غزل ۔ کیسے کیسے خواب دیکھے، دربدر کیسے ہوئے ۔ رسا چغتائی

[محمداحمد]

غزل​

​

کیسے کیسے خواب دیکھے، دربدر کیسے ہوئے​

کیا بتائیں روز و شب اپنے بسر کیسے ہوئے​

​

نیند کب آنکھوں میں آئی، کب ہوا ایسی چلی​

سائباں کیسے اُڑے، ویراں نگر کیسے ہوئے​

​

کیا کہیں وہ زُلفِ سرکش کس طرح ہم پر کھلی​

ہم طرف دار ہوائے راہگُزر کیسے ہوئے​

​

حادثے ہوتے ہی رہتے ہیں مگر یہ حادثے​

اک ذرا سی زندگی میں، اس قدر کیسے ہوئے​

​

ایک تھی منزل ہماری، ایک تھی راہِ سفر​

چلتے چلتے تم اُدھر، اور ہم اِدھر کیسے ہوئے​

​

رسا چغتائی​

 

[زبیر مرزا]

واہ بہت خوُب جناب

 

[صائمہ شاہ]

حادثے ہوتے ہی رہتے ہیں مگر یہ حادثے
اک ذرا سی زندگی میں، اس قدر کیسے ہوئے

 

[نیرنگ خیال]

حادثے ہوتے ہی رہتے ہیں مگر یہ حادثے​

اک ذرا سی زندگی میں، اس قدر کیسے ہوئے​

​

بہت عمدہ۔۔ زبردست۔۔۔۔ انتخاب۔۔۔ ​

 

[نیلم]

واہ بہت ہی خُوب

کیسے کیسے خواب دیکھے، دربدر کیسے ہوئے
کیا بتائیں روز و شب اپنے بسر کیسے ہوئے

 

[عؔلی خان]

تِھی حَیا مانِع فَقط بَندِقَبا کھُلنے تَک
پِھر تو و ہ جَانِ حَیا اِیسا کھُلا، اِیسا کھُلا

(شاعر: رَسا چُغتائی)

 

[مقدس]

واہ واہ

 

[عمر سیف]

بہت خوب۔

 

[عینی شاہ]

واہ واہ اور واہ بھئی واہ

 

[عینی شاہ]

واہ واہ

 

[محمداحمد]

بہت شکریہ تمام احباب کا کہ انتخاب کو پسند کیا۔۔۔!

 

[محمداحمد]

واہ واہ اور واہ بھئی واہ

یہ تو کچھ "کاپی پیسٹ" تعریف لگ رہی ہے کہ بالکل ایسی ہی یہاں بھی ہے۔

 

[عینی شاہ]

یہ تو کچھ "کاپی پیسٹ" تعریف لگ رہی ہے کہ بالکل ایسی ہی یہاں بھی ہے۔

آپ اتننی دیر سے یہی کھوج لگائے جا رہے تھے ۔۔بھئی اب واہ واہ بار بار کون لکھے ہے نا بھئی

 

[محمداحمد]

آپ اتننی دیر سے یہی کھوج لگائے جا رہے تھے ۔۔بھئی اب واہ واہ بار بار کون لکھے ہے نا بھئی

واقعی! اتنا بھی بہت ہے۔ یوں بھی اپنی طرف سے تعریف کریں گی تو پھر شاعری کے ذمرے میں داخلہ بند ہو جائے گا۔