فی البدیہہ شاعری (موضوعاتی / غیر موضوعاتی)

[سارہ خان]

سنا ہے شاعری سیکھنے سے نہیں آتی
یہ تو خداداد صلاحیت ہوتی ہے

 

[زھرا علوی]

یا الٰہی یہ مار ڈالیں گے
اتنی تعریف بھی نہیں اچھی

ہم تو سچ بولنے کے عادی ہیں
وہ کہا جو تمہی سے ہم نے سنا۔۔۔۔
ہاں مگر ایک بات کہہ دیں ہم
بھول کر بھی کبھی نہیں تھکنا

 

[ابن سعید]

ہاں یہ سچ ہے کہ مردِ پیر ہیں ہم
شاعری اپنے بس کی بات نہیں۔

 

[زھرا علوی]

جو ہو من میں لگن تو کیا مشکل
شاعری ،نظم یا نثر صاحب !

 

[ابن سعید]

پائتھن، پی ایچ پی، روبی، پرل کی کرتا ہوں بات
ترک کر کے فاعلاتن فاعلاتن فاعلات

 

[فیصل عظیم فیصل]

گئے برس میں کتنا سکوں تھا
اور ابھی تن۔۔۔۔۔۔۔۔۔ہا ہم دونوں

 

[الف عین]

ہم بھی تو ساتھ ساتھ چلتے ہیں
تم اکیلے کہاں رہے فیصل!
بس ذرا وقت کی کمی سی ہے
ورنہ پیچھے نہیں ہٹے فیصل!

 

[مغزل]

ہم کہاں پیچھے ہٹنے والے ہیں
ہم ہیں منگول ، ’’ مرنے ‘‘ والے ہیں

 

[الف عین]

مرنے ورنے کی بات کیوں کیجے
آج کا روز کتنا روشن ہے

 

[فیصل عظیم فیصل]

واق۔عی دن ہے روشنی سے بھرا
رات سے ہم بھی آنکھ کھولے ہیں


(شازی اور طلحہ پاکستان چلے گئے ہیں ۔ آج طلحہ کا پاکستان میں پہلا دن ہے)

 

[فیصل عظیم فیصل]

درحقیقت تو ہم اکیلے ہیں۔۔۔!
پھر بی تم پاس پاس ہو شاید

 

[ابن سعید]

آج ہنگامے ہیں ہولی کے پریشاں کیوں ہیں؟
رنگ اور خوشیوں کی برسات میں تنہا کیوں ہیں؟

 

[فیصل عظیم فیصل]

ہمارے دل کی رونق آج پاکستان بیٹھی ہے
اسی ری زن سے تنہا آج اپنی جان بیٹھی ہے

 

[فیصل عظیم فیصل]

آج ہمارے بیت گئے ہیں
کچھ گھنٹے پھر تیرے بن
دور ہوئے جو صدیاں بیتیں
لوگ کہیں ان کو کچھ دن

 

[فیصل عظیم فیصل]

دفتر بیٹھا سوچ رہا ہوں
میں نے تم بن چائے پی لی
ٹھنڈی شربت چائے بالکل
تیری یادوں جیسی ہے
کاغذ سارے بکھر گئے ہیں
ٹیبل بے ترتیب ہوئی ہے
پھر بھی ایسا لگتا مجھ کو
پاس کہیں تم بیٹھی ہو
سوچ ذرا سی بکھر گئی ہے
تم سے دور ہوئے تو جانا
سچ میں تم بن دنیا خالی
آنکھ نمی سے شاید بچ لے
لیکن دل ویران ہوا ہے
سچ میں دل ویران ہوا ہے

 

[فیصل عظیم فیصل]

دفتر سے میں نکل رہا ہوں
کدھر چلا ہوں کس کی خاطر
بھرا ہوا یہ شہر تمہارا
تم بن سونا سونا ہے
گاڑی میں بیٹھوں تو تم ہو
باہر نکلوں تو بھی تم ہو
سونا مشکل ہو جاتا ہے
چلنا مشکل ہوجاتا ہے
تم بن دفتر بوجھل بوجھل
تم بن گھر بھی کیسا گھر ہے
شازی سچی بات کہوں میں
تم بن فیصل آدھا ہے

 

[فیصل عظیم فیصل]

جب تم میرے پاس نہیں ہو
مجھ کو یہ احساس ہوا ہے
میری سوچ کے ہر پرتو پر
تیری چھاپ ہے کتنی گہری
گھر آنگن سنسان ہوا ہے
دل میرا شمشان ہوا ہے
جب تم میرے پاس نہیں ہو
مجھ کو یہ احساس ہوا ہے
تم بن گھڑیاں کیسے بیتیں
تم بن کھانا پینا مشکل
تم بن دنیا ہے پردیس
تم بن میرا دل انجان
شازی کاٹیں گے ہم مل کر
ان پردیسی لمحوں کو
آج مجھے احساس ہوا ہے
تم بن میری دنیا سونی
تم بن میں کاغذ کا ٹکڑا
تیز ہوا میں اڑتا اڑتا
دور کہیں جا گرتا ہوں
اور یہی کہ پاتا ہوں
تم بن میری دنیا سونی
جب تم میرے پاس نہیں ہو
مجھ کو یہ احساس ہوا ہے

 

[فیصل عظیم فیصل]

ساڑھے تین ہوئے ہیں شب کے
سارے نیند میں ڈوبے کب کے



تم تو شاید نیند میں ڈوبی
فون پہ ایف ایم سنتی ہو
اور اداسی والی غزلیں
سن سن کے سر دھنتی ہو

 

[الف عین]

ہجر کا غم بھی کیا عجب شے ہے
نطمیں کیا تیزی سے اترتی ہیں
اور فیصل کی اہلیہ کہ وہاں
جانے کیا عیش ویش کرتی ہیں

 

[فیصل عظیم فیصل]

اہلیہ دور ہے ہمی سے مگر۔!
دل کو پھر پاس پاس لگتی ہے