لو پہن لی پاؤں میں زنجیر اب --- عمران شناور

[عمران شناور]

لو پہن لی پاؤں میں زنجیر اب
اور کیا دکھلائے گی تقدیر اب

خود ہی چل کر آگیا زندان تک
کیا کرو گے خواب کی تعبیر اب

اے مسیحا! جو ترے باتوں میں تھی
دل تلک پہنچی ہے وہ تاثیر اب

ہائے اک آہٹ نے پھر چونکا دیا
بولنے والی تھی وہ تصویر اب

ٹھیک میرے دل ہی پر آکر لگے
آخری ترکش میں ہے جو تیر اب

اور کچھ پانے کی حسرت ہی نہیں‌
مل گئی ہے پیار کی جاگیر اب

(عمران شناور)

 

[محمد وارث]

بہت خوبصورت غزل ہے عمران صاحب، مقطع لا جواب ہے۔

اور اس شعر کے تو کیا کہنے، واہ واہ واہ

ہائے اک آہٹ نے پھر چونکا دیا
بولنے والی تھی وہ تصویر اب

 

[آصف شفیع]

بہت خوب عمران! ۔ ۔ ۔

 

[شاہ حسین]

بہت خوب جناب

 

[الف عین]

اچھی غزل ہے لیکن عنوان میں ’پاؤں‘ غلط لکھا گیا ہے۔

 

[ش زاد]

بہت خوب عمران صاحب

 

[خرم شہزاد خرم]

جزاک اللہ بہت اچھی غزل ہے جناب بہت خوب وارث صاحب والا شعر میں بھی منتخب کرتا ہوں بہت اچھا لگا

 

[عمران شناور]

خرم شہزاد خرم صاحب! داد دینے کا بہت بہت شکریہ
لائبریری ممبر بننے کا مشورہ صرف میرے لیے ہے یا ۔۔۔۔۔۔۔۔۔

 

[خرم شہزاد خرم]

جناب اگر آپ بھی ممبر بنے گے تو ہمیں خوشی ہو گئ ویسے یہ میرے دستخط میں ہے سب کے لیے ہیں

 

[جیا راؤ]

اے مسیحا! جو ترے باتوں میں تھی
دل تلک پہنچی ہے وہ تاثیر اب

ہائے اک آہٹ نے پھر چونکا دیا
بولنے والی تھی وہ تصویر اب

(عمران شناور)

واہ۔۔۔۔ بہت ہی خوب۔۔۔۔۔ !!!

 

[عمران شناور]

بہت شکریہ جیا راؤ صاحبہ