محبت کے موضوع پر اشعار!

[شمشاد]

میری فطرت ہی میں شامل ہے محبت کرنا
اور فطرت کبھی تبدیل نہیں ہو سکتی
پرویز ساحر

 

[مومن فرحین]

علاج اپنا کرتے پھر رہے ہو جانے کس کس سے
محبت کر کے دیکھو نا محبت کیوں نہیں کرتے

 

[محمد آصف میؤ]

وہ پاگل تھی محبت میں مگر ایسا تو نہ کرتی
محبت کے نہ ملنے پر مَرا تھوڑی نا جاتا ہے

محمد آصفؔ میؤ

 

[محمد آصف میؤ]

کر کے برباد زندگی میری
عادتیں اس نے ہیں بدلی اپنی

اے محبت تمہارے صدقے میں
وار پھینکی ہے جان بھی اپنی

محمدآصفٓ میؤ

 

[شمشاد]

آغاز محبت سے انجام محبت تک
گزرا ہے جو کچھ ہم پر تم نے بھی سنا ہوگا
دل شاہجہاں پوری

 

[گُلِ یاسمیں]

کسی کے دردِ محبت نے عمر بھر کے لئے
خدا سے مانگ لیا انتخاب کر کے مجھے

 

[سیما علی]

سنا ہے اس کو محبت دعائیں دیتی ہے
جو دل پہ چوٹ تو کھائے مگر گلہ نہ کرے

قتیل شفائی

 

[شمشاد]

محبت بانٹنا سیکھو محبت ہے عطا رب کی
محبت بانٹنے والے طویل العمر ہوتے ہیں
بشیر مہتاب

 

[گُلِ یاسمیں]

محبت کی جھوٹی کہانی پہ روئے
بڑی چوٹ کھائی جوانی پہ روئے

 

[شمشاد]

ہماری زندگی کیا ہے محبت ہی محبت ہے
تمہارا بھی یہی دستور بن جائے تو اچھا ہو
علی ظہیر رضوی لکھنوی

 

[گُلِ یاسمیں]

ہمیں کاش تُم سے محبت نہ ہوتی
کہانی ہماری حقیقت نہ ہوتی

 

[شمشاد]

ہمیں تو ان کی محبت ہے کوئی کچھ سمجھے
ہمارے ساتھ محبت انہیں نہیں تو نہیں
آغا اکبرآبادی

 

[گُلِ یاسمیں]

محبت کرنے والوں کی تجارت بھی انوکھی ہے
منافع چھوڑ دیتے ہیں خسارے بانٹ لیتے ہیں
فیض احمد فیض

 

[شمشاد]

محبت وہیں تک ہے سچی محبت
جہاں تک کوئی عہد و پیماں نہیں ہے
آرزو لکھنوی

 

[گُلِ یاسمیں]

اپنے سینے میں تو نفرت کو نہاں رکھتے ہیں
جانے یہ لوگ محبت کو کہاں رکھتے ہیں

 

[سیما علی]

محبت نام ہے احساسِ غم کی اک لطافت کا
کہ غم ہوتا ہے‘ احساسِ غم پنہاں نہیں ہوتا
(اختر ‌علی)

 

[سیما علی]

آپ دولت کے ترازو میں دلوں کو تولیں
ہم محبت سے محبت کا صلہ دیتے ہیں
ساحر لدھیانوی​

 

[سید عاطف علی]

محبت ماورائے عقل اک ایسی حقیقت ہے
جسے میں خود سمجھ لیتا ہوں سمجھائی نہیں جاتی

 

[طاہر شیخ]

قبروں میں نہیں ہم کو کتابوں میں اتارو
ہم لوگ محبت کی کہانی میں مرے ہیں

نامعلوم

 

[محمد آصف میؤ]

ہماری زیست کے چند اچھے دنوں میں آصف
سب سے اچھے تھے محبت کے ابتدائی دن

محمد آصف میؤ