فی البدیہہ شاعری (موضوعاتی / غیر موضوعاتی)

[الف عین]

علم گر شعر کی تقطیع سے واقف ہو جائیں
شعر کہنا تو مرے علم میں وہ جانتے ہیں

 

[سارہ خان]

شاعری تو مجھے آتی نہیں کرتی ہوں بس شغل
سوچتی ہوں کہیں بھگا نہ دیں مجھے یہاں سے بھائی مغل ۔۔۔

 

[فیصل عظیم فیصل]

شاعری تو مجھے آتی نہیں کرتی ہوں بس شغل
سوچتی ہوں کہیں بھگا نہ دیں مجھے یہاں سے بھائی مغل ۔۔۔

رب تمہیں رکھے سلامت تم تو سارہ خان ہو
شٌغَل کا کرنا نہیں ہوتا مغل ک۔۔۔۔۔۔ی مان ل۔۔و
گر زبان اردوئے مکس۔۔۔۔۔۔۔ور پ۔ر اِص۔۔۔۔رار ہے
شعر ان کو مت کہ۔۔۔۔و بہنا ہم۔۔اری مان ل۔و
کوئی تم کو ی۔اں سے کہدے دور ہو جاؤ ابھی
کس کی جرات ہے یہاں تم بھائیوں کی جان ہو

 

[آبی ٹوکول]

بدیع کے معانی مختلف ہیں، جس کی جمع بدائع ہے اور جو ہمیشہ صنائع بدائع کے ساتھ آتا ہے۔
ان معانی میں تو میں نے ہمیشہ ہی فی البدیہ پڑھا اور سنا ہے۔
اس میدان کے شہنشاہ تو دو ہی ہیں یہاں۔ محسن اور فیصل۔ فیصل تو شاہ فیصل ہیں اس فورم کے!!

تو پھر عرض ہے کہ
بدیع کیا بدیہہ کو فی البدیہہ سے
حکم ہو قول فیصل اس کَجی میں

 

[مغزل]

اے مرے دوست تو کہاں‌ہے آج
میں ترے بن بہت ادھورا ہوں
( اصل کلام کی روح سے معافی کے ساتھ )

 

[الف عین]

واہ۔ روحِ کلام سے ’معافی‘
کیا یہ محمود کی شرارت ہے؟
(ویسے کس شعر کی ہے پیروڈی؟)

 

[فیصل عظیم فیصل]

تو پھر عرض ہے کہ
بدیع کیا بدیہہ کو فی البدیہہ سے
حکم ہو قول فیصل اس کَجی میں

آپ کی چاہت ہے آبی ہم ی۔۔۔۔۔ہاں کوئی نہیں
اور فی۔۔۔۔صل میں م۔۔۔زاج حاکماں کوئی نہیں
احکم الح۔۔۔اکم خدا ہے ح۔۔۔۔۔۔کم ربی ہر جگہ
حمد ربی کیجئے میرا نش۔۔۔اں ک۔۔۔وئی نہ۔۔۔یں

 

[فیصل عظیم فیصل]

اے مرے دوست تو کہاں‌ہے آج
میں ترے بن بہت ادھورا ہوں
( اصل کلام کی روح سے معافی کے ساتھ )

دوستوں سے جو دور ہوتے ہیں
وہ ادھورے ض۔۔۔رور ہوتے ہیں
آپ سے دور اور ہم ج۔۔۔ائیں ۔۔؟
یہ وساوس حض۔۔ور ہو تے ہیں

 

[فیصل عظیم فیصل]

واہ۔ روحِ کلام سے ’معافی‘
کیا یہ محمود کی شرارت ہے؟
(ویسے کس شعر کی ہے پیروڈی؟)

شک مجھے بھی شرارتوں کا ہے
پھر بھی محمود بے سرا نہ ہ۔۔وا

 

[مغزل]

جانے والے تو جاچکے محمود
دل ہمار ا ہی بے مزہ نہ ہوا

 

[فیصل عظیم فیصل]

جانے والے تو جاچکے محمود
دل ہمار ا ہی بے مزہ نہ ہوا

تم محبت کو صداقت کی طرح کہتے رہے
خود پہ وہ تیرِنظر بھی سرِخم سہت۔۔۔۔ے رہے
ہائ۔۔۔۔ے مح۔۔مود ترے دل کی یہ سادہ لوحی
ان کے ک۔۔۔۔۔وچے میں درِ بام صنم رہتے رہے

 

[مغزل]

ہم الف بے کے قائدے کے تحت
لام میم نون کہہ نہیں سکتے

 

[عین لام میم]

لکھنے بیٹھیں تو بھول جاتے ہیں
ورنہ ک۔۔یا ب۔۔ات کر نہ۔۔یں آتی

اکثر کو آتی ہے شاعری پہ ہنسی
پر دلچسپی پھر بھی نہیں ج۔۔اتی (میری)

 

[ابن سعید]

میاں فیصل کہ مت پوچھو ہیں یہ تو بے دھڑک شاعر
اور اک محمود بھائی ہیں کہ ہیں فوق البھڑک شاعر
سخنور اک سے بڑھ کر ایک ہیں احمد بھی وارث‌بھی
اور اک چاچو کہ پیری میں بھی ہیں خاصے کڑک شاعر
محلہ شاعروں کا ہے یہاں ہر چیز شاعر ہے
مکیں شاعر مکاں شاعر گلی شاعر سڑک شاعر

 

[مغزل]

میاں فیصل کہ مت پوچھو ہیں یہ تو بے دھڑک شاعر
اور اک محمود بھائی ہیں کہ ہیں فوق البھڑک شاعر

بھئی قوافی کا جواب نہیں ۔ ’’ فوق البھڑک شاعر ‘‘ ترکیب : اقبال کی ’’ خاص ہے ترکیب میں ۔۔۔۔۔۔ ‘‘ یاد دلاتی ہے--

سخنور اک سے بڑھ کر ایک ہیں احمد بھی وارث‌بھی
اور اک چاچو کہ پیری میں بھی ہیں خاصے کڑک شاعر

چاچو اور کڑک شاعر ۔۔ حالانکہ ۔۔ کڑک ( تیز مزاج کے ) تو وارث بھائی ہیں ۔

محلہ شاعروں کا ہے یہاں ہر چیز شاعر ہے
مکیں شاعر مکاں شاعر گلی شاعر سڑک شاعر

مصرع ثانی کا جواب نہیں بڑے بھائی ۔ واہ --- ’’مکیں شاعر ،مکاں شاعر ،گلی شاعر ،سڑک شاعر‘‘

 

[مغزل]

خدا آباد رکھے حضرتِ ابن السعید عالم
خدا آباد رکھے قبلہِ من ، جان ِ جانِ من

 

[ابن سعید]

اجی حضرت عجب کیا تھا اگر یہ تبصرے سارے
رکھے ہوتے مقفیٰ شاعری کے خولِ مخمل میں
کڑک کے اور بھی مفہوم ہوتے ہیں کئی سارے
نگاہ شاعرانہ ڈالئے گر اس کے محمل میں

 

[ابن سعید]

خدا آباد رکھے حضرتِ ابن السعید عالم
خدا آباد رکھے قبلہِ من ، جان ِ جانِ من

دعائے خیر کرنا اس قدر احسن طریقے سے
مغل بھائی کا ملکہ ہے خدا ان کو ترقی دے۔

 

[سارہ خان]

سعود بھیا کبھی کبھی یہاں آئیں
اور آتے ہی چھا جائیں ۔۔

 

[سارہ خان]

آئی ہوں اس گلی میں بھٹک کر کے راہ میں
اب سوچتی ہوں بھاگ لوں بس کی نہیں میرے ۔۔۔