محبت کے موضوع پر اشعار!

[نوید ملک]

محبت مٹ نہیں سکتی مٹانے سے
یہ اپنے چھپ دکھاتی ہے بہانے سے
بھڑکتی آگ تو پانی بجھا دے گا
دھواں چھپتا نہیں ہرگز چھپانے سے
۔۔۔۔۔۔۔
فاخرہ بتول

 

[عمر سیف]

محبت میں فقط صحرا ہیں جاناں
محبت میں شجر کوئی نہیں ہے
خموشی چیختی جاتی ہے لیکن
کسی پر بھی اثر کوئی نہیں ہے

 

[تیشہ]

ابھی محبت نہیں ہوئی تو کچھ اسلئے مسکرا رہے ہو ،
کسی کی بانہوں میں گھر ہوا تو محبتوں کا پتا چلے گا

محبتوں میں تو پتھروں کو بھی موم ہوتے سنا ہے لیکن
تمھارے دل پہ اثر ہوا تو محبتوں کا پتہ چلے گا

وہ جسکی خاطر زمانے بھر کو بنا رہے ہو تم اپنا دشمن
وہی نہ اپنا اگر ہوا تو محبتوں کا پتہ چلے گا

بدل بدل کے ابھی تو چہرے معیار اپنا بنا رہے ہو
کوئی نہ حد نظر ہوا تو محبتوں کا پتہ چلے گا

یہ کیا بچھڑنا کہ شام ہوتے ہی اپنے پیاروں میں لوٹ آنا
کبھی جو لمبا سفر ہوا تو محبتوں کا پتہ چلے گا ۔

 

[عمر سیف]

اس کوہِ مصیبت کو اٹھایا میرے دل نے
عالم سے اٹھایا نہ گیا بھارِ محبت

 

[حجاب]

اخلاص و محبت ، اب افسانوں کی باتیں ہیں
ملتے ہیں کتابوں میں اب اہلِ وفا چہرے ۔۔۔​

 

[عمر سیف]

تمنا مِٹ چکی لیکن خلش دردِ محبت کی
جہاں معلوم ہوتی تھی وہیں معلوم ہوتی ہے

 

[نوید ملک]

محبتوں میں عجب ہے دلوں کا دھڑکا سا
کہ جانے کون کہاں راستہ بدل جائے

 

[عمر سیف]

یہ روزِ ازل فیصلہ ہو چکا ہے
مسرت شریکِ محبت نہ ہوگی

 

[سارہ خان]

محبت کس کو کہتے ہیں سمندر سے کوئی سیکھے
ہزاروں دکھ ہیں سینے میں مگر خاموش بیٹھا ہے

 

[عمر سیف]

محّبت بدگمانی کو ہمیشہ ساتھ رکھتی ہے
مداوا ہو بھی جائے تو شکایت کم نہیں ہوتی

 

[نوید ملک]

ہمنشیں! پوچھ نہ مجھ سے کہ محبت کیا ہے
اشک آنکھوں میں ابل آتے ہیں اس نام کے ساتھ

 

[ماوراء]

اغراض کے لاکھ پردوں میں
الفاظ کے جھوٹے لفظوں میں
ہر شخص محبت کرتا ہے
حالانکہ محبت کچھ بھی نہیں۔​

 

[ماوراء]

اخلاص و محبت ، اب افسانوں کی باتیں ہیں
ملتے ہیں کتابوں میں اب اہلِ وفا چہرے ۔۔۔​

بہت خوب۔

 

[عمر سیف]

محبت تیرے جلوے کتنے رنگا رنگ جلوے ہیں
کہیں محسوس ہوتی ہے، کہیں معلوم ہوتی ہے

 

[حجاب]

سب محبت کا اِک پہر ہے۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

یہ جو پلکوں پہ رم جھم ستاروں کا میلہ سا ہے
یہ جو تیرے بِنا کوئی اتنا اکیلا سا ہے
زندگی تیری یادوں سے مہکا ہوا شہر ہے
سب محبت کا اِک پہر ہے

ساحلوں پہ گھروندے بنائے تھے ہم نے تمہیں یاد ہے
رنگ بارش میں کیسے اُڑائے تھے ہم نے تمہیں یاد ہے
جانے کس کے لئے گھر سجائے تھے ہم نے تمہیں یاد ہے
کوئی خوشبو کا جھونکا ادھر آنکلتا نہیں
گُم ہے میلوں خوابوں خیالوں کا رستہ کہیں
ہر خوشی آتے جاتے ہوئے وقت کی لہر ہے
سب محبت کا اِک پہر ہے

زندگی دھوپ چھاؤں کا اِک کھیل ہے بھیڑ چھٹتی نہیں
اور اِسی کھیل میں دن گزرتا نہیں رات کٹتی نہیں
پیار کرتے ہوئے آدمی کی کبھی عمر گھٹتی نہیں
دل کی دہلیز پر عکس روشن تیرے نام سے
رتجگے آئینوں میں کِھلے ہیں کہیں شام سے
ایک دریا ہے چاروں طرف درمیاں دہر ہے
سب محبت کا اِک پہر ہے۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

نہ تتلیوں جیسی دوپہر نہ اب وہ سورج گلاب جیسا
جسے محبّت کہا گیا وہ مغالہ ختم ہو گیا

 

[حجاب]

محبت جن سے ہوتی ہے
اُنہیں کھونے کا ڈر ہر وقت
دامن گیر رہتا ہے
یقین کی آخری منزل پر آ کر بھی
کوئی جذبہ کوئی شک
کوئی اندیشہ
بہت بے چین رہتا ہے
محبت جن سے ہوتی ہے
اُنہیں کھونے کا ڈر ہر وقت
دامن گیر رہتا ہے
کہیں یہ وصل کے لمحے
بدل جائیں نہ فرقت میں
کہیں یہ قرب کی گھڑیاں
جدائی میں نہ ڈھل جائیں
کہیں ایسا نہ کہ کوئی اُسکو
بدگماں کردے
کہیں ایسا نہ ہو وہ مہرباں
آنکھیں بدل جائے
کہیں ایسا نہ ہو یہ گرم جوشی
سرد پڑ جائے
تپاکِ جاں سے ملنے کی روِش
یخ بستہ ہو جائے
ادائے دلبرانہ بے رخی کا روپ دھارے
اور دل کا درد بن جائے
محبت جن سے ہوتی ہے
انہیں کھونے کا ڈر ہر وقت
دامن گیر رہتا ہے
کبھی محفل میں سب کے سامنے
وہ احتیاطاً بھی
نظریں چرا جائے
تو دل پر چوٹ لگتی ہے
آنسوؤں کا مئے برستا ہے
کبھی مصروفیت میں فون کی گھنٹی کا
وہ نوٹس نہ لے
اور
رابطے کا سلسلہ موقوف ہوجائے
دھڑک اُٹھتا ہے دل
کیا جانئے کیا ہوگیا اُس کو
توجہ میں کمی کیوں آگئی
کیوں اُس کی جانب
ایک سنّاٹا سا چھایا ہے
جو اپنا اس قدر اپنا تھا
آخر کیوں پرایا ہے
محبت جن سے ہوتی ہے
انہیں کھونے کا ڈر ہر وقت
دامن گیر رہتا ہے
محبت جن سے۔۔۔۔۔۔۔۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

محبت بھی کیا چیز ہے دیکھنا
ادھر بات کی چشم تر ہوگئی

 

[ماوراء]

زندگی چاہئیے محبت میں
یہ گھڑی دو گھڑی کی بات نہیں
آپ سے کوئی بھی نہیں پہلے
آپ کے بعد کوئی ذات نہیں​

 

[عمر سیف]

میں وہ مسافر دشتِ غمِ محبت ہوں
جو گھر پہنچ کے بھی سوچے کہ گھر نہیں آیا