1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

جون ایلیا فقیہ و واعظ و مفتی پہ حرف گیر ہو کون؟ شہر آشوب ۔ جون ایلیا

کاشف اختر نے 'پسندیدہ کلام' کی ذیل میں اس موضوع کا آغاز کیا، ‏جنوری 18, 2018

  1. کاشف اختر

    کاشف اختر لائبریرین

    مراسلے:
    713
    جھنڈا:
    India
    موڈ:
    Goofy

    گزر گئے پسِ در کی اشارتوں کے وہ دن
    کہ رقص کرتے تھے مے خوار رنگ کھیلتے تھے

    نہ محتسب کی تھی پروا نہ شہرِ دار کی تھی
    ہم اہلِ دل سرِ بازار رنگ کھیلتے تھے

    غرورِ جبہ و دستار کا زمانہ ہے
    نشاطِ فکر و بساطِ ہنر ہوئی برباد

    فقیہ و مفتی و واعظ پہ حرف گیر ہو کون؟
    یہ ہیں ملائکہ اور شہر جنتِ شداد

    ملازمانِ حرم نے وہ تنگیاں کی ہیں
    فضائیں ہی نہ رہیں رقصِ رنگ و بو کے لیے

    یہ انتظام تو دیکھو خزاں پرستوں کا
    بچھائی جاتی ہیں سنگینیاں نمو کے لیے

    اسی ہوس میں ہیں ہر دم یہ دشمنانِ جمال
    جو سوئے رنگ اٹھے اس نظر کو گُل کر دیں

    جو بس چلے کہیں ان کا تو یہ فضا بیزار
    شفق کا رنگ بجھا دیں سحر کو گُل کر دیں

    ہوئی ہے جانبِ محراب سے وہ بارشِ سنگ
    کہ عافیت ، خمِ ابرو کی ہے بہت دشوار

    ستم کیا ہے عجب منجنیقِ منبر نے
    حریمِ دل کی سلامت نہیں رہی دیوار

    یہ عہد وہ ہے کہ دانشورانِ عہد پہ بھی
    منافقت کی شبیہوں کا خوف طاری ہے

    نمازِ خوف کے دن ہیں کہ ان دنوں یارو
    قلندروں پہ فقیہوں کا خوف طاری ہے

    یہ ہیں وہ تیرہ دلانِ قلمروِ تاریخ
    جو روشنائیِ دانش کا خون کرتے رہے

    یہی تو ہیں جو حکیموں کی حکمتوں کے خلاف
    ہر اک دور میں حاکم کے کان بھرتے رہے

    ہیں ظلمتوں کی مربی طبیعتیں ان کی
    کبھی یہ روشنیِ طبع کو نہیں مانے

    ہے روشنی کا انہیں ایک ہی نظارہ پسند
    کہ جشنِ فتح منے اور جلیں کتب خانے

    دیا ہے کام انہیں شب کے سر پرستوں نے
    سپیدۂ سحری کو سیاہ کرنے کا

    ملا ہے عہدہ کلیسائے غرب سے ان کو
    شعورِ مشرقِ نو کو تباہ کرنے کا

    گزشتہ عہد گزرنے ہی میں نہیں آتا
    یہ حادثہ بھی لکھو معجزوں کے خانے میں

    جو رد ہوئے تھے جہاں میں کئی صدی پہلے
    وہ لوگ ہم پہ مسلط ہیں اس زمانے میں


    جون ایلیا ​
     
    • پسندیدہ پسندیدہ × 3

اس صفحے کی تشہیر