مشکل اصطلاحات اور ناموں کو یاد کرنے کے لیے مختصر الفاظ اور جملے

سلفیورک ایسڈ بھائی کے تعارف میں:




چلیں ایک نیا تعلیمی سلسلہ شروع کرتے ہیں۔
میٹرک میں توانائیوں کے نام یاد رکھنےکے لیے ایک لفظ دہراتے تھے۔ کپحسلسیما۔ جب کہ پیریاڈِک ٹیبل کے پہلے کالم کے لیے ”ہائے لیلیٰ نہ کر رب سے فریاد“:)

مریم افتخار اور یاز بھائی سے ابتداء کرتےہیں۔

ٹیگ نامہ۔
اماؤنو ایسڈ سٹرکچز کا تو معاملہ یہ ہے کہ ایم فل (میں بائیو کیمسٹری کی کلاس) کے پہلے دن سر نے کہا کہ یہ تم پر فرض کردیے گئے ہیں جیسا کہ تم سے پہلے لوگوں پر...... اور صرف یہی نہیں بلکہ ہمیں ہمارے فرائض، سنتیں اور نوافل لکھوائے گئے. مرتا کیا نہ کرتا کے مصداق ہمیں ان کو یاد کرنا ہی تھا. نیٹ سے بہت سے ٹیٹوریلز دیکھے کہ یہ ہمیشہ یاد رہیں، لیکن وہ جو ایک جملہ بتاتے تھے، مجھے وہ جملہ ہی بھول جاتا تھا. میرا. حافظہ ذرا 'اور' قسم کا ہے. (یعنی ہر چیز دماغ میں رہتی ہے مگر اس کا مفہوم،
as it is نہیں)، خیر مجھے ان کو یاد کرنے کے کسی آسان حل سے یہ یاد نہیں ہوئے اور پھر سٹرکچرز بھی تو یاد کرنے تھے، فقط نام ہی تو نہیں. اس لیے پھر وہ وہ تصویر سامنے رکھی اورذہن میں بٹھائی جس میں سب اماؤنوایسڈز کی گریڈنگ ہوتی ہے. ایسڈک، بیسک وغیرہ.

ویسے چیزوں کو یاد کرنے کے میرے اپنے mnemonics ہوا کرتے ہیں لیکن سچ تو یہ ہے کہ مجھے وہ بھی کم ہی یاد رہتے ہیں.
VIBGYOR کے علاوہ (ویسے یہ اپنا تو نہ تھا، مگر کچھ ایسا پرایا بھی نہیں، کہانی گھر گھر کی ہے...) :)
 
واقعۂ معراج میں حضور صلی اللہ علیہ وسلم نے ہر آسمان پر جن انبیاء کرام علیہم السلام سے ملاقات کی، ان کی ترتیب یاد کرنے کے لیے "اَعْیاھُما"
الف= آدم علیہ السلام
ع= عیسی علیہ السلام
ی =یوسف علیہ السلام اور یحییٰ علیہ السلام
ھ= ہارون علیہ السلام
م= موسی علیہ السلام
الف= ابراہیم علیہ السلام
 

عثمان

محفلین
کچھ طریقے جو یہاں بتائے گئے ہیں اس کی نسبت تو اصل معلومات یاد رکھنا کہیں آسان ہے۔
 
پیریاڈک ٹیبل کا پہلا کالم ہوگیا ہے باقی کالمز کے لیے یہ فقرے مستعمل تھے
2- بیگم کا سر بھارا
3- بالا گیا اِن تھائی‌لینڈ
4- سسی گئی سندھ پنجاب
5-نپاَس سبّی
6- اس سے ٹی پیو
7- فسل برائٹ
8- حنا اور کرشمہ **** رن :rollingeyes:
 
الیکٹرونز کی آربٹ میں ترتیب کے لیے یہ فقرہ تھا
"سس پَس پَس، ڈی پی ایس ڈی پی ایس، ایف ڈی پی ایس
سکول ، سکول
پبلکل سکول، پبلک سکول
ڈویژنل پبلک سکول ، ڈویژنل پبلک سکول
فیڈرل ڈویژنل پبلک سکول ، فیڈرل ڈویژنل پبلک سکول

:)
 

شکیب

محفلین
نیٹورکنگ پڑھنے کے دوران OSI کی 7 لیئرز کے نام یاد رکھنے کے لیے یہ جملے (mnemonic) یاد کیے تھے:
فزیکل سے ایپلیکیشن لیئر
Please Do Not Throw Sausage Pizza Away
ایپلیکیشن سے فزیکل لیئر
All People Seem To Need Data Processing

7-layers-of-osi-icon.jpg
ہمیں sausage pizza کی جگہ sandwich & pizza پڑھایا گیا تھا... اس میں یہ یاد رکھنا پڑتا تھا کہ & اضافی ہے...
ساسج پزا ٹھیک ہے!
 

جان

محفلین
سکول ، سکول
پبلکل سکول، پبلک سکول
ڈویژنل پبلک سکول ، ڈویژنل پبلک سکول
فیڈرل ڈویژنل پبلک سکول ، فیڈرل ڈویژنل پبلک سکول

:)
یہ ویسے ہی یاد رکھنا آسان تھا البتہ پیریاڈک عناصر کی ویکنسی یاد رکھنا ایک بڑا مسئلہ ہوا کرتا تھا۔ ان آرگینک کیمسٹری نے بہت رلایا۔ :)
 

الف عین

لائبریرین
ہمیں تو یہ دکھایا گیا تھا
کا کو پہلے توڑ کر پھر کیجیے تقسیم کو
ضرب ہو تو ضرب دو پھر مثبتوں کو جوڑ دو
اس سے ثانوی طور پر ضرب کا درست تلفظ بھی معلوم ہو گیا۔
 

الف عین

لائبریرین
ایک نمونہ لفظ ہم نے ہی بنایا تھا۔ پیام پپرے، Cainozoic eraجیالوجیکل ٹائم سکیل میں جدید ترین دور Era کے ادوار کی تقسیم کے لیے
PIOMPPRE
P=Paleocene
E= Eocene
O=oligocene
M=miocene
Pliocene=P
P=Pleistocene
Recent=R
 
حروفِ جر کا شعر یاد آ گیا جو دادا نے یاد کروایا تھا۔

بَا و تَا و کَاف و لَام و وَاو مُنْذُ و مُذْ خَلَا
رُبَّ حَاشَا مِنْ عَدَا فِيْ عَنْ عَلٰی حَتّٰی اِلٰی
 
ایک نمونہ لفظ ہم نے ہی بنایا تھا۔ پیام پپرے، Cainozoic eraجیالوجیکل ٹائم سکیل میں جدید ترین دور Era کے ادوار کی تقسیم کے لیے
PIOMPPRE
P=Paleocene
E= Eocene
O=oligocene
M=miocene
Pliocene=P
P=Pleistocene
Recent=R
معلومات میں اضافہ ہوا یہ نیا طریقہ معلوم ہوا یاد کرنے کیلئے
 
Top