فورم کی نظامت کے لیے گائیڈ لائن

نبیل نے 'ضروری اعلانات' کی ذیل میں اس موضوع کا آغاز کیا، ‏دسمبر 11, 2011

  1. نبیل

    نبیل محفلین

    مراسلے:
    16,854
    جھنڈا:
    Germany
    موڈ:
    Depressed
    السلام علیکم،

    میں نے کافی عرصہ قبل اپنے رفیق کار منتظمین کی مدد سے فورم کے ناظمین کے لیے ایک گائیڈ لائن تشکیل دی تھی۔ میں نے اسے آج دوبارہ پڑھا ہے اور میری دانست میں یہ ابھی بھی کافی حد تک مکمل ہے۔ اس گائیڈ لائن کو میں یہاں پوسٹ کر رہا ہوں اور اس تھریڈ کو چسپاں کر رہا ہوں۔ آپ دوستوں کی آراء کی نظر میں اس میں ضرور ترمیم یا اضافہ کیا جاتا رہے گا اور یہ تمام ناظمین کے لیے بھی ایک ریفرینس کے طور پر کام دے گا۔ فورم کے نئے ناظمین کی تقرری کے سلسلے میں میں انشاء اللہ ایک علیحدہ دھاگے میں مشاورت کا آغاز کروں گا۔


    جیسا کہ آپ سب کے علم میں ہے، ہماری ہمیشہ کوشش رہی ہے کہ اردو ویب کا تشخص ایک علمی اور تحقیقی پلیٹ فارم کے طور پر اجاگر کیا جائے۔ محفل فورم کے منتظمین کا انتخاب بھی اسی نکتہ نظر سے کیا جاتا ہے کہ وہ اردو ویب کے اس تشخص کو ارتقاء دینے میں اپنا کردار ادا کریں گے۔ محفل فورم کے مختلف زمرہ جات کو منظم کرنے اور اس کے علمی اور ادبی ماحول کو مزید بہتر بنانے کے لیے ہمیں آپ کے تعاون کی ضرورت ہے۔ محفل فورم کی انتظامی ذمہ داریوں کو سنبھالنے اور اس پر مختلف تعمیری سلسلوں کو آگے بڑھانے کے لیے ہم ایڈمنز اور موڈریٹرز کا تقرر کرنا چاہتے۔ آپ میں سے جو دوست یہ ذمہ داری سنبھالنا چاہیں وہ ہم سے رابطہ کر سکتے ہیں۔ میں ذیل میں محفل فورم کے منتظمین کی ذمہ داریوں کے بارے میں مختصرا بیان کر رہا ہوں۔

    محفل فورم کے ایڈمنسٹریٹرز کے لیے ضروری ہے کہ وہ فورم پر کچھ عرصہ سے موجود ہوں اور اس کے ارکان کے مزاج کو جانتے ہوں۔ فورم کے انتظامی معاملات کو دیکھنے کے ساتھ ساتھ ہر منتظم (ایڈمن اور موڈریٹر) کے لیے ضروری ہوگا کہ وہ فورم پر کسی تعمیری سلسلے کو بھی باقاعدگی سے چلائے۔

    ایڈمنسٹریٹر کے لیے ضروری ہے کہ وہ روز فورم کو کم از کم ایک گھنٹہ وقت دے سکے۔ اگر کوئی ایڈمنسٹریٹر کسی وجہ سے کچھ عرصے تک فورم پر نہ آ سکے تو اسے اس کی پیشگی اطلاع کرنا ہوگی۔ بغیر اطلاع اور طویل عرصے تک غیر حاضر رہنے والے ناظمین کو ان کی ذمہ داریوں سے علیحدہ کر دیا جائے گا۔ ایڈمن کی ذمہ داریوں میں ذیل کے نکات شامل ہوں گے:

    - نئے زمرہ جات اور ان کے ذیلی زمرہ جات کی تشکیل
    - منتخب زمرہ جات کی رسائی مخصوص یوزرگروپس تک محدود کرنا
    - نئے یوزگروپس کی تشکیل اور یوزر گروپس کے پرمیشن سیٹ اپ کرنا
    - یوزرز کو مختلف یوزرگروپس میں شامل کرنا یا ان سے نکالنا
    - فورم کے رابطہ فارم سے اکثر یوزرز کی لاگ ان یا رجسٹر ہونے میں مشکلات کی شکایات بذریعہ ای میل موصول ہوتی ہیں۔ ان شکایات کو دیکھنا اور ان کو رفع کرنا بھی ایڈمن کی ذمہ داریوں میں شامل ہے۔
    ۔ فورم میں مختلف ایڈ آن شامل کیے جاتے ہیں۔ ان ایڈ آنز کا اردو ترجمہ کرنا بھی ایڈمن کی ذمہ داریوں میں شامل ہوگا۔ اس مقصد کے لیے ایڈمن سیکشن میں ایک انٹرفیس مہیا کر دیا گیا ہے جس میں اردو ایڈیٹر شامل ہے۔

    اس بات کا خیال رکھیں کہ محفل فورم کی انتظامیہ کا رکن ہونے کے ناطے آپ پر ذمہ داری عائد ہوتی ہے کہ آپ فورم کی نظامت میں غیر جانبداری سے کام لیں گے اور کسی کی دوستی کی وجہ سے طرفداری نہیں کریں گے۔ علاوہ ازیں فورم کے کچھ پرائیویٹ زمرہ جات میں فورم کی نظامت سے متعلق سٹریٹجی طے کی جاتی ہے۔ آپ ان فیصلوں کی رازداری کے بھی پابند ہیں اور آپ اس انفارمیشن کو باہمی مشورے کے بغیر آگے نہیں پھیلا سکتے۔

    محفل فورم کے موڈریٹرز کے لیے ضروری ہے کہ وہ ہر روز فورم پر کچھ دیر وقت صرف کریں اور اپنے زیر انتظام زمرہ جات میں ضروری موڈریشن کریں۔ اگر کوئی موڈریٹر کسی وجہ سے کچھ عرصے تک فورم پر نہ آ سکے تو اسے اس کی پیشگی اطلاع کرنا ہوگی۔ بغیر اطلاع اور طویل عرصے تک غیر حاضر رہنے والے ناظمین کو ان کی ذمہ داریوں سے علیحدہ کر دیا جائے گا۔

    موڈریٹر کی ذمہ داریوں میں ذیل کے نکات شامل ہوں گے:
    - اس بات کا خیال رکھنا کہ کسی زمرہ میں غیر متعلقہ تھریڈ پوسٹ نہ ہوں۔ غلط زمرے میں تھریڈ پوسٹ ہونے کی صورت میں انہیں متعلقہ زمرے میں منتقل کردیا جانا چاہیے اور اگر ضروری ہو تو اسے حذف کر دیا جانا چاہیے۔
    - موڈریٹرز اپنے زیر انتظام زمرہ جات میں پوسٹ ہونے والے تھریڈز میں مناسب ٹیگز کا اضافہ کر دینا چاہیے اور یوزرز کو اس کی نشاندہی بھی کر دینی چاہیے کہ وہ بھی اس بات کا خیال رکھیں
    - اپنے زیر انتظام زمروں کے تھریڈز میں گفتگو کو تعمیری رکھنے کی کوشش کرنا اور جو پوسٹس موضوع سے زیادہ ہٹنے لگیں انہیں علیحدہ یا ڈیلیٹ کر دینا۔
    موڈریٹرز، ناظم خاص اور ایڈمن سب کی ذمہ‌داری:
    - محفل کو اچھے طریقے سے چلانے کے لئے ضروری اقدام لینے کے ساتھ ساتھ ارکان کی پرائیویسی کا خیال رکھنا۔
    - خود سے فوری اور بہتر رابطے کی کوئ صورت بتانا یعنی فون، انسٹینٹ میسنجر یا ای‌میل جو وہ باقاعدگی سے چیک کرتے ہوں۔
     
    آخری تدوین: ‏جولائی 8, 2018
    • پسندیدہ پسندیدہ × 27
    • زبردست زبردست × 3
    • معلوماتی معلوماتی × 1
  2. شاہنواز عامر

    شاہنواز عامر معطل

    مراسلے:
    701
    جھنڈا:
    Pakistan
    موڈ:
    Relaxed
    ناظم بننے کا طریقہ کار کیا ہوتا ہے میں ناظم کی ذمہ داری لینا چاہتا ہوں
     
    • زبردست زبردست × 1
  3. شمشاد

    شمشاد لائبریرین

    مراسلے:
    212,256
    جھنڈا:
    Pakistan
    موڈ:
    Relaxed
    ابھی آپ محفل میں کچھ عرصہ گزاریں، اس کے مختلف زمرے دیکھیں، اس کے ماحول کو سمجھیں اور اردو محفل کے کیا اغراض و مقاصد ہیں، ان کو جانیں، پھر بات کریں گے۔
     
  4. نیرنگ خیال

    نیرنگ خیال لائبریرین

    مراسلے:
    18,870
    جھنڈا:
    Pakistan
    موڈ:
    Dunce
    میرا خیال ہے کہ یہ سہولت اب میسر ہے۔۔۔ سو سطر سے حاشیہ ہٹا لیا جائے۔۔۔ وہ بھی کہہ رہی ہے کہ یہ منتظم تو لکیر مار کر ربر ہی گما بیٹھا ہے۔ :)
     
    آخری تدوین: ‏اپریل 22, 2014
    • پر مزاح پر مزاح × 5
  5. انیس الرحمن

    انیس الرحمن محفلین

    مراسلے:
    8,335
    جھنڈا:
    Pakistan
    موڈ:
    Buzzed
    نین بھائی آپ کی یہاں موجودگی اس بات کا عندیہ دے رہی ہے کہ کچھ نیا آنے والا ہے۔۔۔:laugh:
     
    • پر مزاح پر مزاح × 1
  6. نیرنگ خیال

    نیرنگ خیال لائبریرین

    مراسلے:
    18,870
    جھنڈا:
    Pakistan
    موڈ:
    Dunce
    یہ تو میرے ذہن میں ہی نہ آیا تھا۔۔۔ لیکن یہ نہ ہو کہ نظامت کے قوانین لکھنے پر یہاں سے ہی کوچ کروا دیا جائے۔۔۔ :p
     
    • پر مزاح پر مزاح × 2
    • متفق متفق × 1
  7. شمشاد

    شمشاد لائبریرین

    مراسلے:
    212,256
    جھنڈا:
    Pakistan
    موڈ:
    Relaxed
    لکھیں تو سہی، بعد میں اسمبلی میں بل پیش کر کے بحث کر لی جائے گی۔
     
    • پر مزاح پر مزاح × 3
  8. عاطف مرزا

    عاطف مرزا محفلین

    مراسلے:
    17
    جھنڈا:
    Pakistan
    موڈ:
    Relaxed
    کسی بھی ادبی فورم کی نظامت، تدوین، سلسلوں، دھاگوں اور زمروں کو حذف کرنا، بدلنا یا منتقل کرناانتہائی دقیق اور توجہ طلب ذمہ داری ہے۔ تمام منتظمین کے لیے دعائے استقامت۔
     
  9. رانا رضوان احمد

    رانا رضوان احمد محفلین

    مراسلے:
    10
    جھنڈا:
    Pakistan
    موڈ:
    Breezy
    پیاری معلومات ھے
     
  10. زرقا مفتی

    زرقا مفتی محفلین

    مراسلے:
    3,591
    جھنڈا:
    Pakistan
    ناظمین کے جانبدارانہ رویے کی شکایت کہاں کی جا سکتی ہے؟؟؟
     
    • پسندیدہ پسندیدہ × 1
    • متفق متفق × 1
  11. ابن سعید

    ابن سعید خادم

    مراسلے:
    60,174
    آپ کی شکایات زمرے میں۔ :) :) :)
     
    • زبردست زبردست × 1
    • پر مزاح پر مزاح × 1
  12. سید عاطف علی

    سید عاطف علی مدیر

    مراسلے:
    13,778
    جھنڈا:
    SaudiArabia
    موڈ:
    Cheerful
    گویا یو ں کہیے کہ :
    ناظمین کے جانبدارانہ رویے کی شکایت آپ کی شکایات کے زمرے میں ناظمین ہی سے کی جا سکتی ہے ۔ :)
     
    • پر مزاح پر مزاح × 1
  13. ابن سعید

    ابن سعید خادم

    مراسلے:
    60,174
    دوسری ممکنہ صورت یہ ہو سکتی ہے پبلک فورم میں واویلا مچائیں اور اپنے ساتھ مزید ہاں میں ہاں ملانے والوں کی بھیڑ شامل کر لیں، جس کی مثال محفل کی تاریخ میں کئی دفعہ درج ہے، لیکن اس کا نتیجہ کبھی بھی خوشگوار نہیں رہا۔ :) :) :)
    اور تیسرا طریقہ کار یہ ہے کہ انتظامیہ پر چار حرف بھیجیں اور اپنی ڈیڑھ اینٹ کی مسجد بنا کر بذات خود "انتظامیہ" بن جائیں، اس کی مثالیں بھی موجود ہیں اور اس میں بھی کوئی قباحت نہیں۔ :) :) :)

    ہاں اگر انتظامیہ کے خلوص پر اعتماد تو ہے، لیکن لگتا ہے کہ انسانی فطرت، ذاتی ترجیحات، اور عدم توجہ کے باعث کہیں ایسا کچھ ہو رہا ہے جو نہیں ہونا چاہیے تو خوبصورت طریقہ کار وہی ہے جس کا ذکر ہم نے پہلے کیا، بشرطیکہ شکایت کرنے والے بھی مخلص ہوں اور اپنی محفل کے ماحول کو بہتر بنانا چاہتے ہوں۔ اس زمرے میں ارسال کیے گئے مراسلے محض محفل کے عملے اور صاحب لڑی کو نظر آتے ہیں اس لیے دیگر احباب ملوث نہیں ہوتے اور گفتگو کہیں کی کہیں نہیں جاتی ہے۔ ہاں اگر مقصد فقط الزام تراشی ہو تو اس کے لیے راہیں کھلی ہیں۔ لوگ تو محفل اور محفل کی انتظامیہ کے خلاف اپنے بلاگ اور سوشل میڈیا سائٹوں پر بھی اپنی بھڑاس نکالنے سے باز نہیں آتے۔ :) :) :)
     
    • پسندیدہ پسندیدہ × 3
    • زبردست زبردست × 1
    • متفق متفق × 1
  14. زرقا مفتی

    زرقا مفتی محفلین

    مراسلے:
    3,591
    جھنڈا:
    Pakistan
    میرے خیال میں ایک شکایات کا ڈبہ ہونا چاہیئے جسے ناظمین اعلی ہی دیکھ سکیں اور شکایت کا ازالہ کر دیں
     
  15. سید عاطف علی

    سید عاطف علی مدیر

    مراسلے:
    13,778
    جھنڈا:
    SaudiArabia
    موڈ:
    Cheerful
    ابن سعید صاحب میری رائے میں (صحیح ) طریقہ پہلا ہی ہے ۔اگر کوئی شکایت واقعی ہے تو اس کی کوئی بنیاد بھی ہو گی ۔اس بنیاد کی صحت پر ہی انتظامیہ کو مطلّع کیا جائے اور اسی پرانہیں قائل کرنے کی کوشش کی جائے۔
    باقی انداز محلّ ِحسن ِاتفاق (یا شاید سوء اتفاق )سے مزاحیہ ہو گیا ۔ اس پر استہزاء کا تاثر (اِف اینی) پیدا ہوجانے پر میں شرمندہ ہوں۔
     
    • دوستانہ دوستانہ × 2
  16. ابن سعید

    ابن سعید خادم

    مراسلے:
    60,174
    ذیل میں ایسے ہی ایک زمرے کا ذکر ہے۔ :) :) :)
    اس کے علاوہ ذاتی مکالموں کا بھی سہارا لیا جا سکتا ہے، لیکن زیادہ تر معاملات میں شکایات کے زمرے میں بات کرنا بہتر رہتا ہے۔ :) :) :)

    واضح رہے کہ انتظامیہ کسی شکایت کے جواب میں شکایت کنندہ کے حسب توقع اقدام اٹھائے یہ ضروری نہیں۔ کئی معاملات میں انتظامیہ کا موقف احباب سے مختلف ہو سکتا ہے، اور غالب امکان ہے کہ جتنی باتیں اور سیاق و سباق منتظمین کے علم میں ہوں وہ دیگر محفلین کے علم میں نہ ہوں۔ :) :) :)
     
    • پسندیدہ پسندیدہ × 3
    • زبردست زبردست × 1
  17. ابن سعید

    ابن سعید خادم

    مراسلے:
    60,174
    نہیں برادرم، ہمیں آپ کے خلوص پر شک نہیں اور آپ کے شگفتہ انداز میں چست سے مذاق سے محظوظ بھی ہوئے، لیکن بر وقت صفائی اس لیے دے دی کیونکہ خطرہ تھا کہ دیگر احباب آپ کی بات کو سنجیدہ مگر منفی انداز میں لے اڑیں گے اور بات کہیں کی کہیں چل نکلے گی۔ :) :) :)
     
    • متفق متفق × 3
    • زبردست زبردست × 1
    • دوستانہ دوستانہ × 1
  18. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    ٹھیک ہے، میں پھر ابھی آپکی شکایت وہاں لگاتا ہوں :)
     
    • پر مزاح پر مزاح × 3
    • متفق متفق × 1
  19. ڈاکٹر جمیل الرحمٰن

    ڈاکٹر جمیل الرحمٰن محفلین

    مراسلے:
    38
    جھنڈا:
    SaudiArabia
    موڈ:
    Mellow
    اﷲ کرے ہماری یہ بزم خالص علمی اور ادبی ہو اور شائستگی کی امین ہو ۔
    بھائی چارے اور دوستی کی فضا برقرار ہو ۔
    آمین
     
    • متفق متفق × 4
    • پسندیدہ پسندیدہ × 1
  20. aamir zulfiqar

    aamir zulfiqar محفلین

    مراسلے:
    43
    جھنڈا:
    Pakistan
    موڈ:
    Angelic
    میں نئی پوسٹ کیسے لکھوں؟ سمجھ نہیں آ رہا۔ میں نیا ہوں
     

اس صفحے کی تشہیر