فی البدیہہ شاعری (موضوعاتی / غیر موضوعاتی)

[ابن سعید]

سعود بھیا کبھی کبھی یہاں آئیں
اور آتے ہی چھا جائیں ۔۔

ایسے چھانا بھی کوئی چھانا ہے۔
یہ تو فیصل کا آشیانہ ہے۔
سورما ہیں یہاں مغل محمود۔
بھائی وارث کا یہ ٹھکانا ہے۔
ایک چاچو ہیں سن رسیدہ جوان۔
بیٹی سارہ کا نظم خانہ ہے۔

 

[ابن سعید]

آئی ہوں اس گلی میں بھٹک کر کے راہ میں
اب سوچتی ہوں بھاگ لوں بس کی نہیں میرے ۔۔۔

اب آ گئی ہیں بھول بھٹک کر جو آپ راہ
شعرا ہیں بے ضرر یہاں ٹھہریں سکون سے

 

[الف عین]

کیا بے ضرر پکار رہے ہیں سعود بھی
شاعر کا کاٹا سانپ بھی پانی نہ مانگے ہے
(یہ دوسری ہے بات کہ محفل کے ’شاعراں‘
’دامن نچوڑ دیں تو فرشتے وضو کریں‘)

 

[مغزل]

شرق شاعر، شمالاً او ر غرب شاعر
غضب شاعر، غضب شاعر،غضب شاعر

 

[مغزل]

دامن نچوڑنے بھلا فائد ہ ہے کیا
کر کے وضو نماز تو پڑھنی نہیں ہمیں؟

 

[ابن سعید]

آتش عشق میں برسوں سے جھلستا شاعر
ڈوب مرتا ہے کہیں عرق پشیمانی میں

 

[مغزل]

ایک چلو ہی بہت ہے اسے مرنے کیلیے
ڈوب مرتا ہے کہاں٘ عرقِ پشیمانی میں

 

[ابن سعید]

میں نے دیکھا تو نہیں کوئی بھی مرتا شاعر
ہاں سنا ہے کہ بالآخر یہ بھی مر جاتا ہے
منت و گریہ بہت کرتا ہے معشوقہ سے
پھر اکیلے ہی افق پار چلا جاتا ہے

 

[مغزل]

منت و گریہ کہاں کرتا ہے غالب کے بقول
آپ بے بہر ہ ہے جو معتقدِ ’’ ہیر ‘‘ نہیں۔

 

[ابن سعید]

غالب کا عشق عشقِ حقیقی تھا مئے سے تھا
جو رنگِ خُم ہے جام میں وہ ہیر میں کہاں

 

[مغزل]

‘‘ بنا ہے شہہ کا مصاحب پھرے ہے اتراتا
وگرنہ شہر میں ’’ سالے ‘‘ کی آبرو کیا ہے

غالب نے عالم ِ ارواح سے بھیجا ہے۔

 

[ابن سعید]

کس قدر ظلم ہے وہ پوچھ کے غالب سے لکھیں
اور ہم خوار ہوں دو مصرعے وزن کرنے میں۔

 

[مغزل]

وزن کی خوب کہی حضرتِ ناصح تم نے
خیر ، تم وزن کہویا کہ و ز َ ن سانوں کی !

 

[الف عین]

کل دیکھا جو شاعر نے کسی فربہ بدن کو
دونوں ہیں غلط ، وزن کہو یا کہ وَزَن تم
جب وزن ہو من بھر تو کہا جائے گا وزًن
’کیا بم وزنی بم وزنی بم وزنی ہے‘

 

[فیصل عظیم فیصل]

کل دیکھا جو شاعر نے کسی فربہ بدن کو
دونوں ہیں غلط ، وزن کہو یا کہ وَزَن تم
جب وزن ہو من بھر تو کہا جائے گا وزًن
’کیا بم وزنی بم وزنی بم وزنی ہے‘

بہت ہی خوب یہاں آپ نے جمادی ہے
عجیب شعر کی محفل ہماری محفل میں

 

[ابن سعید]

سنو کتنی بے ساختہ ہے یہ محفل
نہیں کوئی آہٹ سبھی لب سلے ہیں

 

[الف عین]

لب سلے ہیں؟ تو کھلے کیا ہوں گے
یہ خموشی ہے تو غوغا کیا ہے

 

[فیصل عظیم فیصل]

زندگی شور سے عبارت ہے
ابن آدم سکوں ک۔۔۔ہاں پائے

 

[الف عین]

یہ خامشی تو بہت ناگوار ہونے لگی
چلو کہ شور مچائیں شرارتیں اپنی

 

[مغزل]

سکوت شہرِ خموشاں ہے اگر مشروط
تو زندگی میں بہت شور ہونا چاہیے ہے