لفظ چائے والے اشعار

[حمیرا عدنان]

ابھی بھی یاد ہے تم کو ہمارے ہاتھ کی چائے
خدا کا شکر ابھی تک وہ ذائقہ نہ گیا

رخشاں ہاشمی

 

[طاہر شیخ]

بیٹھ جاتا ہوں جہاں چائے بنی ہوتی ہے
ہائے کیا چیز غریب الوطنی ہوتی ہے

نامعلوم

 

[محمد تابش صدیقی]

ایک چائے غزل

لمس کی آنچ پہ جذبوں نے اُبالی چائے
عشق پِیتا ہے کڑک چاہتوں والی چائے

کیتلی ہجر کی تھی , غم کی بنا لی چائے
وصل کی پی نہ سکے ,ایک پیالی چائے

میرے دالان کا منظر کبھی دیکھو آ کر
درد میں ڈوبی ہوئی شام ,سوالی چائے

ہم نے مشروب سبھی مضر ِ صحت ترک کئے
ایک چھوڑی نہ گئی ہم سے یہ سالی , چائے

یہ پہیلی کوئی بُوجھے تو کہ اُس نے کیونکر
اپنے کپ سے مرے کپ میں بھلا ڈالی , چائے

میں یہی سوچ رہا تھا کہ اجازت چاہوں
اُس نے پھر اپنے ملازم سے منگالی چائے

اس سے ملتا ہے محبت کے ملنگوں کو سکوں
دل کے دربار پہ چلتی ہے دھمالی چائے

رنجشیں بھول کے بیٹھیں کہیں مل کر دونوں
اپنے ہاتھوں سے پِلا خیر سگالی ,چائے

عشق بھی رنگ بدل لیتا ہے جان ِ حسن !
ٹھنڈی ہو جائے تو پڑ جاتی ہے کالی, چائے

جس میں چینی بھی ہو، ادرک بھی ہو، بالائی بھی
تم نے دیکھی ہے کہیں ایسی نرالی چائے

بڑھ کے کچھ اور بھڑک اٹھے ہیں ارماں میرے
اس نے پانی کی جگہ ان پہ ہے ڈالی چائے

 

[جاسمن]

جس میں چینی بھی ہو، ادرک بھی ہو، بالائی بھی
تم نے دیکھی ہے کہیں ایسی نرالی چائے

بڑھ کے کچھ اور بھڑک اٹھے ہیں ارماں میرے
اس نے پانی کی جگہ ان پہ ہے ڈالی چائے

بہت ہی خوب!
زبردست!

 

[زیرک]

شہزاد قیس نے اپنی لیلیٰ کی ہاتھ کی بنی چائے کی تعریف یوں کی ہے
طلسمِ مصر ہے اس کے حسین ہاتھوں میں
جو وہ بنائے تو چائے کو جام کر دے گا

 

[محمد خرم یاسین]

لیجیے بے ہنگم شعر:
جی اور کچھ نہ چائے بس
اس کے ہاتھ کی چائے بس!

 

[زیرک]

اِک چائے دو کپوں میں برابر سی بانٹ کر
اکثر کِیا ہے فرض کہ 'تنہا نہیں ہوں میں'
جون ایلیا سے منسوب شعر

 

[محمداحمد]

شہزاد قیس کی بیاض ہے یا چیاض، جس میں اتنے سارے اشعار چائے سے متعلق ہیں!

 

[زیرک]

عجب ہے یہ لفظ ''چائے ☕''بھی
اس میں چاہ بھی ہے اور ہائے بھی

 

[زیرک]

شاید اس قیس کی لیلیٰ کا نام ''چائے'' ہو گا
ایک ☕ آپ بھی پی لو
پھر مت کہیے گا

باقی سب تو ٹھیک تھا، لیکن
ہائے ظالم نے چائے نہ پوچھی​

 

[محمداحمد]

شاید اس قیس کی لیلیٰ کا نام ''چائے'' ہو گا
ایک ☕ آپ بھی پی لو
پھر مت کہیے گا

باقی سب تو ٹھیک تھا، لیکن
ہائے ظالم نے چائے نہ پوچھی​

ہم تو خود چائے کے بہت شوقین ہیں لیکن چائے کی اتنی بہتات سے دل گھبرانے لگا ہے۔

 

[زیرک]

کسی نے پوچھا تھا کہ ''بتائیں کس میں زیادہ نشہ ہے؟
محبت میں یا چائے میں؟"
میں نے کہا تھا "نشے کا تو پتہ نہیں لیکن اگر چائے زیادہ مقدار میں پی جائے اور بندہ اٹھ کر حرکت نہ کرے تو اسے ''شوگر'' ضرور ہونے کا خطرہ لاحق ہو سکتا ہے''۔ اسی سے ملتا جلتا شعر ہے کہ
اس نے چائے میں ڈال لی ہو گی
میری محبت چینی جیسی تھی

 

[زیرک]

غم و سسکیوں کی رائے لایا ہوں
نوشِ جاں کیجئے چائے لایا ہوں

 

[زیرک]

یہ چائے خانوں کی میزوں پہ قہقہوں کے شریک
دلوں میں جھانک کے دیکھو تو سب کے سب تنہا
عابد سیال

 

[محمداحمد]

یہ چائے خانوں کی میزوں پہ قہقہوں کے شریک
دلوں میں جھانک کے دیکھو تو سب کے سب تنہا

کس کا شعر ہے؟

 

[زیرک]

کس کا شعر ہے؟

عابد سیال

 

[زیرک]

چائے، شاعری، نغمے، لطیفے، رت جگے
اپنے حصے میں یہی دیسی دوائیں رہ گئیں

 

[فہد اشرف]

چائے، شاعری، نغمے، لطیفے، رت جگے
اپنے حصے میں یہی دیسی دوائیں رہ گئیں

بادہ خانے، شاعری، نغمے، لطیفے، رتجگے
اپنے حصے میں یہی دیسی دوائیں رہ گئیں
راحت اندوری

 

[طاہر شیخ]

ذرا سی چائے گری اور داغ داغ ورق
یہ زندگی ہے کہ اخبار کا تراشہ ہے

عامر سہیل

 

[محمداحمد]

بادہ خانے، شاعری، نغمے، لطیفے، رتجگے
اپنے حصے میں یہی دیسی دوائیں رہ گئیں
راحت اندوری

کسی نے دیسی دواؤں کو حلا ل بھی کر لیا۔