محبت کے موضوع پر اشعار!

[عیشل]

یہ عشق و محبت کی روایت بھی عجب ہے
پانا بھی نہیں ہے،اُسے کھونا بھی نہیں ہے​

 

[شمشاد]

ہائے مجبوریاں محبت کی
دل دُکھا اور آنکھ تر نہ ہوئی
(سرور)

 

[فرخ منظور]

محبت تھی چمن سے لیکن اب یہ بے دماغی ہے
کہ موج ِ بوئے گل سے ناک میں آتا ہے دم میرا
(غالب)

 

[فرخ منظور]

محبّت ترک کی میں نے
گریباں سی لیا میں نے
زمانے اب تو خوش ہو
یہ زہر بھی پی لیا میں نے
(ساحر لدھیانوی)

 

[شمشاد]

آپ کے دل سے نسبت سی ہونے لگی
ہم کو شاید محبّت سی ہونے لگی
(ناہید ورک)

 

[عیشل]

کبھو رونا،کبھو ہنسنا،کبھو حیران ہو رہنا
محبت کیا بھلے چنگے کو دیوانہ بناتی ہے​

 

[شمشاد]

تجارت کے اصولوں پر محبت کی نہیں جاتی
محبت میں کبھی جذبات کا سودا نہیں کرتے

 

[ہما]

وہ محبت نہیں رہی جالب ،
ہم صفیروں میں‌ہم نشینوں میں

 

[شمشاد]

ہوں کشمکشِ نزع میں ہاں جذبِ محبّت
کچھ کہہ نہ سکوں، پر وہ مرے پوچھنے کو آئے
(چچا)

 

[ہما]

جب تیرا حکم ملا ترکِ مُحبت کر دی
دل مگر اس پے وہ دھڑکا کی قیامت کر دی

 

[شمشاد]

محبت کیا ہے؟ تم کو کیا بتائیں
تمہیں کہہ دو محبت کیا نہیں ہے؟
(سرور)

 

[ہما]

زندگی صرف مُحبت نہیں کچھ اور بھی ہے
زُلف و رُخسار کی جنت نہیں کچھ اور بھی ہے
بھوک اور پیاس کی ماری ہوئی اس دُنیا میں
عشق ہی ایک حقیقت نہیں کچھ اور بھی ہے

 

[عمر سیف]

جب محبت کا صلہ ملتا نہیں لوگوں سے
انہیں اس قدر ٹوٹ کے چاہنے کی ضرورت کیا ہے

 

[شمشاد]

دھواں سا اٹھتا ہے پھر آج آشیانے سے
خدا بچائے محبت کے کارخانے سے
(سرور)

 

[عیشل]

محبت ہے ازل سے سفر میں
کہیں دیکھا ہے کسی نے یہ زخم سِلتا ہو
نہیں ملتیں اگر اپنے ہاتھوں کی لکیریں
تو ممکن ہے میرا غم تیرے غم سے ملتا ہو​

 

[شمشاد]

میرا پیراہنِ جاں چاک کرو، چاک کرو
”میرے دامن میں محبت کے سوا کچھ بھی نہیں“
(سرور)

 

[عمر سیف]

یہ ہے خلوصَ محبت کہ حادثاتِ جہاں
مجھے تو کیا میرے نقشِ قدم مٹا نہ سکے

 

[شمشاد]

بھیجتا رہتا ہے گمنام خطوں میں کچھ پھول
اس قدر کس کو محبت ہے مری ذات کے ساتھ
(اعتبار ساجد)

 

[نوید صادق]

کس طرح دردِ محبت میں جتاؤں اس کو
بھید لڑکوں سے نہیں کہتے ہیں دانا دل کا

شاعر: شیفتہ

 

[شمشاد]

گرفتہ دل عندلیب، گھائل گلاب دیکھے
محبتوں نے سبھی رتوں میں عذاب دیکھے
(فراز)