محب علوی

نبیل

تکنیکی معاون
اب جبکہ اس محفل پر دوسروں کا تعارف تھوک کے حساب سے پیش ہو رہا ہے، ہم نے سوچا کیوں نہ ہم بھی اس کام میں حصہ ڈال لیں۔ ویسے بھی کافی دنوں سے مجھ پر ایک تعارف کا جواب قرض ہے۔ لوگ شکایت کرتے ہیں کہ نبیل گپ شپ کی جانب نہیں آتا۔۔ لیجیے آج آپ کی شکایت رفع کیے دیتے ہیں۔

جب میں نے تعارف لکھنے کا سوچا تو فورم پر ایک ہی منفرد رکن نظر آئے جن کا تعارف کروانے کا مزا آ سکتا ہے اگرچہ یہ منفرد رکن کسی اور کو کہتے ہیں۔ یہ ہیں ہمارے دوست محب علوی! اردو کا شیدائی محب انٹرنیٹ پر اردو مواد کی عدم دستیابی سے نہایت آزردہ تھا اور گرافک امیجز پر مبنی ویب سائٹوں سے اکتا چکا تھا۔ قریب تھا کہ وہ دلبرداشتہ ہو کر انٹرنیٹ کو خیرباد کہہ دیتا کہ یونہی رینڈم سرفنگ کرتے ہوئے وہ محفل فورم پر آن پہنچا۔ اسے یہ سب کچھ خواب سا لگا اور وہ سرف کرتا ہوا کسی اور سائٹ‌ پر نکل گیا۔ پھر اسے کچھ خیال آیا اور وہ بیک بٹن پریس کرتا ہوا واپس محفل فورم پر پہنچا۔ وہاں اسے احساس ہوا کہ یہ سب کچھ حقیقت ہے۔ انٹرنیٹ‌ پر صحیح معنوں میں اردو کی ایک فورم موجود ہے۔ غیر یقینی کے عالم میں اس نے مختلف زمرہ جات دیکھے۔ اور جب اسے یقین ہو گیا تو وہ خوشی سے شیر کی طرح دھاڑا۔۔ لیکن معاً اس کے حلق میں میں بلی کی میاؤں کی آواز برآمد ہوئی۔ محب نے جھینپ کر ادھر ادھر دیکھا۔ کوئی اسے نہیں دیکھ رہا تھا۔ پھر محب نے ایک سٹریپ سلز کی گولی نگلی۔ اس بار محب جو دھاڑا تو محفل واقعی لرز کر رہ گئی۔ سب نے دیکھا کہ کس شیر کی آمد ہے کہ ۔۔۔۔


اور واقعی محب علوی کی آمد کے بعد سے محفل فورم کا رنگ بدل گیا۔ اس کی آمد سے پہلے فورم پر لوگ لیے دیے رہتے تھے۔ محب کے آنے سے ماحول اس قدر بے تکلف ہو گیا کہ لوگ ایک دوسرے سے ابے تبے کرنے لگ گئے۔ فورم پر نئے آنے والوں کو بھی محب نہایت خوشدلی سے خوش آمدید کہتا ہے۔ مرد حضرات کو تو وہ کہتا ہے ٹھیک ٹھیک ہے چلو ادھر بیٹھو لیکن جب کوئی خاتون آ جائیں تو ان کے سامنے قالین ہو جاتے ہیں۔ اس کی باچھیں اتنی کھِل جاتی ہیں کہ یوں لگتا ہے کہ گردن پر بتیسی رکھی ہوئی ہو۔ میں آپ کے لیے چائے بنا دوں جی ۔۔ آپ کے جوتے پالش کر دوں جی ۔۔ ہی ہی ۔۔

محب علوی کے بارے میں بہت کم لوگ یہ جانتے ہیں کہ وہ اپنے علاقے سے تین مرتبہ کونسلر کا الیکشن لڑ چکے ہیں اور ہر مرتبہ اس بری طرح سے ہارے ہیں کہ ان کی ضمانت ضبط ہو گئی تھی۔ محب نے اپنی سیاسی زندگی کی ناکامیوں کا مداوا محفل فورم پر ڈھونڈھنا چاہا اور یہاں اپنی مقبولیت کے ثبوت کے لیے الیکشن مہم چلانی شروع کر دی۔ اور اس مرتبہ واقعی محب نے اپنی الیکشن مہم میں جھنڈے گاڑ دیے۔ محب علوی کی مقبولیت اپنے عروج پر پہنچ گئی۔ لیکن برا ہو ایک حاسد مزاج ایڈمن کا جس کو محب کی یہ مقبولیت کھٹکنے لگی اور اس نے کسی بہانے سے اس الیکشن پراسیس کا ٹینٹوا ہی دبا دیا یعنی اس تھریڈ کو ہی مقفل کر دیا۔ اپنی کامیابی سے اس قدر قریب پہنچنے کے بعد الیکشن سے باہر کیے جانے پر محب شدید تلملایا اور اس نے بحالی جمہوریت کی تحریک شروع کرنے کا اعلان کیا۔ لیکن جب اس نے اپنے رفقاء کار کی جانب نظر ڈالی تو بھونچکا رہ گیا۔ سب لوگ ہنس ہنس کر دوہرے ہو رہے تھے۔ کچھ تو اس ہنسی سے اس قدر بے قابو ہو رہے تھے کہ لیٹ‌ کر ہاتھ پاؤں پٹک رہے تھے۔ پہلے تو محب ہکابکا ہو کر سب کو دیکھتا رہا۔۔ پھر وہ بھی کھلکھلا کر ہنس پڑا۔۔ :haha:

آخر میں میں یہ کہوں گا کہ محب کی صلاحیتوں کے ہم سب معترف ہیں اور امید کرتا ہوں کہ ہمیں ان جیسے مخلص دوست کا ساتھ میسر رہے گا اور ہم ان کی شستہ اردو سے لطف اندوز ہوتے رہیں گے۔
 

شمشاد

لائبریرین
نبیل بھائی پہلے تو ایسے نہ تھے، سب آپ کی صحبت کا اثر لگتا ہے، تو اصل میں خراجِ تحسین تو آپ کو پیش کرنا چاہیے۔
 

دوست

محفلین
ہماری طرف دیکھ کر کیا ہونا ہے اللہ میاں نے بڑے گن دے رکھے ہیں انھیں۔ ویسے ہی چھپا کر رکھتے ہیں۔ کبھی موج میں آئیں تو نظارے کروا دیتے ہیں ورنہ ایسے ہی۔۔۔۔
 

قیصرانی

لائبریرین
زبردست نبیل بھائی، بہت ہی مزے [s:425ebe2078]کا[/s:425ebe2078] کی پوسٹ ہے۔ پر اب محب کا کیا ہوگا، کیونکہ آپ نے دوران پوسٹ بہت سے پردے ہی کھینچ کر ہٹا دیے :D
 
بہت خوب نبیل ، گپ شپ کا آغاز ہی دھماکہ دار کیا ہے اور میاں قرض خواہ نے تو تقاضا قرض کی واپسی کی سبیل نکالنے کا کیا تھا تم نے تو سود سمیت سب ادھار چکتا کردیا۔ تعارف کا سلسلہ تو اتنا چل نکلا ہے کہ میں سوچ رہا ہوں کہ پرچون کی ایک دکان کھول کر تعارف سستے داموں بیچنا شروع کردوں ساتھ میں دو تعارف پر ایک انٹر ویو مفت (‌امن ایمان کی محنت بھی وصول ہو جائے گی :wink: )۔ لوگوں کی شکایت خوب رفع کی اب مجھے زیر بار کر دیا ہے کچھ مدت کے بعد پھر سے ایک اور مضمون لکھ کر نبیل نامہ شروع کرنا پڑے گا۔
میرے منفرد رکن بننے میں ابھی کچھ دیر ہے (ڈیڑھ ہزار پوسٹس کی )ویسے جس منفرد رکن کا میں ذکر کرتا ہوں وہ ‌الیکشن (اور دھاندلی ) کے حوالے سے واقعی منفرد ہے۔ ہائے کیا تصویر کھینچی ہے میری آزردگی کی ۔۔۔۔۔۔۔۔۔۔۔۔۔ اک لمحے کو تو میں بھی کھو گیا ماضی کے جھروکوں میں اور محفل کے ابتدائی دن یاد کرکے لطف اندوز ہو ہی رہا تھا کہ میری نظر دھاڑنے پر پڑی ، پہلے تومیں سمجھا کہ ایک دم نبیل اردو ویب سے کینیا کے جنگلوں کی سیر کو نکل گیا ہے جس کی تصدیق بلی کی میاؤں سے فورا ہوگئی مگر شیر بلی اور پھر شیر کے بیچ میں محب اور سٹریپ سلز کی گولی کا ٹانکا ایسے لگا ہوا تھا کہ میں ایک گہری آہ بھر کر رہ گیا۔ شیر بکری ہوتے محاوروں میں سنا تھا مگر ظالم نبیل نے سب کو بنا کر دکھا بھی دیا پڑھا بھی دیا۔
شیر کی آمد سے ایک کہانی یاد آگئی مجھے مگر سنانے کا خطرہ مول نہیں لوں گا بس نبیل یہ بتا دوں کہ شیر آیا شیر آیا کہہ کر کہیں تم کسی دن مجھے مروانے کا ارادہ تو نہیں رکھتے :p
 

حجاب

محفلین
نبیل نے کہا:
اب جبکہ اس محفل پر دوسروں کا تعارف تھوک کے حساب سے پیش ہو رہا ہے، ہم نے سوچا کیوں نہ ہم بھی اس کام میں حصہ ڈال لیں۔ ویسے بھی کافی دنوں سے مجھ پر ایک تعارف کا جواب قرض ہے۔ لوگ شکایت کرتے ہیں کہ نبیل گپ شپ کی جانب نہیں آتا۔۔ لیجیے آج آپ کی شکایت رفع کیے دیتے ہیں۔

جب میں نے تعارف لکھنے کا سوچا تو فورم پر ایک ہی منفرد رکن نظر آئے جن کا تعارف کروانے کا مزا آ سکتا ہے اگرچہ یہ منفرد رکن کسی اور کو کہتے ہیں۔ یہ ہیں ہمارے دوست محب علوی! اردو کا شیدائی محب انٹرنیٹ پر اردو مواد کی عدم دستیابی سے نہایت آزردہ تھا اور گرافک امیجز پر مبنی ویب سائٹوں سے اکتا چکا تھا۔ قریب تھا کہ وہ دلبرداشتہ ہو کر انٹرنیٹ کو خیرباد کہہ دیتا کہ یونہی رینڈم سرفنگ کرتے ہوئے وہ محفل فورم پر آن پہنچا۔ اسے یہ سب کچھ خواب سا لگا اور وہ سرف کرتا ہوا کسی اور سائٹ‌ پر نکل گیا۔ پھر اسے کچھ خیال آیا اور وہ بیک بٹن پریس کرتا ہوا واپس محفل فورم پر پہنچا۔ وہاں اسے احساس ہوا کہ یہ سب کچھ حقیقت ہے۔ انٹرنیٹ‌ پر صحیح معنوں میں اردو کی ایک فورم موجود ہے۔ غیر یقینی کے عالم میں اس نے مختلف زمرہ جات دیکھے۔ اور جب اسے یقین ہو گیا تو وہ خوشی سے شیر کی طرح دھاڑا۔۔ لیکن معاً اس کے حلق میں میں بلی کی میاؤں کی آواز برآمد ہوئی۔ محب نے جھینپ کر ادھر ادھر دیکھا۔ کوئی اسے نہیں دیکھ رہا تھا۔ پھر محب نے ایک سٹریپ سلز کی گولی نگلی۔ اس بار محب جو دھاڑا تو محفل واقعی لرز کر رہ گئی۔ سب نے دیکھا کہ کس شیر کی آمد ہے کہ ۔۔۔۔


اور واقعی محب علوی کی آمد کے بعد سے محفل فورم کا رنگ بدل گیا۔ اس کی آمد سے پہلے فورم پر لوگ لیے دیے رہتے تھے۔ محب کے آنے سے ماحول اس قدر بے تکلف ہو گیا کہ لوگ ایک دوسرے سے ابے تبے کرنے لگ گئے۔ فورم پر نئے آنے والوں کو بھی محب نہایت خوشدلی سے خوش آمدید کہتا ہے۔ مرد حضرات کو تو وہ کہتا ہے ٹھیک ٹھیک ہے چلو ادھر بیٹھو لیکن جب کوئی خاتون آ جائیں تو ان کے سامنے قالین ہو جاتے ہیں۔ اس کی باچھیں اتنی کھِل جاتی ہیں کہ یوں لگتا ہے کہ گردن پر بتیسی رکھی ہوئی ہو۔ میں آپ کے لیے چائے بنا دوں جی ۔۔ آپ کے جوتے پالش کر دوں جی ۔۔ ہی ہی ۔۔

محب علوی کے بارے میں بہت کم لوگ یہ جانتے ہیں کہ وہ اپنے علاقے سے تین مرتبہ کونسلر کا الیکشن لڑ چکے ہیں اور ہر مرتبہ اس بری طرح سے ہارے ہیں کہ ان کی ضمانت ضبط ہو گئی تھی۔ محب نے اپنی سیاسی زندگی کی ناکامیوں کا مداوا محفل فورم پر ڈھونڈھنا چاہا اور یہاں اپنی مقبولیت کے ثبوت کے لیے الیکشن مہم چلانی شروع کر دی۔ اور اس مرتبہ واقعی محب نے اپنی الیکشن مہم میں جھنڈے گاڑ دیے۔ محب علوی کی مقبولیت اپنے عروج پر پہنچ گئی۔ لیکن برا ہو ایک حاسد مزاج ایڈمن کا جس کو محب کی یہ مقبولیت کھٹکنے لگی اور اس نے کسی بہانے سے اس الیکشن پراسیس کا ٹینٹوا ہی دبا دیا یعنی اس تھریڈ کو ہی مقفل کر دیا۔ اپنی کامیابی سے اس قدر قریب پہنچنے کے بعد الیکشن سے باہر کیے جانے پر محب شدید تلملایا اور اس نے بحالی جمہوریت کی تحریک شروع کرنے کا اعلان کیا۔ لیکن جب اس نے اپنے رفقاء کار کی جانب نظر ڈالی تو بھونچکا رہ گیا۔ سب لوگ ہنس ہنس کر دوہرے ہو رہے تھے۔ کچھ تو اس ہنسی سے اس قدر بے قابو ہو رہے تھے کہ لیٹ‌ کر ہاتھ پاؤں پٹک رہے تھے۔ پہلے تو محب ہکابکا ہو کر سب کو دیکھتا رہا۔۔ پھر وہ بھی کھلکھلا کر ہنس پڑا۔۔ :haha:

آخر میں میں یہ کہوں گا کہ محب کی صلاحیتوں کے ہم سب معترف ہیں اور امید کرتا ہوں کہ ہمیں ان جیسے مخلص دوست کا ساتھ میسر رہے گا اور ہم ان کی شستہ اردو سے لطف اندوز ہوتے رہیں گے۔

:mogambo: واہ کیا بات ہے آپ تو چھا گئے ہیں نبیل محفل پر :p
 

F@rzana

محفلین
واہ نبیل صاحب

بقول سب کے لگتا نہیں کہ آپ کے اندر ‘‘طرم خان‘‘ چھپے ہوئے ہیں
لیکن کہانی والے دھاگے کے بعد اب پھر آپ نے لوہا منوالیا ہے۔۔۔
بہت خوب :lol:
 

شمشاد

لائبریرین
میرا خیال ہے میں بھی میز پر پڑا ہوا قلم اٹھا ہی لوں (شکر کریں کہ میز پر قلم ہی پڑا ہوا ملا ہے، اگر کوئی چاقو چھری یا پستول ہوتا، تو کیا ہوتا)۔ لیکن یاد آیا کہ میں تو نبیل بھائی کے متعلق پہلے ہی لکھ چکا ہوں۔
 

شمشاد

لائبریرین
میں نے ان کا کوئی تعارف وغیرہ نہیں لکھا، اوپر دیکھ لیں دو ایک لائن لکھی ہیں۔ کہ یقین آئے تو کچھ لکھوں۔
 
نبیل بھائی : لگتا ہے کہ محب بھائي مجھ سے ناراض ہیں اور وہ بھی اسی دن سے جب میں نے جشن آزادی کے سلسلے میں کچھ وال پیپرز بنائے تھے اور ایک میں صدر پرویز مشرف صاحب کی تعریف میں بھی بنایا تھا ۔ اور اس دن ہی محب بھائی کا ایک نہایت چھوٹا لیکن پر زور سا پیغام بھی دیکھنے کو ملا کہ میں اس وال پیپر کو ہٹاوں ۔ پر میں اپنی سستی کی وجہ سے وہ نہ ہٹا پایا اور اس دن سے محسوس کرتا ہوں کہ محب بھائي مجھ سے دور دور سے رہتے ہیں ۔ پر آج معلوم ہوا ہے کہ وہ کونسلر کے الیکشن بھی لڑ چکے ہیں تو یہ بات تو پکی ہے کہ ان کی سیاسی وابستگی کسی نہ کسی سیاسی جماعت سے رہی ہو گی اور وہ یقیناً پرویز صاحب سے نفرت کرتے ہیں ۔ میں ان کو بتانا چاہتا ہوں کہ میں کسی بھی قسم کی سیاسی وابستگی نہیں رکھتا اور نان پولیٹیکل نیچر رکھتا ہوں ۔میں نے ابھی تک ووٹینگ میں حصہ نہیں لیا ۔ اور صدر صاحب کی تصویر میں نے اپنے ملک کے صدر کو عزت دینے کے لیے کی تھی نہ کہ صدر صاحب کی ذاتی شخصیت کو ابھارنے کی کوشش کی تھی ۔

مجھے امید ہے کہ محب بھائی ( جن سے میں اس اردو محفل میں ایک مخصوص روحانی وابستگی رکھتا ہوں ) میری یہ صفائی قبول کریں گے ۔
 

شمشاد

لائبریرین
شمیل بھائی اپ بھی کن چکروں میں پڑے ہیں، محب کیوں آپ سے ناراض ہونے لگے۔ اگر واقعی میں ہوں تو ایک تو مجھے بتائیے گا اور دوسرا آپ خود ناراض ہونے کی دھمکی دیجیئے گا۔ ہاں۔ :wink:
 
نبیل نے کہا:
شمیل یار کیوں اپنا خاکہ اڑوانے کے پیچھے پڑے ہوئے ہو؟ :?

نبیل دیکھ لو تمہارے کونسلر کے الیکشن نے مجھے پکا سیاستدان ثابت کردیا ہے اور دوسرا خوش آمدید کے حوالے سے جو لکھا ہے اس پر تو لوگوں نے وہ وہ قصے تراشے ہیں کہ میں دہرا کر خود دیر تک صفائیاں دیتا رہوں گا اس لیے چپ سادھے بیٹھا ہوں۔ ویسے اب میں سوچ رہا ہوں کہ دو تین ماہ تک ایک اور الیکشن لڑ ہی لوں بدنام تو ہو ہی گیا ہوں :wink:
 
Top