اگلا سوال ہے کہ قران میں پل صراط کی جانب اشارہ کس جگہ پر موجود ہے؟
وه آیت کریمہ یہ ہے:
وَإِنْ مِنْكُمْ إِلَّا وَارِدُهَا كَانَ عَلَى رَبِّكَ حَتْمًا مَقْضِيًّا * ثُمَّ نُنَجِّي الَّذِينَ اتَّقَوْا وَنَذَرُ الظَّالِمِينَ فِيهَا جِثِيًّا
ترجمہ: اور تم میں سے ہر ایک کا دوزخ پر گزر ہوگا، تمھارے رب کے ذمے پر یہ ٹھہری ہوئی بات ہے، پھر ہم ہم ڈرنے والوں کو نجات دیں گے اور ظالموں کو اس میں گھٹنوں کے بل گرا ہوا چھوڑ دیں گے۔
(فائدہ)
اس آیت کی تفسیر میں کئی اقوال ملتے ہیں:
1. وردود سے دخول ہی مراد ہے، یہ دخول مومنین و کافرین سب کا ہوگا مگر مومنین کو اس سے نکال لیا جائے گا اور آگ ان پر اثر نہ کرے گی۔ اور کافروں کو اسی میں چھوڑ دیا جائے گا۔ یہ تفسیر حضرت ابن عباس سے مروی ہے۔
2.ورود سے جہنم کے اور پر بنے ہوئے پل 'صراط' گزرنا مراد ہے۔ هو المروي عن ابن عباس
3. ورود سے دخول مراد ہے لیکن دخول صرف کافروں گا ہوگا۔ (تفسیر طبری)
اس کے علاوہ چند ایک اقوال اور بھی ہیں
