انٹرویو محمد احمد کا انٹرویو
- صاحب لڑی جاسمن
- تاریخ ابتداء
محمداحمد
لائبریرین
ان شاء اللہ سب ساتھ ہی ہوں گے وہاں!
بس اللہ ہمیں توفیق دے کہ ہم اُس کی اور اُس کے رسول صلی اللہ علیہ وسلم کی اطاعت کی بھرپور کوشش کریں۔ آمین۔
اے خان
محفلین
صوابی جو کہ چھوٹا سا شہر ہے کے مقابلے کراچی خرچ میں سستا ہے، کھانے پینے، پہنے ،البتہ یہاں چپل مہنگے ہیں،
اے خان
محفلین
آپ نے پہلے بھی ذکر کیا تھا لیکن کہاں اب یاد نہیں
محمداحمد
لائبریرین
یوں سمجھ لیجے کہ انسان کو اللہ نے سوچنے سمجھنے کے ساتھ ساتھ محسوس کرنے کی صلاحیتیں بھی دی ہیں۔ ان احساسات کی بدولت وہ لطیف احساسات کو سمجھ سکتا ہے۔محبت بھی ایک لطیف جذبہ ہے۔ ہر شخص محبت کا خواہاں ہوتا ہے اور جسے محبت ملتی ہے وہ اسے لوٹانے کے لئے بھی بے چین ہوتا ہے۔ البتہ غیر فطری طور پر کچھ لوگ بچپن ہی سے محبت سے محروم کر دیے جاتےہیں تو پھر وہ دنیا کو بدلے میں محبت نہیں دے پاتے۔ تاہم یہ سب فطری نہیں ہوتا۔ محبت ملنے پر پتھر دل بھی پگھل جاتے ہیں۔
اُمید ہے کہ میں کچھ نہ کچھ بات سمجھا پایا ہوں گا۔
محمداحمد
لائبریرین
یہ سب فطری ہے۔
کسی کتاب کے مطالعے کا یہ مطلب ہرگز نہیں ہوتا کہ وہ ہمیں حرف بہ حرف یاد رہے گی۔ یا واقعات ایک ترتیب سے ہمارے ذہن میں رہیں گے۔ ہم مطالعے سے ایک تاثر لیتے ہیں۔ اپنے ذہن میں کہیں کسی بات پر ٹک مارک کرتے ہیں۔ کسی بات پر خطِ تنسیخ پھیر دیتے ہیں اور آگے بڑھ جاتے ہیں۔
قلعہ جنگی مجھے بھی اتنی ہی یاد ہے جتنی آپ کو یاد ہے۔ لیکن اس کتاب سے ایک تاثر ملتا ہے اور وہ یہ ہے کہ جنگ کوئی اچھی چیز نہیں ہے۔ اور بطورِ انسان جنگ ہمیشہ مشکلات ہی پیدا کرتی ہے۔ آپ نے دیکھا ہوگا کہ اس ناول میں صرف واقعات کا ذکر تھا۔ نظریات کا ذکر نہیں تھا۔ اس سے یہ پتہ چلتا ہے کہ مصنف جنگ کی ہولناکی کو تصویر کرنا چاہتا ہے اور کسی نظریے کے تحت جنگ کو جائز قرار دینے سے گریز کرتا ہے۔
اسی طرح اگر آپ نسیم حجازی کے ناول پڑھیں تو وہاں آپ کو رومان کے پہلو میں نظریہ بھی نظر آئے گا اور کہیں کہیں جنگ کو گلوریفائی بھی کیا جائے گا۔ نظریات ہمارے پرسپکیٹو کو بد ل دیتے ہیں ۔ تاہم اگر آپ نظریات کو نظر انداز کر دیں تو جنگ سے زیادہ کریہہ چیز شاید ہی کوئی ہو۔ یہی تارڑ صاحب نے ثابت کرنے کی کوشش کی ہے۔ میری ناقص رائے میں۔
محمداحمد
لائبریرین
محفل پر ہی کیا ہو شاید۔
جاسمن
لائبریرین
گویا آپ اپنی طرح کے لوگ پسند کرتے ہیں؟
اے خان
محفلین
شکر الحمد اللہ کہ محفل برخاست ہونے سے پہلے ہی جواب آ گئے،
بہت ہی خوبصورت انداز میں جوابات
محمداحمد
لائبریرین
گُلِ یاسمیں
لائبریرین
محمد احمد بھیا
ہمارے ذہن میں بھی سوال آیا۔ اجازت ہو تو پوچھ لیں
1۔کیا آپ اپنی شاعری میں وہ سب لکھ پاتے ہیں جو دل میں ہوتا ہے، یا کچھ احساسات ہمیشہ لفظوں سے باہر ہی رہ جاتے ہیں؟
2۔آپ کے لیے سب سے مشکل لمحہ کون سا ہوتا ہے — جذبہ محسوس کرنا یا اس جذبے کو لفظوں میں ڈھالنا؟
3۔اگر آپ کو ایک دن کے لیے اپنی کسی نظم یا غزل کا کردار بننا پڑے، تو کس کا انتخاب کریں گے اور کیوں؟
4۔جب آپ ایک غزل یا نظم مکمل کرتے ہیں، تو کیا آپ کو اس میں اپنی روح جھلکتی نظر آتی ہے یا صرف ایک تخلیق کا اطمینان محسوس ہوتا ہے؟
5۔کبھی ایسا ہوا کہ کسی ادھورے شعر یا خیال نے آپ کا پیچھا برسوں تک کیا ہو؟
6۔اگر زندگی ایک نظم ہوتی، تو اس کا عنوان آپ کیا رکھتے؟
ہمارے ذہن میں بھی سوال آیا۔ اجازت ہو تو پوچھ لیں
1۔کیا آپ اپنی شاعری میں وہ سب لکھ پاتے ہیں جو دل میں ہوتا ہے، یا کچھ احساسات ہمیشہ لفظوں سے باہر ہی رہ جاتے ہیں؟
2۔آپ کے لیے سب سے مشکل لمحہ کون سا ہوتا ہے — جذبہ محسوس کرنا یا اس جذبے کو لفظوں میں ڈھالنا؟
3۔اگر آپ کو ایک دن کے لیے اپنی کسی نظم یا غزل کا کردار بننا پڑے، تو کس کا انتخاب کریں گے اور کیوں؟
4۔جب آپ ایک غزل یا نظم مکمل کرتے ہیں، تو کیا آپ کو اس میں اپنی روح جھلکتی نظر آتی ہے یا صرف ایک تخلیق کا اطمینان محسوس ہوتا ہے؟
5۔کبھی ایسا ہوا کہ کسی ادھورے شعر یا خیال نے آپ کا پیچھا برسوں تک کیا ہو؟
6۔اگر زندگی ایک نظم ہوتی، تو اس کا عنوان آپ کیا رکھتے؟
محمداحمد
لائبریرین
ارے اجازت کی کیا ضرورت!
شاعر احساسات کا ایک بہت قلیل حصہ اپنی شاعری میں سمو پاتا ہے۔ اس کی کئی ایک وجوہات ہوتی ہیں۔ ایک تو یہ کہ ہر بات ایسی لطیف نہیں ہوتی کہ جس کو نظم کیا جا سکے یا جو قاری کے احساسات سے بھی ریلیٹ کر سکے۔ بہت سی باتیں انتہائی نجی نوعیت کی ہوتی ہیں۔ شاعری کے شو کیس میں شاعر صرف وہ چیزیں سجاتا ہے جو احساسات میں لطیف ہوں اور منفرد ہوں اور کسی حد تک آفاقی ہوں تاکہ قاری بھی اپنے آپ کو اُس سے جوڑ سکے۔ ورنہ المعنی فی بطنِ شاعر والا معاملہ بھی ہو جاتا ہے۔
اکثر شاعر خود دار بھی ہوتے ہیں، سو وہ اپنی انا کو بھی بچاتے ہیں۔ اپنے راز بھی ہر کوئی سرِ عام نہیں رکھنا چاہتا۔ بس یوں سمجھیے کہ شاعری شاعر کے دروں کی بس ایک جھلک دکھاتی ہے۔ اُس میں شاعر کا اپنا انتخاب ہوتا ہے کہ کیا بات بتائی جائے اور کیا نہیں۔
بقول جمال احسانی:
جمال کھیل نہیں ہے کوئی غزل کہنا
کہ ایک بات بتانی ہے، اِک چھپانی ہے
احساسات تو انسان کے فطری ہی ہوتے ہیں، اگر بندہ بے حسی کے اسٹیج پر نہ پہنچ جائے تو۔ جذبے کو لفظوں میں ڈھالنا مشکل نہیں تو پیچیدہ ضرور ہوتا ہے۔ البتہ کبھی کبھی اشعار اوپر سے بنے بنائے بھی اُترتے ہیں، لیکن ایسا کم ہی ہوتا ہے۔
یاز
محفلین
کمال است
محمداحمد
لائبریرین
غزل تو ایک بالکل الگ چیز ہے۔ ہر شعر میں ایک الگ بات ہوتی ہے اور ایک مضمون ہوتا ہے۔ کردار بھی بدل سکتے ہیں۔ نظم میں البتہ ایک تسلسل ہوتا ہے۔ نظمیں چونکہ میری ہی ہیں تو اُس کے پس منظر میں میری ذات تو ہوتی ہے، البتہ کہیں کہیں زیبِ داستان بھی نظر آتی ہے۔ اگر ایک نظم کا نام دوں تو "آنگن"، اور اگر ایک افسانے کا نام دوں تو "سلسلہ تکلم کا"۔ البتہ ادب کو آپ سچی کہانیوں کے بجائے فکشن کے زمرے میں رکھیں تو زیادہ مناسب رہتا ہے۔
کبھی کبھی تو ہم اپنی تخلیق میں کسی ایک بات کے بھی کسی خفیف پہلو کی طرف اشارہ کرتے ہیں۔ سو روح کا جھلکنا شاذ ہی ہوتا ہے۔ البتہ اچھی تخلیق کے بعد اطمینان البتہ ضرور ہوتا ہے۔
کچھ اشعار ہوتے ہیں ایسے۔ مثلاً کسی غزل کے دو ہی شعر ہوئے اور غزل مکمل نہیں ہوئی۔ یا کسی وجہ سے وہ اشعار سرِ عام پیش نہیں کیے۔ پھر جب ہم اپنی بیاض دیکھتے ہیں تو ادھوری چیزیں ہم سے توجہ مانگتی ہے۔ البتہ کسی غزل یا نظم کی فضاء میں پھر سے داخل ہونا ایک مشکل کام ہوتا ہے۔
محمداحمد
لائبریرین
زندگی کی نظم کا عنوان "زندگی" سے بڑھ کر اور کیا ہو سکتا ہے۔
احمد فراز کہتے ہیں:
بارہا ، دل نے یہ آواز سُنی اور چاہا
مان لوں مجھ سے جو وجدان میرا کہتا ہے
لیکن اِس عجز سے ہارا میرے فن کا جادُو
چاند کو چاند سے بڑھ کر کوئی کیا کہتا ہے
محمداحمد
لائبریرین
گُلِ یاسمیں
لائبریرین
گجرات جا رہے ہیں کیا؟ٹھیک ہے تو پھر چپل کراچی سے لے چلیں گے۔
