انٹرویو محمد احمد کا انٹرویو
- صاحب لڑی جاسمن
- تاریخ ابتداء
محمداحمد
لائبریرین
آمین یا رب العالمین!
محمداحمد
لائبریرین
سوال نمبر 5 تک کے جواب میں نے ارسال کر دیے تھے۔ اقتباس میں اس لئے شامل کر دیا کہ اگر سوال اس سے متعلقہ اور مجھ سے غیر متعلقہ ہے۔
ویسے آپ یہ اردو کی گنتی کیسے لکھتے ہیں؟
ہاہاہاہا۔۔۔۔! مجھے بھلا ڈرنے کی کیا ضرورت! میں نے تو اب شاعری ہی چھوڑ دی ہے۔
ویسے نین بھائی بہت اچھے آدمی ہیں، لیکن ان کاقلم بہت تیزدھار ہے، اس سے بچ کر رہنا سب کی اپنی اپنی ذمہ داری ہے۔ : )اپنی بہت ساری غزلیں مجھے پسند ہیں، کسی ایک غزل کا انتخاب مشکل ہے۔ البتہ اسے خود پسندی یا خود ستائشی پر محمول نہ کیا جائے۔
آپ کی فرمائش پر ایک غزل پیش کر رہا ہوں۔ یہ اوائل عمری کی غزل ہے اور اُسی قسم کے خیالات کی ترجمانی کرتی ہے۔
اے خان کو ضرور پسند آئے گی۔ صحرا صحرا دوپہریں ہیں، بادل بادل شام
دل نگری کی رات اداسی، چنچل چنچل شام
ڈالی ڈالی پھول ہیں رقصاں، دریا دریا موج
تتلی تتلی نقش ہیں رنگیں، کومل کومل شام
رنگِ جنوں دل دیوانے پر دید کے پیاسے نین
تیری گلی، تیری دہلیزیں، پاگل پاگل شام
نین ہیں کس کے، یاد ہے کس کی، کس کے ہیں آنسو
کس کی آنکھوں کا تحفہ ہیں، کاجل کاجل شام
رات کی رانی، اوس کا پانی، جگنو ، سرد ہوا
مُسکاتی، خوشبو مہکاتی، جنگل جنگل شام
ڈوبتا سورج، سونا رستہ، آس کے بجھتے دیپ
مایوسی کی گرد میں لپٹی اُتری پل پل شام
رنگ سنہرا، دھوپ سا اُس کا، گیسو جیسے رات
چاند سا اُجلا اُجلا چہرہ، اُس کا آنچل شام
خواب میں جب سے آیا ہے وہ، سوچوں میں گم ہوں
کیا ہو جو تعبیر بتانے آجائے کل شام
احمد کوئی نظم سُناؤ کچھ تو وقت کٹے
تنہا تنہا دل بھی ہے اور بوجھل بوجھل شام
محمداحمد
محمداحمد
لائبریرین
چونکہ میری رائے معتبر اور وزنی ہوتی ہے اس لئے میں آپ کو میر کا ہم پلہ سمجھتا ہوں، کوئی بعید نہیں کہ غالب بھی آپ سے اصلاح لینے آتے ہوں۔ ایسا کہنے سے غالب کو بھی اس خاکسار کا ہم پلہ ہونے کا شرف مل سکتا ہے۔
اب اگر کسی فارسی دان کو حاجیوں والی مثال یاد آئے تو ہم ذمہ دار نہیں ہیں۔
: )
اے خان
محفلین
واہ احمد بھائی کیا خوب لکھا ہے. ❤️سوال نمبر 5 تک کے جواب میں نے ارسال کر دیے تھے۔ اقتباس میں اس لئے شامل کر دیا کہ اگر سوال اس سے متعلقہ اور مجھ سے غیر متعلقہ ہے۔
ویسے آپ یہ اردو کی گنتی کیسے لکھتے ہیں؟
ہاہاہاہا۔۔۔۔! مجھے بھلا ڈرنے کی کیا ضرورت! میں نے تو اب شاعری ہی چھوڑ دی ہے۔
اپنی بہت ساری غزلیں مجھے پسند ہیں، کسی ایک غزل کا انتخاب مشکل ہے۔ البتہ اسے خود پسندی یا خود ستائشی پر محمول نہ کیا جائے۔
آپ کی فرمائش پر ایک غزل پیش کر رہا ہوں۔ یہ اوائل عمری کی غزل ہے اور اُسی قسم کے خیالات کی ترجمانی کرتی ہے۔
صحرا صحرا دوپہریں ہیں، بادل بادل شام
دل نگری کی رات اداسی، چنچل چنچل شام
ڈالی ڈالی پھول ہیں رقصاں، دریا دریا موج
تتلی تتلی نقش ہیں رنگیں، کومل کومل شام
رنگِ جنوں دل دیوانے پر دید کے پیاسے نین
تیری گلی، تیری دہلیزیں، پاگل پاگل شام
نین ہیں کس کے، یاد ہے کس کی، کس کے ہیں آنسو
کس کی آنکھوں کا تحفہ ہیں، کاجل کاجل شام
رات کی رانی، اوس کا پانی، جگنو ، سرد ہوا
مُسکاتی، خوشبو مہکاتی، جنگل جنگل شام
ڈوبتا سورج، سونا رستہ، آس کے بجھتے دیپ
مایوسی کی گرد میں لپٹی اُتری پل پل شام
رنگ سنہرا، دھوپ سا اُس کا، گیسو جیسے رات
چاند سا اُجلا اُجلا چہرہ، اُس کا آنچل شام
خواب میں جب سے آیا ہے وہ، سوچوں میں گم ہوں
کیا ہو جو تعبیر بتانے آجائے کل شام
احمد کوئی نظم سُناؤ کچھ تو وقت کٹے
تنہا تنہا دل بھی ہے اور بوجھل بوجھل شام
محمداحمد
رنگ سنہرا، دھوپ سا اُس کا، گیسو جیسے رات
چاند سا اُجلا اُجلا چہرہ، اُس کا آنچل شام
واہ
نیرنگ خیال
لائبریرین
بے شک۔۔۔ اس معصوم۔۔۔ بلکہ وہ ابن سعید بھائی کے بقول۔۔۔ خالی رنگیں۔۔۔۔۔ جو چاہے جیسے چاہے لکھیے۔۔۔۔۔ بے فکر ہو کر لکھیے۔۔۔ وہ گلاب کو جو بھی کہا جائے وغیرہ وغیرہ۔۔۔۔ ہوہوہوہوہوہوہوہو
آپ کے جواب سے لگ رہا ہےکہ آپ مستقبل میں بھی رابطہ رکھنا چاہتے ہیں۔۔۔ تیز دھار سے کیا مراد ہے؟کیا نیرنگ کسی قصائی کی چھری کو سیاہی میں ڈبو کر لکھ رہا ہے؟ ہوہوہوہوہہووہاہاہاہا۔۔۔۔! مجھے بھلا ڈرنے کی کیا ضرورت! میں نے تو اب شاعری ہی چھوڑ دی ہے۔
نیرنگ خیال
لائبریرین
اے خان ! تیری پسند تو احمد بھائی کو بھی پتا ہے۔۔۔۔ اللہ اللہآپ کی فرمائش پر ایک غزل پیش کر رہا ہوں۔ یہ اوائل عمری کی غزل ہے اور اُسی قسم کے خیالات کی ترجمانی کرتی ہے۔
ظہیراحمدظہیر
لائبریرین
اسی بات کو حاجی مقصود الہٰی یو ں کہتے ہیں کہ ۔۔۔۔ چھری ، چاقو ، ٹوکا ،چاپڑ ،بُگدا جو بھی کہاجائے وغیرہ وغیرہ۔۔۔۔
نہیں ایسی کوئی بات نہیں ۔ آپ کیوں قصائی کی چھری استعمال کریں گے۔ آپ ماشاء اللہ ان اسلحہ جات معاملات میں خود کفیل ہیں ۔
بلکہ گمان غالب ہے کہ قصائی حضرات خود بوقتِ ضرورت آپ کے درِدولت پر ایزی لوڈ کے لیے حاضری دیتے ہوں گے۔
مریم افتخار
محفلین
محمداحمد بھائی!
یہ سبھی سوالات اپنے جوابات کے متقاضی ہیں۔ نیز ووٹ بھی دھرے کا دھرا آپ کی جیب میں پڑا ہے۔ کیا آپ محفل پر صرف نان پروڈکٹو کاموں کے لیے تشریف لاتے ہیں!!!
نیرنگ خیال
لائبریرین
کوچہ آلکساں کے باسیوں پر اتنا تازہ الزام ۔۔۔۔
محمداحمد
لائبریرین
محمداحمد بھائی!
یہ سبھی سوالات اپنے جوابات کے متقاضی ہیں۔ نیز ووٹ بھی دھرے کا دھرا آپ کی جیب میں پڑا ہے۔ کیا آپ محفل پر صرف نان پروڈکٹو کاموں کے لیے تشریف لاتے ہیں!!!
محفل پر آتا ہوں تو الیکشن کیمپین والے گھیر لیتے ہیں۔ یا بے خیالی میں کسی صد صفحاتی لڑی کے پچیس تیس صفحات پڑھنے بیٹھ جاتا ہوں۔
تفنن برطرف! آج کل ذہنی یکسوئی بالکل بھی میسر نہیں ہے۔ بس جیسے تیسے گزارا ہو رہا ہے۔
ان شاء اللہ جلد کچھ نہ کچھ عرض کرنے کی کوشش کرتا ہوں۔
ان شاء اللہ جلد کچھ نہ کچھ عرض کرنے کی کوشش کرتا ہوں۔
محمداحمد
لائبریرین
فی الحال فیمیلی ممبرز میں میرے ساتھ میری والدہ ہیں۔ میری شریکِ حیات اور میرے تین پیارے پیارے بچے۔
کوئی ایسی پسندیدہ ایکٹویٹی : اردو محفل اور کچھ سوشل میڈیا فورمز اگر کچھ خاص چل رہا ہو۔ تب ۔ ویسے جلدی جلدی کام نمٹانے کا رواج آج تک ہماری طرف نہیں پڑا۔
لٹریچر سے پہلا تعارف کیسے ہوا یہ بات تو کہنا شاید مشکل ہے۔ سب سے پہلے تو گھر پر کچھ کتابیں ہمارے ابا حضور کی تھیں۔ ان میں اقبال کی بانگِ درا وغیرہ اور ضمیر جعفری کی مزاحیہ شاعری کی کتاب، اور کچھ دینی کتابیں۔ سو بانگِ درا میں نے کافی چھوٹی عمر میں پڑھی اور چونکہ اس میں بچوں کی نظمیں بھی ہیں تو اس میں ہمیں دلچسپی بھی محسوس ہوئی۔ ویسے نصابی کتابوں میں سب سے پہلے نظمیں، ڈرامے اور کہانی نما اسباق پڑھ لیا کرتا تھا۔ حتیٰ کہ سیشن شروع ہونے سے بھی پہلے۔ پھر جب سییشن شروع ہوتا تو باقی بورنگ اسباق اساتذہ پڑھاتے۔
بچپن میں باقاعدہ تو شعر میں نے کبھی نہیں کہا البتہ دوستوں میں بیٹھ کر مزاحیہ اشعار فی البدیہہ کہہ لیا کرتا تھا اور ہنسنے ہنسانے کا اچھا انتظام ہو جاتا تھا۔ شاید سیکنڈری کلاس میں تھا تب میں نے ایک باقاعدہ غزل لکھی۔ اور وہ شاید میں نے اپنی بہن کو دکھائی یا اُنہوں نے خود دیکھی تو انہوں نے اسے بہت سراہا بھی اور گھر والوں کی توجہ بھی اس طرف مبذول کروائی۔ غزل کے مضامین کافی سیدھے سادے اور اصلاحی قسم کے تھے تو کسی قسم کی سرزنش نہیں ہوئی۔ تب مجھے لگا کہ میں یہ کام اوروں سے بہتر کر سکتا ہوں۔ ویسے تو خیر اور بھی بہت سے کام تھے۔
عمر کی بہاریں کئی ایک دیکھی ہیں۔ اب کیا بتائیں۔
یوں سمجھیے کہ اب بس چل چلاؤ ہی ہے۔ اخیر ہو گئے غفلت میں دن جوانی کے
بہار عمر ہوئی کب خزاں نہیں معلوم
حیدر علی آتش
زیادہ تر حال ہی میں رہتا ہوں۔ پلاننگ مستقبل کی کرتا رہتا ہوں (حالانکہ اس سے فرق تو پڑتا نہیں کوئی)، ماضی کو رشک کی نظر سے البتہ ضرور دیکھتا رہتا ہوں۔
ع۔ وہ دن ہوا ہوئے کہ پسینہ گلاب تھا
وغیرہ وغیرہ۔
اگر ٹائم ٹریول کا موقع ملا تو ماضی کے بجائے مستقبل میں جانے کی کوشش کروں گا۔ اور رتھ پر تشریف فرما ہو کر جنت میں پہنچنے کا قصد کروں گا۔
اب اس میں کیوں کا جواب تو واضح ہی ہے۔
محمداحمد
لائبریرین
اگر اتنے پیسے آ جائیں، جتنے مجھے چاہیے! بڑا عجیب گورکھ دھندے والا سوال ہے۔
جب اُتنے پیسے آ جائیں گے جتنے مجھے چاہیے ہوں گے، تو خود بخود میرا معیار اوپر ہو جائے گا اور میں 99 کے پھیر کا شکار ہو سکتا ہوں۔ پیسے بس اُتنے اچھے ہیں کہ عزت کے ساتھ مناسب انداز میں ضروریاتِ زندگی پوری ہو جائیںں۔ رہا آئیڈیل دن تو وہ ہلکی پھلکی شاپنگ یا ڈنر کے ساتھ بچوں کے ساتھ یا دوستوں کے ساتھ گزارا جا سکتا ہے۔ اور اُس سے بھی زیادہ آئیڈیل دن یہ بھی ہو سکتا ہے کہ بندہ گھر پر ہو۔ اور نہ تو کوئی کام ہو اور نہ کوئی فکر ہو۔ شعر کہنے کی کیفیت عام کیفیت سے بہت مختلف ہوتی ہے۔ تب جب آپ پہلی بار شعر کہنے کے عمل میں ہوتے ہیں۔ یعنی جب کوئی غزل نازل یا وارد ہو رہی ہو تب۔ اس میں جو ضروری اجزاء درکار ہیں، وہ یہ ہیں کہ فرصت ہو، کسی حد تک تنہائی ہو، طبیعت شعر گوئی کی طرف مائل ہو، اور فکر با آسانی زمین و آسمان کے چکر لگا سکتی ہو۔ اگر ایسے میں کوئی وارداتِ قلبی بھی عنقریب گزری ہو تو سونے پر سہاگہ! البتہ یہ سب پہلی بار شعر کہنے کے لئے ہے۔ بعد میں کرافٹنگ وغیرہ کے لئے اس سب کی ضرورت نہیں ہوتی۔ اور وہ لوگ جو شعر کہتے ہی کرافٹنگ کی مدد سے ہیں، اُن کے لئے ان سب اجزاء کی ضرورت بھی نہیں ہوتی۔ البتہ یہ سب پرانی باتیں ہیں۔ اب تو کافی عرصے سے کوئی شعر نہیں کہا۔ نہ ہی فی الحال ارادہ ہے۔
آرٹ ورک سے مطمئن ہونے کی جہاں تک بات ہے تو میں شعر یا نثر کے تناظر میں ہی بات کر سکتا ہوں کہ سب سے اہم چیز ہے خیال۔ پھر یہ کہ آپ نے اس خیال کو ایگزیکیوٹ کتنی بہتر طریقے سے کیا ہے۔ یعنی کیا کہا ہے، اور کیسے کہا ہے۔ اگر خیال میں ہی جان نہیں ہے تو کتنی ہی کرافٹنگ کر لیں۔ آپ کی تسلی نہیں ہوگی۔ کبھی کبھی البتہ یوں بھی ہوتا ہے کہ خیال میں تو جان ہوتی ہے لیکن آپ کسی وجہ سے خیال کو اظہار میں لانے میں دقت محسوس کرتے ہیں۔ جس کی وجہ مناسب ماحول کا نہ ہونا، یہ ذہن کا آسودہ اور فارغ نہ ہونا بھی ہو سکتا ہے۔ جب یہ سارے فیکٹر مل کر کام کرتے ہیں تب ہی تسلی ہوتی ہے۔ پھر یہ کہ اگر آپ معیار کو فوکس کرتے ہیں تو پھر آپ کو بہت سا کام رد کرنا پڑتا ہے۔ جو اوسط بھی ہو سکتا ہے۔ یعنی معیار کو یقینی بنانے کے لئے سیلیکشن آف سیلیکشن کی پالیسی اپنانی پڑتی ہے۔ یعنی پہلے آمدہ شکل، پھر اُس میں سے انتخاب اور پھر اُس میں سے بھی انتخاب! اگر اس پراسس کے بعد بھی اگر کوئی تحریر یا شاعری باقی بچ جاتی ہے تو وہ بہرکیف کچھ نہ کچھ معنی رکھتی ہے۔ چاہے دُنیا اُسے نہ بھی سراہے لیکن آپ کے لئے اُس کو ہر بار دیکھنا یا پڑھنا دلی اطمینان کا باعث ہوتا ہے۔
ظہیراحمدظہیر
لائبریرین
احمد بھائی ، اللہ کے واسطے مجھے ضرور ساتھ لے کر جائیے گا۔ اکیلے مت جائیے گا۔
ظہیراحمدظہیر
لائبریرین
زبردست ، زبردست ، زبردست!!!!!اگر اتنے پیسے آ جائیں، جتنے مجھے چاہیے! بڑا عجیب گورکھ دھندے والا سوال ہے۔
شعر کہنے کی کیفیت عام کیفیت سے بہت مختلف ہوتی ہے۔ تب جب آپ پہلی بار شعر کہنے کے عمل میں ہوتے ہیں۔ یعنی جب کوئی غزل نازل یا وارد ہو رہی ہو تب۔ اس میں جو ضروری اجزاء درکار ہیں، وہ یہ ہیں کہ فرصت ہو، کسی حد تک تنہائی ہو، طبیعت شعر گوئی کی طرف مائل ہو، اور فکر با آسانی زمین و آسمان کے چکر لگا سکتی ہو۔ اگر ایسے میں کوئی وارداتِ قلبی بھی عنقریب گزری ہو تو سونے پر سہاگہ! البتہ یہ سب پہلی بار شعر کہنے کے لئے ہے۔ بعد میں کرافٹنگ وغیرہ کے لئے اس سب کی ضرورت نہیں ہوتی۔ اور وہ لوگ جو شعر کہتے ہی کرافٹنگ کی مدد سے ہیں، اُن کے لئے ان سب اجزاء کی ضرورت بھی نہیں ہوتی۔ البتہ یہ سب پرانی باتیں ہیں۔ اب تو کافی عرصے سے کوئی شعر نہیں کہا۔ نہ ہی فی الحال ارادہ ہے۔
آرٹ ورک سے مطمئن ہونے کی جہاں تک بات ہے تو میں شعر یا نثر کے تناظر میں ہی بات کر سکتا ہوں کہ سب سے اہم چیز ہے خیال۔ پھر یہ کہ آپ نے اس خیال کو ایگزیکیوٹ کتنی بہتر طریقے سے کیا ہے۔ یعنی کیا کہا ہے، اور کیسے کہا ہے۔ اگر خیال میں ہی جان نہیں ہے تو کتنی ہی کرافٹنگ کر لیں۔ آپ کی تسلی نہیں ہوگی۔ کبھی کبھی البتہ یوں بھی ہوتا ہے کہ خیال میں تو جان ہوتی ہے لیکن آپ کسی وجہ سے خیال کو اظہار میں لانے میں دقت محسوس کرتے ہیں۔ جس کی وجہ مناسب ماحول کا نہ ہونا، یہ ذہن کا آسودہ اور فارغ نہ ہونا بھی ہو سکتا ہے۔ جب یہ سارے فیکٹر مل کر کام کرتے ہیں تب ہی تسلی ہوتی ہے۔ پھر یہ کہ اگر آپ معیار کو فوکس کرتے ہیں تو پھر آپ کو بہت سا کام رد کرنا پڑتا ہے۔ جو اوسط بھی ہو سکتا ہے۔ یعنی معیار کو یقینی بنانے کے لئے سیلیکشن آف سیلیکشن کی پالیسی اپنانی پڑتی ہے۔ یعنی پہلے آمدہ شکل، پھر اُس میں سے انتخاب اور پھر اُس میں سے بھی انتخاب! اگر اس پراسس کے بعد بھی اگر کوئی تحریر یا شاعری باقی بچ جاتی ہے تو وہ بہرکیف کچھ نہ کچھ معنی رکھتی ہے۔ چاہے دُنیا اُسے نہ بھی سراہے لیکن آپ کے لئے اُس کو ہر بار دیکھنا یا پڑھنا دلی اطمینان کا باعث ہوتا ہے۔
آپ نےتو آج میرے پسندیدہ موضوع پر اتنا اچھا لکھ ڈالا ۔ یہ سوال جس نے بھی پوچھا تھا اس کا شکریہ!
کاش میں اس پر طویل تبصرہ کرسکتا اور آپ سے مکالمہ کرسکتا ۔ لیکن صورتحال یہ ہے کہ وقت کم ہے اور کرنے کے کام بہت سارے۔ خیر ، یار زندہ صحبت باقی!
دو دن کے لیے دوسرے شہر کسی کے ہاں مہمان بن کر جانا ہے ۔ کمپیوٹر پر بیٹھنے کا موقع نہیں ملے گا۔ ایک یا دو لڑیاں آج شروع کرنا چاہتا ہوں کہ محفل کی آنکھیں بوجھل ہوتی جارہی ہیں۔
احمد بھائی زندہ باد!