منتخب اشعار برائے بیت بازی!

[حجاب]

یہی انداز ہے میرا سمندر فتح کرنے کا۔۔۔۔۔۔۔۔۔۔۔۔۔
میری کاغذ کی کشتی میں کئی جگنو بھی ہوتے ہیں

 

[تیشہ]

نہیں ہے چشم کو اب فرصت ِنظارگی ورنہ ۔ ۔
کبھی رستہ بچھاتے اور تجھ کو راہ رو کرتے ۔

 

[الف عین]

یاد بولی اگر اجازت ہو
پائینتی آ کے ہم بھی سو جائیں

 

[تیشہ]

نیلم آنکھیں کھلتے پھول سا چہرہ ہے
کانچ کی جھیل میں، میں تو ڈوبتا جاتا ہوں ۔ ۔ ۔

 

[حجاب]

نہ سہی کچھ مگر اتنا تو کیا کرتے
وہ مجھے دیکھ کے پہچان لیا کرتے

 

[ڈاکٹر عباس]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں

 

[الف عین]

نہ جانے کتنی دیر تک روتے رہیں گے ہم
تاروں سے پھر جڑی ہے وہی نامراد رات

 

[حجاب]

تم آگئے ہو تو کیوں انتظارِ شام کریں
کہو تو کیوں نہ ابھی سے کچھ اہتمام کریں
جدا ہوئے ہیں بہت لوگ ایک تم بھی سہی
اب اتنی سی بات پر کیا زندگی حرام کریں۔

 

[تیشہ]

نہ سوال ِ وصل، نہ غرض ِ غم ،نہ حکایتیں نہ شکایتیں ۔ ۔
تیرے عہد میں دلِ ِزار کے سب ہی اختیار چلے گئے ۔

 

[حجاب]

یہ تو سچ ہے چپ رہنے سے پاگل پن بڑھ جاتا ہے
لیکن پتھر کے شہر میں آخر کس سے بات کریں۔

 

[الف عین]

ذرا مختلف ردیفوں کے اشعار ڈھونڈھ رہا ہوں۔
ناکامیوں کا منہہ تو کبھی دیکھنا ہی تھا
وہ بھی تو آندھیوں میں جلانے چلا چراغ
حیات لکھنوی

 

[الف عین]

کیا ہوا بھئ، غ نے دھوکا دے دیا کیا؟ غالب کے مقطعوں میں ہی اشعار ممکن تھے۔ لیکن میں مقطعے کی جگہ یہ پیش کرتا ہوں۔
غنچہ پھر لگا کھلنے، آج ہم نے اپنا دل
خوں کیا ہوا دیکھا، گم کیا ہوا پایا
غالب

 

[حجاب]

ادب کی حد میں ہوں بے ادب نہیں ہوتا
تمہارا تذ کرہ اب روزو شب نہیں ہوتا
کبھی کبھی تو چھلک پڑتی ہیں یونہی آنکھیں
اداس ہونے کا کوئی بھی سبب نہیں ہوتا

 

[تیشہ]

اچھی ہوں یا بریُ ہوں خود اپنے لئے ہوں
میں خود کو نہیں دیکھتی اوروں کی نظر سے ۔ ۔ ۔

 

[سیدہ شگفتہ]

یہی ہے ناں تمہیں ہم سے بچھڑ جانے کی جلدی ہے
کبھی ملنا تمہارے مسئلے کا حل نکالیں گے !
ابھی تو پاؤں کے نیچے زمیں محسوس ہوتی ہے
جہاں پہ ختم ہو جائے وہیں پہ گھر بنا لیں گے !


​

 

[الف عین]

خوش آمدید شگفتہ یہاں:
یہ تو کہو کبھی عشق کیا ہے ؟ جگ میں ہوئے ہو رُسوا بھی؟
اس کے سِوا ہم کُچھ بھی نہ پوچھیں، باقی بات فضول میاں
ابنِ انشاء

 

[تیشہ]

ہاں شگفتہ کو ادھر دیکھ کر مجھے بھی بہت اچھا لگا ، خوشی ہوئی ،


نقش دیوار ہوئی میں یا تو
بن گیا ہے کوئی چہرہ گھر میں ، ۔

 

[الف عین]

نہیں آتی جو یاد ان کی مہینوں تک نہیں آتی
مگر جب یاد آتے ہیں تو اکثر یاد آتے ہیں

 

[سیدہ شگفتہ]

اعجاز اختر صاحب اور بوچھی بہت شکریہ !

نہ کہ یہ تیر و تبر مجھ پہ چلائے جاتے
میں تو وہ ہوں کہ مرے ناز اٹھائے جاتے

شاعر: احمد نوید
​

 

[تیشہ]

ویلکم ، شگفتہ ،۔



یہ دل ملول بھی کم ہے اُداس بھی کم ہے
کئی دنوں سے کوئی آس پاس بھی کم ہے ، ۔۔