تعارف منیر انور (لیاقت پور) ۔ ایک صاحبِ طرز شاعر

[محمد خلیل الرحمٰن]

بہت شکریہ دوستو ۔۔ میں کچھ بزی رہا اور کچھ غیر ذمہ داری کی بنا پر ایسا ہوا ۔۔ اب ھاضر ہوں اور انشااللہ ہوتا رہوں گا ۔۔

استادِ محترم جناب محمد یعقوب آسی بھائی کے الفاظ میں۔ ’’

جی آئیاں نوں، سرجی!​

‘‘

 

[محمد یعقوب آسی]

اففف انکل میں نے آپ کو خوش آمدید نہیں بولا اتنی دیر سے

محفل میں خوش آمدید انکل!

یہ اففف انکل کون ہیں عائشہ؟ عجیب سا نام ہے، ۔۔۔ ارے! یہ کہیں ہم ہی تو نہیں؟

 

[عائشہ عزیز]

یہ اففف انکل کون ہیں عائشہ؟ عجیب سا نام ہے، ۔۔۔ ارے! یہ کہیں ہم ہی تو نہیں؟

انکل جی!

 

[محمد یعقوب آسی]

جناب منیر انور صاحب کی طرف سے، تازہ موصولہ غزل ۔۔۔ خوش ذوق قارئین کی خدمت میں۔

دیکھ کتنا ترا خیال کیا​

تجھ سے کوئی نہیں سوال کیا​

خوشبوؤں کو تری مثال کہا​

چاندنی کو ترا جمال کیا​

ایک سادہ سی مسکراہٹ نے​

زندگی بخش دی ، نہال کیا​

کوئی تازہ ہوا تھی وہ جس نے​

سانس کا زیر و بم بحال کیا​

آرزو ، نارسائی ، ناکامی​

اس ڈگر نے عجیب حال کیا​

ہم نے ہر حال میں گذاری ہے​

ہم نے ہر حال میں کمال کیا​

ہم کو محفل میں بے وفا کہہ کر​

آپ نے کون سا کمال کیا​

ہم نے انور کسی کی حسرت میں​

خود کو کس درجہ پائمال کیا​

۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔​

منیر انور​

​

 

[محمد یعقوب آسی]

ایک شعر جناب منیر انور کا:

ہم اپنے حلقہء یاراں میں انور​

کسی تفریق کے قائل نہیں تھے​

​

​

اللہ کرم کرے، اب کے ہو تو نہیں گئے؟

 

[محمد خلیل الرحمٰن]

بہت خوبصورت غزل ہے جناب۔ بہت بہت داد قبول فرمائیے۔ واہ وہ۔ لطف آگیا۔کیا کہنے ۔

 

[عمر سیف]

خوش آمدید ۔۔

قریب تھا تو مسلسل گریز کرتا تھا
بچھڑ کے ہم سے مگر سوچتا رہا ہم کو
واہ ۔۔ لاجواب ۔۔

 

[عمر سیف]

جناب منیر انور صاحب کی طرف سے، تازہ موصولہ غزل ۔۔۔ خوش ذوق قارئین کی خدمت میں۔

دیکھ کتنا ترا خیال کیا​

تجھ سے کوئی نہیں سوال کیا​

خوشبوؤں کو تری مثال کہا​

چاندنی کو ترا جمال کیا​

ایک سادہ سی مسکراہٹ نے​

زندگی بخش دی ، نہال کیا​

کوئی تازہ ہوا تھی وہ جس نے​

سانس کا زیر و بم بحال کیا​

آرزو ، نارسائی ، ناکامی​

اس ڈگر نے عجیب حال کیا​

ہم نے ہر حال میں گذاری ہے​

ہم نے ہر حال میں کمال کیا​

ہم کو محفل میں بے وفا کہہ کر​

آپ نے کون سا کمال کیا​

ہم نے انور کسی کی حسرت میں​

خود کو کس درجہ پائمال کیا​

۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ​

منیر انور​

​

بہت خوب۔

 

[محمداحمد]

بہت بہت شکریہ محترم محمد یعقوب آسی صاحب کہ آپ نے منیر انور صاحب سے متعارف کروایا۔

سمن منیر کے بارے میں جان کر دکھ ہوا پر اللہ کے فیصلوں کے آگے کیا کہا جا سکتا ہے۔

منیر صاحب کا کلام بہت خوب ہے اور پڑھ کر بہت لطف آیا۔

اُمید ہے منیر صاحب محفل کی رونق بڑھاتے رہیں گے۔

 

[محمد یعقوب آسی]

اس قدر عزت افزائی پر احباب کا ممنون ہوں، اور اس کا سارا کریڈٹ جناب منیر انور کے لئے۔

نوٹ: جھونگا اپنا!

 

[محمد یعقوب آسی]

کسی کے اونچے در و بام محترم تھے مگر​

ہمیں ہوا کے لئے راستہ بنانا تھا​

۔۔۔۔۔۔۔۔۔۔۔ منیر انور​