگ جچا اسی میں لکھ دیا ۔
کچھ راز راز رہیں تو بہتر ۔۔ ورنہ سولی تیار کھڑی ہر دم ۔۔۔۔۔۔۔۔۔
بہت دعائیں
 

عائشہ عزیز

لائبریرین
وعلیکم السلام ورحمۃ اللہ وبرکاتہ۔۔۔
بہت خوب نایاب بھائی۔۔۔
ناموں میں مختلف رنگ استعمال کرنے کے پیچھے کوئی خاص حکمت ؟ :)
میرے محترم بھائی
بہت گہری نگاہ پائی ہے ماشاء اللہ
بس جس کے لیئے جو رنگ جچا اسی میں لکھ دیا ۔
کچھ راز راز رہیں تو بہتر ۔۔ ورنہ سولی تیار کھڑی ہر دم ۔۔۔۔۔۔۔۔۔
بہت دعائیں

جہاں تک مجھے یاد ہے پچھلے زمانے میں محفل پر عام محفلین کے نام نیلے ہی، لائبریرین کے نام گلابی اور منتظیمین کے نام سرخ رنگ میں لکھے ہوتے تھے۔:rolleyes:
 

نایاب

لائبریرین
جہاں تک مجھے یاد ہے پچھلے زمانے میں محفل پر عام محفلین کے نام نیلے ہی، لائبریرین کے نام گلابی اور منتظیمین کے نام سرخ رنگ میں لکھے ہوتے تھے۔:rolleyes:
میری معصوم سی بٹیا
آپ نے غور نہیں کیا شائد
اس تصویر میں محترم نبیل اور ابن سعید بھائی کا نام نیلے رنگ میں لکھا گیا ہے ۔
ویسے آپس کی بات ہے کہ اس سوال کا جواب مجھے خود بھی معلوم نہیں ۔
لیکن عین ممکن ہے کہ کوئی محفلین اس رمز کو پا ہی لے ۔۔۔
بہت دعائیں
 

عائشہ عزیز

لائبریرین
میری معصوم سی بٹیا
آپ نے غور نہیں کیا شائد
اس تصویر میں محترم نبیل اور ابن سعید بھائی کا نام نیلے رنگ میں لکھا گیا ہے ۔
ویسے آپس کی بات ہے کہ اس سوال کا جواب مجھے خود بھی معلوم نہیں ۔
لیکن عین ممکن ہے کہ کوئی محفلین اس رمز کو پا ہی لے ۔۔۔
بہت دعائیں
اپسس ۔۔جی یہ تو میں نے دیکھا ہی نہیں۔ :)
 

محمد امین

لائبریرین
واہ نایاب بھائی آپکی منکسر المزاجی کے تو سبھی پرستار ہیں۔ اللہ خوش رکھے۔۔۔ اور اردو محفل سے محبتوں کو چار چاند لگائے۔۔۔
 

غدیر زھرا

لائبریرین
وعلیکم السلام نایاب بھیا آپ کا یہاں آنا یقیناً بہت اچھا ثابت ہوا کہ اس کی بدولت محفل اور محفلین ہمیشہ آپ کی دعاؤں کے حصار میں رہتے ہیں :) بہت عمدہ تحریر :)
 

گلزار خان

محفلین
نایاب لالہ بہت اچھی تحریر لکھی ہے :):)لیکن اس میں میرا نام کہیں دکھائی نہیں دے رہا موبائل یا ٹیکنیکلی پرابلم کی وجہ سے نظر نہیں آ رہا یا لکھا ہی نہیں ؟:(
 

محمدظہیر

محفلین
اگر 99 ہوتے تو ۔۔۔۔۔۔۔۔۔۔۔۔۔۔۔۔۔۔
یہ 81 ہیں ۔۔۔ سو اگلی سالگرہ تک انتظار لازم ہے ۔۔
بہت دعائیں
یہ کیا میرا حساب تو ابھی سے کمزور ہو گیا! 9 کو 9 سے ضرب دے کر 99 کردیا:ROFLMAO:
اتناااا انتظار؟ چلیے ٹھیک ہے آپ نے وعدہ کیا تو منتظر ہیں :)
 
Top