محفل کے شعرا ء کے خوبصورت کلام کی پیروڈیز

[الف عین]

واہ خلیل میاں واہ۔ بہت سی داد۔
لیکن کیا بات ہے کہ ہمارے معاملے میں ’بڑی دیر سے چپ ہیں‘؟

 

[محمد خلیل الرحمٰن]

واہ خلیل میاں واہ۔ بہت سی داد۔
لیکن کیا بات ہے کہ ہمارے معاملے میں ’بڑی دیر سے چپ ہیں‘؟

پاسِ ادب مانع تھا استادِ محترم۔ اب اجازت مرحمت فرمادی ہے تو کچھ پنجہ آزمائی کرتے ہیں۔

 

[ظہیراحمدظہیر]

سارے برتن مجھے دھونے تھے، kitchen بھی دھویا​

کیوں توقف تھا مرے کلمہء اقرار کے بیچ

ہا ہااہاہاہاہاہ!!!!!!! خلیل بھائی لگتا ہے کہ آپ نے ابھی تک پوری طرح ہتھیار نہیں ڈالے !
بھئی کلمہء اقرار بالکل صاف صاف اور واضح ہونا چاہئے ۔ اس کلمے میں این و آن کی گنجائش نہیں ۔ ​

 

[امین عابد]

وہ آیا میرے پاس بڑے غصے ساتھ
پھر بولا بڑی ادا کے ساتھ چڑھ کے اپنی ناک
دیکھو تم مجھے اپنا شناختی کارڈ

 

[محمد خلیل الرحمٰن]

استادِ پیروڈی جناب محمد خلیل الرحمٰن ۔۔۔۔.۔۔۔۔آپ کا کوئی جوڑ نہیں ہے۔

آپ محفلین کے چہروں پر پھیلی مسکراہٹ ہی ہمارا انعام ہے۔ خوش رہیے

 

[محمد خلیل الرحمٰن]

واہ خلیل میاں واہ۔ بہت سی داد۔
لیکن کیا بات ہے کہ ہمارے معاملے میں ’بڑی دیر سے چپ ہیں‘؟

سر تسلیم خم ہے

استادِ محترم کی خاص فرمائش پر پیشِ خدمت ہے ان کے خوبصورت کلام کی پیروڈی

یہ جتانا ضروری اس لیے سمجھا کہ یوں ہماری ہمت نہ ہوتی کہ استاد کی غزل کا تیا پانچہ کرتے۔

دوسری بیوی از محمد خلیل الرحمٰن

ایے نازوں کی پالی، مری اے دوسری بیوی
گو میں ترا پہلا ہوں بڑی دیر سے چُپ ہوں

اتنا سا کوئی چھیڑ دے ، طوفان اُٹھادوں
گو ریت کا ذرّہ ہوں، بڑی دیر سے چُپ ہوں

ہاں یاد ہے اک دن تو میں بولا تھا کوئی لفظ
کہنے کو میں "گویا" ہوں ،بڑی دیر سے چُپ ہوں

کب تک نہ کروں بات ذرا یہ تو بتادے!
"گونگا ہوں نہ بہرہ ہوں، بڑی دیر سے چُپ ہوں"

مانا کہ تو بیوی ہے مری، میں ترا شوہر
انساں ترے جیسا ہوں، بڑی دیر سے چُپ ہوں

باقی جو خواتین ہیں، بہنیں ہیں وہ میری
اتنا ہی تو کہتا ہوں ، بڑی دیر سے چُپ ہوں

جھاڑو ہو کہ برتن ہوں، سبھی کام ہیں "میرے"
چوں بھی نہیں کرتا ہوں ، بڑی دیر سے چُپ ہوں

استاد کی خوبصورت غزل یہاں ملاحظہ فرمائیے

بڑی دیر سے چپ ہوں۔ نذر شاذ

 

[ظہیراحمدظہیر]

کہنے کو میں گویا ہوں ، بڑی دیر سے چپ ہوں

کیا خوبصورت کہا ہے !!! واہ واہ خلیل بھائی!
اللہ آپ کو سلامت رکھے!

 

[محمد خلیل الرحمٰن]

کہنے کو میں گویا ہوں ، بڑی دیر سے چپ ہوں

کیا خوبصورت کہا ہے !!! واہ واہ خلیل بھائی!
اللہ آپ کو سلامت رکھے!

آداب عرض ہے۔ سدا خوش رہیے ظہیر بھائی۔

 

[الف عین]

واہ واہ، اب اسے اگلے شمارے کی زینت بنانا ہی پڑے گا۔

 

[محمد تابش صدیقی]

ایک دفعہ پھر راحیل فاروق بھائی کی خوبصورت غزل ہی ہمارے ہاتھ چڑھی ہے۔
جس کی ایک عدد خوبصورت پیروڈی @عاطف ملک بھائی کر چکے ہیں۔
مخمل میں ٹاٹ کاپیوند میری طرف سے بھی:

"دل نکلتا ہے جان سے آگے"
اُس کے ابا؛ دُکان سے آگے

بولی بیگم، جو پیش و پس دیکھی
بھیج دوں گی جہان سے آگے

ان سے جنت کا رستہ پوچھا تو
بولے اونچے مکان سے آگے

اب تو کھاتے ہیں نوجواں گٹکا
بات نکلی ہے پان سے آگے

چوٹ کا یہ نشان کیسا ہے؟
پوچھنا مت، نشان سے آگے

پاس دھیلا نہیں ہے، تابشؔ کے
سوچ گاڑی، مکان سے آگے​

 

[عظیم]

اب تو کھاتے ہیں نوجواں گٹکا
بات نکلی ہے پان سے آگے

واہ تابش بھائی ۔ آپ تو اچھے خاصے شاعر بن سکتے ہیں ماشاء اللہ ۔

 

[محمد عظیم الدین]

بولی بیگم، جو پیش و پس دیکھی
بھیج دوں گی جہان سے آگے

چوٹ کا یہ نشان کیسا ہے؟
پوچھنا مت، نشان سے آگے

بھئی واہ، بہت خوب

 

[راحیل فاروق]

سبحان اللہ، تابشؔ بھائی۔ ٹھنڈ پڑ گئی اتنی گرمی میں!

بولی بیگم، جو پیش و پس دیکھی
بھیج دوں گی جہان سے آگے

ابھی بھی لوگ کہتے ہیں کہ مشرقی شاعر حقیقت نگار نہیں ہوتے۔

اب تو کھاتے ہیں نوجواں گٹکا
بات نکلی ہے پان سے آگے

لکھنوی تہذیب کا نوحہ!

چوٹ کا یہ نشان کیسا ہے؟
پوچھنا مت، نشان سے آگے

وعدہ۔ نہ پوچھیں گے نہ کسی پوچھنے دیں گے!

پاس دھیلا نہیں ہے، تابشؔ کے
سوچ گاڑی، مکان سے آگے​

تابشؔ بھائی، کیا اچھا شعر ہے۔ کیا خوب!
---

واہ تابش بھائی ۔ آپ تو اچھے خاصے شاعر بن سکتے ہیں ماشاء اللہ ۔

یہ ہیں۔ بس دادا کا لحاظ کرتے ہیں!

 

[محمد عدنان اکبری نقیبی]

بولی بیگم، جو پیش و پس دیکھی
بھیج دوں گی جہان سے آگے

بہت اعلی

 

[عاطف ملک]

بولی بیگم، جو پیش و پس دیکھی
بھیج دوں گی جہان سے آگے

کمال است

اب تو کھاتے ہیں نوجواں گٹکا
بات نکلی ہے پان سے آگے

کیا تخیل ہے

پاس دھیلا نہیں ہے، تابشؔ کے
سوچ گاڑی، مکان سے آگے

بیت الغزل
اور ابھی بھی کسرِ نفسی کے چکر میں اپنے کلام سے محروم رکھتے ہیں۔ لکھنؤ والے کیا سوچیں گے؟؟

واہ تابش بھائی ۔ آپ تو اچھے خاصے شاعر بن سکتے ہیں ماشاء اللہ ۔

یہ ہیں۔ بس دادا کا لحاظ کرتے ہیں!

میرا بھی یہی خیال ہے
شاعر تو یہ ہیں،لیکن مانتے نہیں۔
ڈھیر ساری داد تابش بھائی!

 

[اکمل زیدی]

ایک دفعہ پھر راحیل فاروق بھائی کی خوبصورت غزل ہی ہمارے ہاتھ چڑھی ہے۔
جس کی ایک عدد خوبصورت پیروڈی @عاطف ملک بھائی کر چکے ہیں۔
مخمل میں ٹاٹ کاپیوند میری طرف سے بھی:

"دل نکلتا ہے جان سے آگے"
اُس کے ابا؛ دُکان سے آگے

بولی بیگم، جو پیش و پس دیکھی
بھیج دوں گی جہان سے آگے

ان سے جنت کا رستہ پوچھا تو
بولے اونچے مکان سے آگے

اب تو کھاتے ہیں نوجواں گٹکا
بات نکلی ہے پان سے آگے

چوٹ کا یہ نشان کیسا ہے؟
پوچھنا مت، نشان سے آگے

پاس دھیلا نہیں ہے، تابشؔ کے
سوچ گاڑی، مکان سے آگے​

 

[عظیم]

یہ ہیں۔ بس دادا کا لحاظ کرتے ہیں!

مجھے بھی مراسلہ لکھنے کے بعد خیال آیا تھا کہ کہیں شاعر ہی نہ ہوں اور مجھ پر ہنستے ہوں کہ یہ کیا کہہ رہا ہے ۔

 

[محمد تابش صدیقی]

واہ تابش بھائی ۔ آپ تو اچھے خاصے شاعر بن سکتے ہیں ماشاء اللہ ۔

شکریہ عظیم بھائی۔ شاعر بننے کے لیے ایک اہم چیز قابلِ ذکر خیالات کا موجود ہونا ہے، اور اس حوالے سے اپنا معاملہ غالب سے تھوڑا ہی مختلف ہے:
آتے ہیں غیب سے "نہ" مضامیں خیال میں
یہ تو احباب سے خیال مستعار لے کر پیوند سے کام چلا لیتا ہوں۔

بھئی واہ، بہت خوب

بہت شکریہ۔

سبحان اللہ، تابشؔ بھائی۔ ٹھنڈ پڑ گئی اتنی گرمی میں!

اور یہاں ٹھنڈ پڑ گئی آپ کی داد سے۔

بہت اعلی

شکریہ۔

کمال است
کیا تخیل ہے
بیت الغزل

محبت آپ کی۔

آداب۔

یہ ہیں۔ بس دادا کا لحاظ کرتے ہیں!

اور ابھی بھی کسرِ نفسی کے چکر میں اپنے کلام سے محروم رکھتے ہیں۔ لکھنؤ والے کیا سوچیں گے؟؟
میرا بھی یہی خیال ہے
شاعر تو یہ ہیں،لیکن مانتے نہیں۔
ڈھیر ساری داد تابش بھائی!

مجھے بھی مراسلہ لکھنے کے بعد خیال آیا تھا کہ کہیں شاعر ہی نہ ہوں اور مجھ پر ہنستے ہوں کہ یہ کیا کہہ رہا ہے ۔

جیسے کھانا پکانا آ جانے سے بندہ باورچی نہیں بن جاتا، اس طرح چار لفظ جوڑ لینے سے شاعر نہیں بن جاتا۔
آپ احباب کے حسنِ ظن پر سراپا سپاس ہوں۔

 

[یوسف سلطان]

پاس دھیلا نہیں ہے، تابشؔ کے
سوچ گاڑی، مکان سے آگے

بہت عمدہ

 

[محمد تابش صدیقی]

پاس دھیلا نہیں ہے، تابشؔ کے
سوچ گاڑی، مکان سے آگے

تابشؔ بھائی، کیا اچھا شعر ہے۔ کیا خوب!

بیت الغزل

بہت عمدہ

تابش کا کنگلا پن دیکھ کر احباب بڑے خوش ہوئے ہیں۔

تفنن برطرف۔ بہت شکریہ یوسف بھائی۔