1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عرفان صدیقی غزل ۔ قدم اُٹھے تو گلی سے گلی نکلتی رہی ۔ عرفان صدیقی

محمداحمد نے 'پسندیدہ کلام' کی ذیل میں اس موضوع کا آغاز کیا، ‏اکتوبر 13, 2012

  1. محمداحمد

    محمداحمد لائبریرین

    مراسلے:
    21,762
    جھنڈا:
    Pakistan
    موڈ:
    Depressed
    غزل
    قدم اُٹھے تو گلی سے گلی نکلتی رہی
    نظر دیے کی طرح چوکھٹوں پہ جلتی رہی
    کچھ ایسی تیز نہ تھی اُس کے انتظار کی آنچ
    یہ زندگی ہی مری برف تھی پگھلتی رہی
    سروں کے پھول سرِ نوکِ نیزہ ہنستے رہے
    یہ فصل سوکھی ہوئی ٹہنیوں پہ پھلتی رہی
    ہتھیلیوں نے بچایا بہت چراغوں کو
    مگر ہوا ہی عجب زاویے بدلتی رہی
    دیارِ دل میں کبھی صبح کا گجر نہ بجا
    بس ایک درد کی شب ساری عمر ڈھلتی رہی
    میں اپنے وقت سے آگے نکل گیا ہوتا
    مگر زمیں بھی مرے ساتھ ساتھ چلتی رہی
    عرفان صدیقی
     
    • پسندیدہ پسندیدہ × 5
    • زبردست زبردست × 1
  2. فلک شیر

    فلک شیر محفلین

    مراسلے:
    7,345
    جھنڈا:
    Pakistan
    موڈ:
    Shh
    کیا عمدہ غزل ہے مرشد
     
    • دوستانہ دوستانہ × 1
  3. عرفان سعید

    عرفان سعید محفلین

    مراسلے:
    5,447
    جھنڈا:
    Finland
    موڈ:
    Psychedelic
    بہت خوبصورت انتخاب!

    ہر قدم دوریِ منزل ہے نمایاں مجھ سے
    میری رفتار سے بھاگے ہے، بیاباں مجھ سے
    (غالب)
     
  4. محمد خرم یاسین

    محمد خرم یاسین محفلین

    مراسلے:
    2,085
    جھنڈا:
    Pakistan
    موڈ:
    Relaxed
    حسن اتفاق دیکھیے کہ چند روز قبل عرفان صدیقی کی کتاب کی تقریب رونمائی ہوئی تو معلوم ہوا حضرت شاعر بھی ہیں ورنہ اس سے قبل محض ایک کالم نگار کے طور پر ہی شناخت تھی۔ البتہ کتاب کی قیمت جو غالباً 900 روپے تھی دیکھ کراندازہ ہوا کہ یہ شاید عام قاری کی پہنچ سے ہمیشہ دور رہے ۔
     
  5. محمد وارث

    محمد وارث لائبریرین

    مراسلے:
    25,276
    جھنڈا:
    Pakistan
    موڈ:
    Depressed
    یہ شاعر عرفان صدیقی، پاکستانی کالم نگار عرفان صدیقی نہیں ہیں۔

    شاعر عرفان صدیقی (محمد عرفان احمد صدیقی) بدایوں میں پیدا ہوئے تھے اور ہند سرکار کے ملازم تھے، 2004ء میں فوت ہو گئے تھے۔ یہ روابط دیکھیے:
    [​IMG]
    بی بی سی ۔ عرفان صدیقی کی وفات پر
    عرفان صدیقی: حیات، خدمات اور شعری کائنات (ای بُک)

    ریختہ پر ان کا کلام بھی موجود ہے۔
     
    • پسندیدہ پسندیدہ × 1
    • معلوماتی معلوماتی × 1
  6. محمد خرم یاسین

    محمد خرم یاسین محفلین

    مراسلے:
    2,085
    جھنڈا:
    Pakistan
    موڈ:
    Relaxed
    شکریہ۔جزاک اللہ۔ان کے بارے میں میں نہیں جانتا تھا۔ ویسے دوسرے عرفان صدیقی کے بارے میں بھی چند روز قبل ہی انکشاف ہوا ہے کہ وہ شاعر بھی ہیں۔ میں ان کی کتاب کی تقریب رونمائی میں کچھ دیر ہی بیٹھا تھا اور سیاسی بیان بازی کی وجہ سے اٹھ کر چلا آیا تھا ۔نواز شریف کے مشیر خاص کی حیثیت سے حضرت"مجھے کیوں نکالا" کے موقف کی تائید کر رہے تھے ۔ کتاب کا دیباچہ عطاالحق قاسمی نے تحریر کیا تھا اور چھپی جہلم سے تھی جبکہ قیمت 900 روپے تھی۔
     
    • معلوماتی معلوماتی × 2

اس صفحے کی تشہیر